Aktyor Leonardo Di Kaprio. Arxiv şəkli

Hollivud ulduzu da Urmiyə gölünün qurumasına etiraz etdi

122
Leonardo Di Kaprio Urmiyə gölünün quruması ilə bağlı foto paylaşmaqla bir anda Cənubi Azərbaycanda yaşayan milyonlarla türkün sevimlisinə çevrilib.

BAKI, 12 may — Sputnik. Hollivud ulduzu Leonardo Di Kaprio (Leonardo DiCaprio) bir anda Güney Azərbaycanda yaşayan milyonlarla türkün sevimlisinə çevrilib. 

Buna səbəb aktyorun Instagram şəbəkəsində paylaşdığı bir fotodur. O, ötən həftə Urmiyə gölünün quruması ilə bağlı foto paylaşıb. 

Onun bu fotosunu 115 minə qədər istifadəçi şərh edib. Bu son üç ayda Leonun hesabına gələn şərhlərin yarısı deməkdir. 

Fotonun altına Leo bu sözləri yazıb: “İranın şimal-qərbində, qurumuş Urmiyə gölünün üstündə köhnəlmiş gəmi doku. Vaxtilə bu, Orta Şərqin ən böyük şor sulu gölü olub”
Fotonun altına Leo bu sözləri yazıb: “İranın şimal-qərbində, qurumuş Urmiyə gölünün üstündə köhnəlmiş gəmi doku. Vaxtilə bu, Orta Şərqin ən böyük şor sulu gölü olub”

Di Kaprionun Instagramda 7 milyona yaxın izləyicisi olsa da, onun paylaşdığı fotoları şərh edənlərin sayı nadir hallarda 3 mini keçir. 

Şərhlərdən göründüyü kimi onu yazan istifadəçilərin əksəriyyəti iranlıdır və çox güman ki, Güney Azərbaycandan olanlardır. 

Fotonun altına Leo bu sözləri yazıb: “İranın şimal-qərbində, qurumuş Urmiyə gölünün üstündə köhnəlmiş gəmi doku. Vaxtilə bu, Orta Şərqin ən böyük şor sulu gölü olub. Amma iqlim dəyişikliyi səbəbindən indi onun suyunun səviyyəsi 20 il əvvəlkinin cəmi beş faizi qədərdir.”

Fotoya yazılan şərhlərin çoxunda "İrandan təşəkkürlər" sözləri ilə minnətdarlıq ifadə edilib. 

"Yaşasın Leo", "Təşəkkürlər Leo, təşəkkürlər. Mən iranlı tələbəyəm. Səni sevirəm. Türklər səni sevir. Sən bütün dünyanın aktyorusan" kimi şərhlər burada yer alıb. 

Xatırladaq ki, Leonardo Di Kaprio artıq bir neçə ildir ki, Yer planetində iqliminin dəyişməsi ilə bağlı kampaniya aparır. O, 2014-cü ildə BMT-nin İqlim Dəyişikliyi üzrə nümayəndəsi elan edilib. 

Hətta uzun illər gözlədikdən sonra ilk Oskar (Oscar) mükafatını alan Leo Oskar nitqinin əsas hissəsini iqlimin dəyişməsi probleminə həsr etmişdi.

"İqlim dəyişikliyi realdır, bu hazırda baş verir. Bu, bütün insan nəslinin üzləşdiyi ən təcili təhlükədir və biz ona qarşı birgə işləməli, ləngitməni dayandırmalıyıq" – deyə Leo həyəcanlı nitqində bildirmişdi.

Qeyd edək ki, UNESCO-nun Biosfer Qoruğu adlandırdığı Urmiyə Gölünün ərazisi quraqlığa və bəndlərin çəkilməsinə görə, son 20 il ərzində böyük hissəsini itirib. Ekologiya üzrə ekspertlərin fikrincə, göl bir neçə il ərzində tamamilə quruya bilər ki, bu da ekoloji fəlakət gətirib çıxarar.

2014-cü ildə İran hökuməti Urmiyə Gölünün bərpa edilməsi üçün vəsait ayırdığını bəyan edib. 

Güney azərbaycanlıları artıq bir neçə ildir ki, Urmiyə gölünün quruması əleyhinə kampaniya aparırlar. Onlar hesab edirlər ki, İran hökuməti bu gölün qurumasını qəsdən istəyir. Çünki bu göl, İranda yaşayan türklər üçün müqəddəs bir yerdir, onların tarixinin ayrılmaz bir hissəsidir. 

Ötən il Güney Azərbaycandan olan bir qadın Urmiyə gölünün qurumasına diqqəti cəlb etmək üçün orijinal yola əl atmışdı. 

Qadın Urmiyənin kənarında tikiş maşını ilə onlarla metr uzunluğu olan ağ parçanın üzərinə qurumuş gölün balıqlarını simvolizə edən qırmızı balıq şəkilləri tikmişdi. Balıq şəkilli ağ bez gölün qurumuş hissələrində yerə sərilmişdi.

122

Türk səfir Armen Sarkisyanın saxtakarlığını ifşa etdi

16
Ermənistan prezidentinin bu hərəkəti Türkiyə ərazisinə iddia ilə yanaşı Gürcüstan-Türkiyə münasibətlərinə xələl gətirmək cəhdi kimi də qəbul olunub.

BAKI, 18 aprel - Sputnik. Türkiyənin Gürcüstandakı səfiri Fatma Ceren Yazqan Ermənistan prezidenti Armen Sarkisyanın Tbilisiyə rəsmi səfəri çərçivəsində əl atdığı təxribata münasibət bildirib.

Sputnik Azərbaycan Report-a istinadla xəbər verir ki, diplomat Twitter hesabında Ağrı dağının Türkiyədə ən hündür dağ olduğunu yazıb.

F.C.Yazqan bu barədə məlumatı gürcü və erməni dillərində də əlavə edib: “Sadəcə əmin edirəm ki, faktlar karikaturistik diplomatiyada itmir”.

Qeyd edək ki, A.Sarkisyan Gürcüstanın prezident sarayının fəxri qonaqlar kitabında yazı ilə yanaşı Ağrı dağının konturları ilə rəsm də çəkib. Bu fakt Gürcüstan prezidenti Salome Zurabişvilinin həmin səhifənin fotoşəklini sosial şəbəkədə paylaşmasından sonra məlum olub.

Ermənistan prezidentinin bu hərəkəti Türkiyə ərazisinə iddia ilə yanaşı Gürcüstan-Türkiyə münasibətlərinə xələl gətirmək cəhdi kimi də qəbul olunub.

16
Президент Туркменистана Гурбангулы Бердымухаммедов, фото из архива

Türkmənistan Prezidentinin atası vəfat edib

16
(Yenilənib 22:19 18.04.2021)
Türkmənistan DİN-in 1001 saylı hərbi hissəsinə və nazirliyin Aşqabaddakı yaşayış kompleksinə onun adı verilib.

BAKI, 18 aprel - Sputnik. Türkmənistan Prezidenti Qurbanqulu Berdiməhəmmədovun atası Malikqulu Berdimuhamedov 88 yaşında vəfat edib.

Sputnik Azərbaycan xəbər verir ki, bu barədə Türkmənistanın dövlət televiziyası məlumat yayıb.

Qeyd edək ki, M.Berdimuhamedov 1932-ci il avqustun 12-də anadan olub. O, 1982-ci ildə Daxili İşlər Nazirliyindən polis polkovnik-leytenantı rütbəsində ehtiyata buraxılıb. Türkmənistan DİN-in 1001 saylı hərbi hissəsinə və nazirliyin Aşqabaddakı yaşayış kompleksinə onun adı verilib.

16
Rusiya XİN-nin binası, arxiv şəkli

Çexiyanın Rusiyadakı səfirliyinin 20 əməkdaşı “persona non qrata” elan edildi

0
Rusiya Xarici İşlər Nazirliyinin “persona non qrata” elan etdiyi şəxslər Moskvanı 19 aprelə qədər tərk etməlidirlər.

BAKI, 18 aprel - Sputnik. Rəsmi Moskva Rusiya diplomatlarının Çexiyadan çıxarılmasına anoloji qərarla cavab verib.

Sputnik Azərbaycan RİA Novosti-yə istinadla xəbər verir ki, Rusiya Xarici İşlər Nazirliyi Çexiya Respublikasının Moskvadakı səfirliyinin 20 əməkdaşını “persona non qrata” elan edib.

Həmin şəxslər Rusiyanı 19 aprelə qədər tərk etməlidirlər.

Bundan əvvəl Çexiya respublikasının fövqəladə və səlahiyyətli səfiri Vitezslav Pivonka rəsmi Praqanın rus diplomatları ölkədən çıxaracağı ilə bağlı bəyanatından sonra Rusiya Xarici İşlər Nazirliyinə çağırılıb.

Bundan əvvəl RF diplomatiya idarəsində Çexiya hökumətinə sərt etiraz bildirilmiş və cavab tədbirlərinin görüləcəyinin anonsu verilmişdi.

Rusiya Xarici İşlər Nazirliyi qeyd edib ki, Praqanın hərəkətlərində "Amerikanın izlərini görməmək olmaz".

Nazirlik diplomatların qovulması qərarının 2014-cü ildə Vrbetitsadaki hərbi anbarlarda baş verən partlayışda Rusiya xüsusi xidmət orqanlarının iştirakı ilə bağlı "əsassız və həqiqətdən uzaq bəhanələr"lə əlaqədar verildiyini qeyd edib. 

 

0