NATO-ya üzv ölkələrin müdafiə nazirlərinin toplantısı

Rusiyadan NATO-ya ismarıc: "Şərəf sözü veririk ki..."

569
(Yenilənib 14:26 11.05.2016)
Alyansın hərbi qüdrətini artırması Moskvada ciddi müzakirələrə səbəb olub. Rus rəsmilər ölkələrinin NATO üçün təhlükə törətmədiyini bildirsələr də, ittifaq rəhbərliyi "Rusiya təhlükəsi"nə güclənməkdə israrlıdır.

Rusiyadan NATO-ya ismarış: "Şərəf sözü veririk ki..."
BAKI, 6 may — Sputnik. ABŞ dövlət katibinin müavini Entoni Blinken Polşaya səfəri zamanı "şərq və cənub yamaclarda təhdidlərə qarşı mübarizə"ni NATO-nun məsuliyyəti adlandırıb. O bildirib ki, ABŞ, xərclərinin dörd dəfə artacağı gözlənilən Alyansın işində iştirak etməyə davam edəcək.
Rusiya və NATO
© AFP 2020 / NIMANI ARMEND NIMANI

"Biz xərcləri 790 milyondan 3,4 milyard dollaradək artırdıq. Bunun nəticəsində, biz Avropada avadanlıqla təmin olunmuş bütöv bir bölməni təmin edə bilərik. Şərq qanadında isə dörd min əsgərdən ibarət hərbi briqada yerləşdiriləcək", — deyə Blinken bildirib.

NATO-nun müttəfiq hərbi qüvvələrinin yeni baş komandanı Kertis Skaparotti isə ittifaq üzvlərini "terrorçular və Rusiya tərəfindən təhlükələrə qarşı" daim hazır olmağa çağırıb.

Rusiya Prezidentinin mətbuat katibi Dmitri Peskov isə öz növbəsində bildirib ki, Moskva heç kəsə təhlükə törətmir, lakin öz maraqlarını qorumaq niyyətindədir. Rusiya xarici işlər nazirinin müavini Aleksey Meşkov da çağırışa cavab verib. O qeyd edib ki, "əvvəl anlamaq lazımdır, sonra isə bəyanatlar vermək".

"Siyasi bəyanatlar vermək NATO-nun hərbçilərinin işi deyil", — deyə Meşkov bildirib.

Rusiya Dövlət Dumasının beynəlxalq məsələlər üzrə komitəsinin üzvü Adalbi Şxaqoşev isə hesab edir ki, NATO Rusiyanın Suriyadakı hərbi gücünün ancaq terrorla mübarizə məqsədi daşıdığını və "soyuq müharibə" əlaməti olmadığını anlamalıdır. Onun sözlərinə görə, NATO Rusiyanı təhlükələr siyahısına daxil etməkdə davam edir.

"Bununla artıq heç nə etmək olmaz. Skaparottinin yeni bəyanatı Rusiya ilə əlaqələrin qurulması trendini davam etdirməyə imkan vermir. Baxmayaraq ki, NATO-nun rəhbərliyi Rusiyanı əsas təhdidlər siyahısına salmağa davam edir, biz şərəf sözü veririk ki, terrorçuları ittifaq qüvvələri ilə qarışdırmayacağıq", — Şxaqoşev bildirib.

Rusiya sərhədləri yaxınlığında NATO-nun gücləndirilməsi daim Moskvanın narahatlığına səbəb olur. Mayın əvvəlində Pentaqonun rəhbəri Eşton Karter bildirib ki, alyans Baltikyanı ölkələrdə və Polşada dörd batalyonun yerləşdirilməsi imkanlarını nəzərdən keçirir.

Buna cavab olaraq Rusiya müdafiə naziri Sergey Şoyqu üç yeni bölmələrin yaradılması planları haqda xəbər verib. Rus mətbuatında yer alan xəbərlərə görə, yeni bölmələr Rostov, Smolensk və Voronej şəhərlərində qurulacaq. Bu hərbi birliklərin hər biri isə 10 min əsgər tutumlu olacaq.

Rusiya tərəfi dəfələrlə qeyd edib ki, o, qarşıdurmanın kəskinləşməsində maraqlı deyil, lakin Qərbin hərəkətlərinə adekvat cavab verməyə hazırdır.

569
Teqlər:
Aleksey Meşkov, Adalbi Şxaqoşev, Entoni Blinken, Alyans, Dmitri Peskov, NATO, Rusiya
Əlaqədar
Türkiyə Gürcüstanı NATO-da görmək istəyir
Bakıda NATO nümayəndəsi ilə cəbhədəki son hadisələr müzakirə olunub
NATO Qarabağdakı vəziyyətə münasibət bildirib
NATO qırıcıları Şoyqunun təyyarəsinin 2 kilometrliyindən uçub
NATO Rusiya sərhəddinin bir addımlığında
Qartal NATO-ya məxsus hava vasitəsini yerə salıb
NATO nümayəndə heyəti hərbi hissələrdə olub
 Rusiyanın hərbi polisi Suriyada, arxiv şəkli

"Onları qiymətləndirmədik": Qərb ilk dəfə rusların Suriyada hərbi uğurunu tanıyıb

8
Amerikalılar etiraf edirlər ki, İsrailin Suriyadakı İran obyektlərinə hava zərbələri və antirusiya sanksiyaları Moskva və Tehranı Bəşər Əsədi dəstəkləməkdən imtina etməyə və ya ona yardımı məhdudlaşdırmağa məcbur edə bilməyib.

BAKI, 7 avqust — Sputnik, Andrey Kots. Rusların yardımı olmasaydı Bəşər Əsəd müharibəni uduzardı – amerikalılar etiraf edirlər ki, məhz Moskvanın, həmçinin İranın və "Hizbullah"ın müdaxiləsi Suriya ordusuna ölkənin böyük bir hissəsini qanunsuz silahlı qruplardan geri almağa imkan verib. Konqresin tədqiqat xidməti "Suriyada Silahlı Münaqişəyə və ABŞ-ın Reaksiyasına Dair İcmal" adlı 49 səhifəlik məruzəsində belə bir qənaətə gəlib. Hərbi analitiklər başqa nəyə diqqət yetirir və hansı proqnozları veriblər? Cavabı RİA Novosti-nin materialında.

Qüvvələr nisbəti

Sənəd Suriyanın xəritəsini göstərir. Ölkənin mərkəzi, qərb və cənub hissələrinə Bəşər Əsəd hökuməti nəzarət edir – ABŞ-ın Ət-Tənf hərbi bazasının yerləşdiyi İordaniya ilə sərhəddəki kiçik anklav istisna olmaqla. Şimal-qərbdə İdlib əyaləti silahlı qrupların əlindədir. Fəratın şimal və şərqindəki ərazilər – yəni Suriyanın təxminən üçdə biri – kürdlərin nəzarətindədir.

Amma burada analitiklər səhv edirlər, çünki faktiki olaraq həmin ərazilərə məhz Vaşinqton nəzarət edir. Burada amerikalıların sayı azdır – məruzəyə görə, təxminən 600 nəfər. Lakin onlar karbohidrogenlərlə zəngin olan bu regionda əsas neft yataqları ətrafında mövqe tutublar. Bundan başqa, Suriyanın şərqində özəl hərbi şirkətlərin yüzlərlə döyüşçüsü fəaliyyət göstərirlər. Sənəddə bildirilir ki, Suriyanın rəsmi hökuməti ABŞ-ın bu regionda hərbi iştirakını qanunsuz hesab edir. Ancaq Vaşinqtonda deyirlər ki, neft yataqlarını terrorçulardan qorumaq lazımdır.

Məruzə müəllifləri bəzən Əsəd ordusu ilə toqquşmaların baş verdiyini gizlətmirlər. Belə ki, onlar bu ilin fevralında Qamışlı yaşayış məntəqəsindəki blokpostda Suriya hərbçilərinin ABŞ Silahlı Qüvvələrinin patrulunu atəşə tutduğunu iddia edirlər. Heç kəs xəsarət almayıb.

Bundan başqa, ölkənin şimal-şərqində Rusiya və Amerika hərbçilərinin birbaşa qarşıdurmasının artması da qeyd olunur. İnternetdə ABŞ ordusunun zirehli avtomobillərinin Rusiya hərbi polis avtomobillərinin hərəkətinə maneə törətməyə çalışdığını göstərən onlarla videoçarx yayılıb. İş, xoşbəxtlikdən, atışmaya çıxmayıb.

Rusiya getməyəcək

Ümumilikdə amerikalılar etiraf edirlər ki, İsrailin Suriyadakı İran obyektlərinə hava zərbələri və antirusiya sanksiyaları Moskva və Tehranı Bəşər Əsədi dəstəkləməkdən imtina etməyə və ya ona yardımı məhdudlaşdırmağa məcbur edə bilməyib.

Analitiklər yazır: "ABŞ Moskvanın Suriyadan Yaxın Şərqdə öz nüfuzunu artırmaq üçün plasdarm kimi istifadə etmək imkanlarını və istəyini lazımı səviyyədə qiymətləndirməyib. Rusiya, İran və ya onların "proksi"ləri ilə birbaşa hərbi toqquşmaları istisna etmək olmaz".

Məruzənin müəllifləri təəssüflə qeyd edirlər ki, Dəməşqə təzyiq göstərmək getdikcə daha da çətinləşir. Cəbhə xəttini, ilk növbədə, Rusiya aviasiyası və xüsusi təyinatlılarının yardımı ilə Suriya paytaxtından uzağa atmaq mümkün olub, ölkənin böyük bir hissəsi isə "rejim"in nəzarəti altındadır. Bəşər Əsədin siyasi əleyhdarlarının əlində praktiki olaraq kart qalmayıb. Eyni zamanda, kürdlər getdikcə Dəməşqlə yaxınlıq qururlar. Deməli, mərkəzi hökumət şərq və şimal üzərində nəzarəti özünə qaytara bilər.

İŞİD hələ də təhlükəlidir

2018-ci ilin dekabrında Donald Tramp İŞİD üzərində qələbəni elan edib. Lakin analitiklər hesab edirlər ki, qruplaşma hələ də darmadağın edilməyib. ABŞ-ın müttəfiqləri 2019-cu ilin martında İŞİD-in Suriyadakı son istinad məntəqələrini ələ keçiriblər. Lakin terrorçular həm Suriyada, həm də İraqda komandanlıq və idarəçilik strukturunu qoruyub saxlayıblar. Deməli, hələ də zərbə vura bilərlər.

Daha bir təhlükə hazırda İŞİD-in təxminən on min döyüşçüsünün saxlanıldığı hərbi əsirlər düşərgəsidir. Onlar əsasən ölkənin şimalında yerləşir və kürd bölmələri tərəfindən qorunur. Bundan başqa, ekstremistlərin ailə üzvləri üçün düşərgələr var. Onların ən böyüyü – Əl-Holda 66 minədək terrorçu arvadları və uşaqları saxlanılır. Analitiklərin fikrincə, yaraqlılar orada təbliğatı davam etdirirlər, məhbusların döyüş ruhunu dəstəkləyirlər. İŞİD isə tərəfdarlarını azad etmək üçün basqınlar planlaşdırır.

Kürd rəhbərliyi əsirlərin mühafizəsi üçün güc çatışmazlığı olduğunu dəfələrlə bəyan edib. Amerikalılar kömək etməyə tələsmirlər – Vaşinqton yaraqlıların doğma ölkələrinin onları cəza çəkmək üçün evlərinə repatriasiya etməsinə təkid edir. Amma heç kim "öz" terrorçularını qaytarmaq istəmir və bundan yayınmaq üçün müxtəlif bəhanələr ortaya qoyur.

Problemli əyalət

Ən isti nöqtə İdlib əyalətidir. Orada indi Suriya, Rusiya, İran və Türkiyə fəaldır. Orada ABŞ ordusu yoxdur, amma amerikalılar dəfələrlə "Əl-Qaidə" ilə bağlı dəstələrə zərbələr endiriblər. Qeyri-dövlət birləşmələri "Həyat Təhrir Əş-Şam", "Xurəs Əd-Din", "Suriya Milli Ordusu", "Hizbullah" və digər qruplaşmalarla təmsil olunurlar. İŞİD döyüşçüləri də oradadır.

"İdlibin şimal rayonları müxalifət qüvvələrinin nəzarətində olan yeganə regiondur. Yerli qruplar 2011-ci ildə Dəməşqə meydan oxuyanların qalığıdır. Martın 5-dən etibarən İdlibdə Türkiyə və Rusiya prezidentlərinin razılığı əsasında sülh elan edilib. Onların qoşunları M4 strateji marşrutunu birgə patrul edirlər", - analitiklər vurğulayırlar.

Məruzənin müəllifləri bildirirlər ki, silahlıların atəş açmasına baxmayaraq, atəşkəs rejimini saxlamaq hələ ki, mümkündür.

8
Əlində gitara olan kişi, arxiv şəkli

Məşhur rok ifaçısı vəfat edib

17
Beş albomun müəllifi olan rok musiqiçisi daha çox "Pamela, Pamela", "Come on home", "Goodbye Bluebird", "She needs love" hitləri ilə tanınıb.

 

BAKI, 7 avqust — Sputnik. 60-70-cı illərin məşhur "Game of love" hitinin ifaçısı, britaniyalı rok musiqiçisi Ueyn Fontana vəfat edib.

74 yaşlı sənətçi İngiltərənin Stokport şəhərindəki xəstəxanalardan birində həyatını itirib.

Məşhur ulduzun ölüm səbəbi hələlik məlum deyil.

O, sözügedən kompozisiyanı ilk dəfə 1965-ci ildə "The Mindbenders" qrupu ilə birlikdə ifa edib.

Beş albomun müəllifi olan rok musiqiçisi daha çox "Pamela, Pamela", "Come on home", "Goodbye Bluebird", "She needs love" hitləri ilə tanınıb.

17
Hirkan Milli Parkında ayı

Heyvanları qəfəsdə saxlayan restoran sahibi cəzalanıb

0
(Yenilənib 23:56 07.08.2020)
R.Bağırov onu da qeyd edib ki, aparılan araşdırma zamanı heyvanların vaxtlı-vaxtında qidalandığı, onlara baytar nəzarətinin həyata keçirildiyi və saxlanıldığı yerlərin təmizləndiyi müəyyən olunub.

BAKI, 8 avqust — Sputnik. İsmayıllı rayonu "Günəş Park" restoranında heyvanların qəfəsdə saxlanılması ilə bağlı şikayət Dövlət Ekoloji Təhlükəsizlik Xidmətinin əməkdaşları tərəfindən yerində araşdırılıb.

Sputnik Azərbaycan xəbər verir ki, bu barədə xidmətin rəis müavini Ramal Bağırov danışıb.

O bildirib ki, aparılan araşdırma zamanı sözügedən istirahət mərkəzində qəfəslərdə saxlanılan zebra, dovşan, dəvə, meymun, maral, tovuzquşu, qırqovul və dəvəquşunun xaricdən gətirilməsinə dair rəsmi təsdiqedici sənədlərinin olduğu, lakin saxlanılması üçün müvafiq icazə sənədinin olmadığı məlum olub.

"Faktla bağlı istirahət mərkəzinin rəhbəri Sərxan İsgəndərov barəsində akt, protokol tərtib olunub və o, 2000 manat məbləğində cərimə edilib.

Zooloji kolleksiyanın yaradılması məqsədilə icazə sənədinin alınması üçün restoran sahibinə icrası məcburi olan "məcburi göstəriş" verilib".

R.Bağırov onu da qeyd edib ki, aparılan araşdırma zamanı heyvanların vaxtlı-vaxtında qidalandığı, onlara baytar nəzarətinin həyata keçirildiyi və saxlanıldığı yerlərin təmizləndiyi müəyyən olunub.

0