BAKI, 15 apr — Sputnik. Yaponiyanın Kumamoto əyalətində 7,1 bal gücündə zəlzələ baş verib.
Sputnik-in APA-ya istinadən verdiyi məlumata görə, yeraltı təkanların episentri əyalətin inzibati mərkəzinin 1 kilometrliyində, ocağı isə 7 km dərinlikdə yerləşib.
Qeyd edək ki, Kumamoto şəhərində 740 min əhali yaşayır. Əyalətdə sunami təhlükəsi elan edilib. Ötən gün Yaponiyanın cənub-şərqində baş verən zəlzələ nəticəsində 9 nəfər ölüb, 860 nəfər xəsarət alıb.
