Ərdoğan Prezident Sarayında

Ərdoğandan müsəlman ölkələrinə tarixi çağırış

94
(Yenilənib 16:18 14.04.2016)
Türkiyə Prezidenti: "Problemlərə özümüz çarə tapmadıqca başqaları müdaxilə edir. Ancaq əmin olun, onlar aramızdakı dincliyi təmin etmək üçün yox, neftə görə müdaxilə edirlər"

BAKI, 14 apr — Sputnik. Türkiyə prezidenti Rəcəb Tayyib Ərdoğan İslam Əməkdaşlıq Təşkilatının (İƏT) 13-cü sammitində müsəlman ölkələrinin liderlərinə səslənib. Sputnik Timeturk-ə istinadən xəbər verir ki, çıxışında bir çox məsələlərə toxunan prezident, "müsəlmanlar öz problemlərini özləri həll etməlidir" deyib.

Ərdoğan bildirib ki, bu gün bir çox müsəlman ölkələri terror və vətəndaş müharibələrindən əziyyət çəkir: "Təəssüflər olsun ki, bu problemləri həll etmək üçün də xaricdən müdaxilə gözlənilir, umulur. Əslində isə müsəlman ölkələri öz məsələlərini ittifaq halında çözməlidir, problemlərin həllini özləri axtarmalıdır".

"Axı nəyə görə terrorla mübarizədə başqalarından yardım gözləməliyik? Bu cür problemlərə özümüz çarə tapmadıqca başqaları müdaxilə edir. Ancaq əmin olun, onlar aramızdakı dincliyi təmin etmək üçün yox, neftə görə müdaxilə edirlər", —deyə Türkiyə Prezidenti vurğulayıb.

Çıxışının davamında Ərdoğan BMT-nin ünvanına sərt bəyanatlar səsləndirib və bu təşkilatdan ədalət gözləməyin ağılsız olduğunu bildirib. O, öz fikrini BMT Təhlükəsizlik Şurasında bir dənə belə olsun müsəlman ölkəsi olmaması ilə əlaqələndirib: "Təməli ədalətsizlik üzərinə qurulan bir təşkilatdan ədalət gözləmək imkansızdır, mənasızdır. Dünya əhalisinin yarıya yaxınını təmsil edən müsəlmanlardan bir təmsilçi varmı BMT Təhlükəsizlik Şurasında? Xeyr yoxdur. Bəs onda bu necə ədalətdir?".

"Ona görə də, BMT strukturunda çox təcili dəyişikliklər edilməlidir və biz bu haqqımızı sona qədər tələb edəcəyik", —Ərdoğan qeyd edib.

O, sonda əlavə edib ki, Yaxın Şərqə daimi sülhün gəlməsi üçün paytaxtı şərqi-Qüds olan müstəqil Fələstin dövlətinin qurulması son dərəcə vacibdir.

94
Teqlər:
İƏT, İslam Əməkdaşlıq Təşkilatı, Türkiyə prezidenti, Rəcəb Tayyib Ərdoğan, sammit
Əlaqədar
Putin Ərdoğan haqqında: "Yardım əli uzatmağa hazırıq"
Rəcəb Tayyib Ərdoğan: Türkiyə sonadək Azərbaycana əlindən gələn yardımı edəcək
Ərdoğandan Moskvaya isti mesajlar
Obama ilə Ərdoğan Ağ Evdə görüşdülər
"Obama Ərdoğanla bir neçə kəlimə danışacaq"
"Obama-Ərdoğan görüşündə Yaxın Şərqin gələcək konturları müəyyənləşəcək"
Azərbaycan və Türkiyə bayraqları olan tablo, arxiv şəkli

Ankara Opera Balet Teatrında ölkəmizə dəstək məqsədilə bədii proqram təqdim ediləcək

2
(Yenilənib 23:33 23.11.2020)
Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

BAKI, 23 noyabr — Sputnik. Ankara Opera və Balet Teatrında Azərbaycana dəstək məqsədilə zəngin bədii proqram təqdim ediləcək.

Sputnik Azərbaycan xəbər verir ki, proqram Azərbaycanın Türkiyədəki Səfirliyi, Türkiyə-Azərbaycan Dostluq, Əməkdaşlıq və Həmrəylik Fondu (TADƏHF) və Anadolu Mədəniyyətlərin araşdırılması və inkişafı dərnəyi tərəfindən birgə təşkil olunacaq.

Proqramda solistlər Şəfiqə Kutluər və Şənol Talınlı zəfər tərənnümlü ifalarla tamaşaçıların qarşısına çıxacaqlar. Konsert noyabrın 27-də baş tutacaq.

2
Teqlər:
dəstək, proqram, teatr
Azərbaycanlı şahmatçı Teymur Rəcəbov, arxiv şəkli

Teymur Rəcəbov Levon Aronyana qalib gəlib

12
Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

BAKI, 23 noyabr - Sputnik. Onlayn şahmat üzrə “Skilling Open” turniri davam edir.

Apasport.az saytının məlumatına görə, Azərbaycan qrossmeysteri Teymur Rəcəbov VII turda prinsipial qarşılaşmaya çıxıb.

Şahmatçımız ermənistanlı Levon Aronyanla qarşılaşıb. Ağ fiqurlarla oynayan Rəcəbov qələbə qazanıb. Bununla da Teymur 7 oyundan sonra xal hesabını 3,5-ə çatdırıb.

Qeyd edək ki, turnirin əsas mərhələsində 16 şahmatçı bir dövrəlik dairəvi sistemlə mübarizə aparır. Üçgünlük mübarizədən sonra pley-off start götürəcək.

12
Teqlər:
şahmat turniri, Teymur Rəcəbov, qalib, qələbə, şahmat

Kafe restoranlarda karantin tələblərinin tətbiqi üzrə əlaqələndirici şəxs olacaq

0
(Yenilənib 23:47 23.11.2020)
İctimai iaşə müəssisələrində COVİD-19-la əlaqədar karantin tələblərinin tətbiqi üzrə əlaqələndirici şəxs olacaq.

BAKI, 24 noyabr - Sputnik. “Koronavirus (COVID-19) pandemiyası dövründə ictimai iaşə müəssisələrinə müştəri qəbulu ilə bağlı bəzi məsələlərin tənzimlənməsi barədə” Azərbaycan Respublikası Nazirlər Kabinetinin 2020-ci il 6 iyul tarixli 237 nömrəli Qərarına edilən dəyişikliyə əsasən hər bir ictimai iaşə müəssisəsi tərəfindən karantin tələblərinin tətbiqi üzrə əlaqələndirici şəxs müəyyənləşməlidir.

Sputnik Azərbaycan-ın məlumatına görə, bu barədə Nazirlər Kabinetinin qərarına dəyişiklik edilib. 

Dəyişikliyə əsasən, karantin tələbləri üzrə əlaqələndirici (məsul) şəxs funksiyaları ictimai iaşə müəssisəsinin işçilərindən birinə həvalə edilir. Bu təyinat müəssisədaxili rəsmiləşdirilməlidir.

Həmin məsul şəxs epidemiya əleyhinə mövcüd tələblərin müəssisədə tətbiqinin təşkili, bu tələblərin yerinə yetirilməsinə yerində nəzarəti həyata keçirməklə bərabər nəzarətedici dövlət qurumları ilə qarşılıqlı fəaliyyətdə əlaqələndirici olacaq, müəssisənin işçilərini təlimatlandıracaq, dezinfeksiya tədbirlərini təşkil edəcək, bu tədbirlərin müəssisədaxili qeydiyyat formaları və cədvəllərini tərtib edəcək, icrasına müəssisə daxilində nəzarət edəcək.

Məsul şəxs koronavirusla (COVID-19-la) mübarizə ilə bağlı xəbərdaredici məlumatların qonaqlara, işçi heyətə və digər əlaqəli tərəflərə çatdırılmasını təmin etməlidir. Eyni zamanda məsul şəxs bütün təmizlik və dezinfeksiya tədbirlərinin davamlı olaraq qeydiyyatının aparılması üçün gündəlik müntəzəm nəzarət formalarını, habelə keyfiyyətə nəzarət cədvəllərini tərtib etməli və onların icrasına nəzarəti həyata keçirməlidir.

0