Solar Impulse 2

Dünya nəfəsini tutub bunu izlədi

293
(Yenilənib 18:26 03.05.2016)
Günəş enerjisi ilə işləyən təyyarə ilk uçuşunu reallaşdırıb. "Solar Impulse 2" 16 saat sonra Arizona ştatında yerə enərək dünya səyahətinin 10-cu mərhələsini uğurla başa vurub.

BAKI, 3 may — Sputnik. Yanacaqsız işləyən "Solar Impulse 2" adlı təyyarə Amerika qitəsində ilk uçuşunu reallaşdırıb. Beləcə bu təyyarə dünya səyahətindəki 10-cu etabını tamamlayıb.

Sputnik haberler-ə istinadla xəbər verir ki, ABŞ-ın Kaliforniya ştatının Mountain Viev şəhərindən havaya qalxan təyyarə 16 saat sonra Arizona ştatında yerə enərək dünya səyahətinin 10-ci etabını uğurla başa vurub.

Günəş enerjisi ilə işləyən təyyarə gecə vaxtı da uça bilir. 2.3 ton ağırlığında olan təyyarənin 72 metr uzunluğundakı iki qanadında 17 min 248 ədəd günəş paneli var. Əgər dünya turunu başa vuracaqsa, ilk dəfə dünya ətrafında dövrə vuran yanacaqsız işləyən təyyarə olacaq.

293
Teqlər:
yanacaqsız işləyən təyyarə, dünya turunu, yanacaqsız təyyarə, "Solar Impulse 2"
Əlaqədar
"Gələcəyin günəşi" Bakıda doğuldu
“Boeing 787” təyyarələrinin mühərriklərində ciddi problem aşkarlanıb
İnanılmaz olay: sevgilisinə məktub yetişdirmək üçün sərnişin təyyarəsini qaçırdı
İranda təyyarə avtomobillə toqquşdu
Təyyarələr terror təhdidindən məcburi eniş edib
Türkiyə Böyük Millət Məclisinin sədri Mustafa Şentop

Atatürkün Naxçıvanla bağlı arzusu həyata keçirilir - TBMM-in spikeri

15
Mustafa Şentop: "Dövlətimizin banisi Qazi Mustafa Kamal Atatürkün Naxçıvan sərhəd qapısına verdiyi əhəmiyyət və sərhəd qapısını açıq tutmaq üçün göstərdiyi cəhd illər sonra səmərəsini verdi".

BAKI, 28 noyabr - Sputnik. Qardaş Azərbaycanın Qarabağ və digər işğal altında olan bölgələri birmənalı  hərbi qələbə ilə geri almasından sonra ölkəmiz və Orta Asiyada yaşayan qardaşlarımız arasında birbaşa quru yolu və dəmiryolu əlaqələrinin təmin olunması imkanı yaranıb. 

Sputnik Azərbaycan Anadolu Agentliyinə istinadla xəbər verir ki, bu sözləri Türkiyə Böyük Millət Məclisinin (TBMM) sədri Mustafa Şentop deyib.

O, bu məsələdə Mustafa Kamal Atatürkün Naxçıvanla bağlı mövqeyini də yada salıb:

"Dövlətimizin banisi Qazi Mustafa Kamal Atatürkün Naxçıvan sərhəd qapısına verdiyi əhəmiyyət və sərhəd qapısını açıq tutmaq üçün göstərdiyi cəhd illər sonra səmərəsini verdi. Ölkə olaraq bunun sevincini yaşayırıq".

TBMM-in spikeri onu da qeyd edib ki, məqsəd Orta Asiyadakı türk cümhuriyyətləri ilə əlaqələri daha da genişləndirməkdir:

"Tarixi İpək Yolunu daima birlikdə canlandıracaq, Orta Asiyada yaşayan qardaşlarımızla iqtisadi, mədəni, siyasi və hərbi əlaqələrimizi təkmilləşdirəcəyik. Ölkəmizdə həyata keçirdiyimiz kommunikasiya investisiyalarını və bu mövzudakı podratçı təcrübəmizi Orta Asiyaya daşıyacağıq". 

15
Teqlər:
Naxçıvan, Mustafa Kamal Atatürk, Atatürk, Mustafa Şentop, Türkiyə Böyük Millət Məclisi, Orta Asiya
Türkiyədə təcili tibbi yardım maşını, arxiv şəkli

Koronavirus Cem Yılmazın filmlərinin məşhur xarakterinin həyatına son qoyub

16
(Yenilənib 20:39 28.11.2020)
COVID-19 virusundan müalicə alan teatr və kino aktyoru xəstəxanada vəfat edib. Bu barədə aktyor Can Yılmaz özünün "Twitter" hesabında məlumat verib.

BAKI, 28 noyabr — Sputnik. Tanınmış teatr və kino aktyoru Muhittin Korkmaz vəfat edib.

Sputnik Azərbaycan xəbər verir ki, bu barədə aktyor Can Yılmaz özünün "Twitter" hesabında məlumat verib. Teatr və kino aktyoru COVID-19 virusuna görə xəstəxanada müalicə alırmış.

Qeyd edək ki, Muhittin Korkmaz "G.O.R.A", "A.R.O.G", "Yahşi batı", "Pek yakında", "Arif", "216" kimi məşhur filmlərdə rol alıb. Aktyor 2002-ci ildə Cem Yılmazın çəkdiyi reklamlarda Huluti xarakterini canlandırıb. Aktyorun "Komutan Logar, bir cisim yaklaşıyor efendim!" replikası uzun illər insanların dilində əzbər olmuşdu.

16
Teqlər:
Koronavirus, epidemiya, COVID-19, aktyor, Türkiyə, Cem Yılmaz

Füzulidə minaya düşən şəxslərin meyitləri ailələrinə təhvil verilib

0
(Yenilənib 21:18 28.11.2020)
Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

BAKI, 28 noyabr - Sputnik. 2020-ci il 28 noyabr tarixində saat 15:10 radələrində Füzuli rayonunun işğaldan azad olunmuş Aşağı Seyidəhmədli kəndində mülki əhalinin girişi qadağan olunan təhlükəli ərazidə mina hadisəsi baş verib. Bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) məlumat daxil olub.

ANAMA-dan Sputnik Azərbaycan-a verilən məlumata görə, agentliyin mütəxəssislərindən ibarət əməliyyat-axtarış qrupu dərhal həmin əraziyə göndərilib, aparılmış xilasetmə əməliyyatı zamanı xüsusi təhlükəsizlik zolağı açılaraq Hacıyev Şakir Məhərrəm oğlu, Hacıyev Firuddin Məhərrəm oğlu, Hüseynov Zülfüqar Adışirin oğlu və Adilzadə Zibeydə Şakir qızının meyitləri ərazidən götürülərək aidiyyəti üzrə təhvil verilib.

Agentliyin mütəxəssisləri tərəfindən ərazidə aparılmış tədqiqat zamanı 90-BL-558 dövlət qeydiyyat nişanlı “Toyota” markalı avtomobilin 2 ədəd tank əleyhinə minaya düşdüyü məlum olub.

"Agentlik tərəfindən bir daha bildiririk ki, işğaldan azad olunmuş ərazilər mina və partlamamış hərbi sursatlardan (PHS) təmizlənməmiş həmin ərazilərə təhlükəsizlik səbəbindən mülki şəxslərin girişi qəti qadağandır", - ANAMA bildirib. 

0
Teqlər:
mina, Füzuli rayonu, Füzuli, ANAMA