Yenilebilen kaşık

Qaşıqları yeməklə dünyanı xilas edə biləcəyik

282
Hindistanda istehsalına başlanan yeni süfrə ləvazımatları yeyilə bilən məmulatlardan hazırlanıb və dünyanı ekoloji fəlakətdən xilas etmək məqsədi daşıyır.

BAKI, 11 may — Sputnik. Hindistanda bir iş adamı ev və iş yerlərində istifadə olunan plastik süfrə ləvazımatlarının – qab-qaşığın atılması səbəbindən yaranan çirkabın aradan qaldırılması üçün yenilənə bilən qaşıq və çəngəl istehsalına başlayıb.

Son araşdırmalara görə, dünyada hər il 40 milyon tona yaxın plastik çəngəl, qaşıq və bıçaq atılır. Bu vəziyyət böyük ölçüdə ətraf mühitin çirklənməsinə səbəb olur. Hindistanın Heydərabad şəhərindən olan Narayana Pisapati (Narayana Peesapaty) adlı bir nəfər isə təbiətdə parçalanması min illərlə vaxt tələb edən zibillərin aradan qaldırılması üçün qeyri-adi bir həll yolu tapıb. 

Pisapati təbiətin qorunması məqsədilə düyü, qarğıdalı və buğda unundan hazırlanmış qaşıq, çəngəl və yemək çubuğu hazırlayıb. Partlaq qarğıdalı dadına bənzəyən dadı olan bu süfrə ləvazımatlarının sadə, şirin və acı növləri var və onlar 3 il ərzində xarab olmurlar. 

Bu barədə Sputnik-ə açıqlama verən Pisapati deyib: "Çoxlu plastik qab-qaşıq zibilliyə atılır. Onların təbiətdə həll olunması isə uzun illər tələb edir. Eyni zamanda bu plastiklər xüsusilə təbiətə, daha sonra da torpaqdan qidalara keçən kimyəvi maddələrə çevrilir. Ancaq qarğıdalı unundan hazırlanmış bu qaşıqlar olduqca faydalıdır. Plastik qaşıqla yemək yeyənlər zəhərlənirlər, ancaq yenilənə bilən qaşıqla yemək yeyənlər faydalı bir qida ilə qidalanmış olurlar."

Sözügedən qaşıqların internet vasitəsilə satışa çıxarılacağını söyləyən Pisapati Rusiya da daxil olmaqla çox sayda ölkədən təkliflər aldığını, amma hələlik Hindistanda işləməyə üstünlük verdiyini bildirib. 

282
Yerevanda etirazlar, arxiv şəkli

Paşinyana yol göründü: Ermənistan müxalifəti ümummili mitinq keçirəcək

1
(Yenilənib 14:49 22.09.2020)
Müxalifətin bəyanatına görə, hazırkı Ermənistan hökuməti hakimiyyətə gəldiyi iki il ərzində cəmiyyətin gözləntilərini doğrultmayıb və ölkənin inkişafını təhdid altına qoyub.

BAKI, 22 sentyabr — Sputnik. Ermənistanın üç müxalifət partiyası "Çiçəklənən Ermənistan", "Daşnaksutyun" və "Vətən" partiyaları oktyabrın 8-nə ümumdövlət mitinqi təyin edib. Sputnik Azərbaycan Ermənistan KİV-nə istinadən xəbər verir ki, bu barədə siyasi partiyaların yaydığı birgə bəyanatda bildirilir.

Partiyalar bəyan ediblər ki, "ölkədə yaranmış vəziyyəti qiymətləndirərək və yeni keyfiyyətli milli hökumətin qaçılmaz olmasını hesab edərək" mitinq keçirmək barədə qərar qəbul edilib.

Mitinqin oktyabrın 8-i Yerevanın Azadlıq meydanında keçirilməsi planlaşdırılır.

Müxalifətin bəyanatına görə, hazırkı Ermənistan hökuməti hakimiyyətə gəldiyi iki il ərzində cəmiyyətin gözləntilərini doğrultmayıb və ölkənin inkişafını təhdid altına qoyub.

1

Rusiyanın koronavirus peyvəndi: hansı ölkələr onu almaq istəyir

1
(Yenilənib 14:35 22.09.2020)
Pandemiya nə vaxt bitəcək? Yəqin ki, bu sual hamını narahat edir. Koronavirus probleminə son qoymağa Rusiyanın "Sputnik V" vaksini də kömək edəcək. Hansı ölkələr Rusiya preparatını almaq niyyətindədir və daha harada vaksin yaradılır – ətraflı videoçarxımızda.

Rusiyanın COVID-19 əleyhinə vaksini yaratmasını kosmosa uçuşla müqayisə etmək olar. "Sputnik V" preparatı effektivliyini və təhlükəsizliyini sübut edib.

Rusiya dünyada koronavirus əleyhinə peyvəndi qeydiyyatdan keçirən ilk ölkə oldu >>

Rusiya peyvəndini ilk olaraq Belarus alacaq. Qazaxıstan da onun tədarükü üçün saziş imzalayıb. Vaksinini həmçinin yaxın vaxtlarda Moldova, Azərbaycan və Tacikistan əldə etməyə hazırlaşır.

1
DİN-in xüsusi təyinatlı polis dəstəsi, arxiv şəkli

Silahlı şəxslərə qarşı əməliyyat keçirildi

0
Faktlarla bağlı Baş İdarədə Cinayət Məcəlləsinin müvafiq maddələri ilə cinayət işi başlanılıb. Xəyyam Musazadə və Amil Tağıyev barəsində Nərimanov Rayon Məhkəmənin qərarı ilə həbs qətimkan tədbiri seçilib, istintaq tədbirləri davam etdirilir.

 

BAKI, 22 sentyabr — Sputnik. Baş Mütəşəkkil Cinayətkarlıqla Mübarizə İdarəsinin əməkdaşları tərəfindən əllərdə qanunsuz saxlanılan odlu silah-sursatın aşkar edilməsi istiqamətində bir neçə uğurlu əməliyyat tədbiri həyata keçirilib.

Sputnik Azərbaycan Daxili İşlər Nazirliyinin məlumatına istinadla xəbər verir ki, Baş İdarəyə əvvəllər məhkum olunmuş Bərdə rayon sakini Xəyyam Musazadənin yaşadığı evdə qanunsuz olaraq silah-sursat gizlətməsi barədə əməliyyat məlumatı daxil olub. Keçirilən təxirəsalınmaz tədbir nəticəsində həmin şəxs rayon ərazisində tutulub. Onun Bərdə rayonu Şorəlli kəndində yaşadığı evə baxış zamanı 1 ədəd "Kalaşnikov" markalı avtomat, həmin silaha məxsus 1 ədəd daraq və 3 ədəd patron aşkar olunaraq götürülüb.

Həyata keçirilən daha bir tədbir zamanı isə Şamaxı rayon sakini Amil Tağıyev üzərində qanunsuz olaraq odlu silah gəzdirməkdə şübhəli bilindiyi üçün Bakı-Şamaxı yolunun 16-ci kilometrliyində Baş İdarə əməkdaşları tərəfindən saxlanılıb. Onun üzərinə baxış keçirilən zaman 1 ədəd "Makarov" markalı tapança. 1 ədəd sandıqça və 5 ədəd patron aşkar olunaraq götürülüb.

Faktlarla bağlı Baş İdarədə Cinayət Məcəlləsinin müvafiq maddələri ilə cinayət işi başlanılıb. Xəyyam Musazadə və Amil Tağıyev barəsində Nərimanov Rayon Məhkəmənin qərarı ilə həbs qətimkan tədbiri seçilib, istintaq tədbirləri davam etdirilir.

0