Polşada Sovet dövründən qalmış heykəlin sökülməsi. Arxiv şəkli

Polşada sovet abidələri dağıdılacaq

59
(Yenilənib 14:52 31.03.2016)
"Onların sökülməsi və qorunmaq üçün muzeyə göndərilməsi Polşada 90-cı illərin əvvəllərindən başlayan proseslərin başa çatmasının məntiqi nəticəsidir. Uzun illər bizim xalqımıza qarşı təxribatlar və təbliğatda istifadə olunan bu abidələrin indiyədək qorunması ölümcül səhv idi"

BAKI, 31 mart-Sputnik. Polşa hökuməti İkinci Dünya Müharibəsindən qalma Sovet abidələrini dağıtmaq qərarına gəlib. Lakin bu ölkənin rəsmiləri dağıdacaqları sovet hərbi abidələrini qorumağı söz veriblər.

Sputnik-in məlumatına görə, Polşa hökuməti SSRİ dövründə yaradılmış bu abidələri "Ağır zamanların şahidləri" kimi bir muzeydə saxlayacağını bəyan edib. Bildirilib ki, "Polşa üzərində kommunizm sisteminin allahlığını" simvolizə edən sovet abidələri yığışdırılmalı və muzeyə qoyulmalıdır.

Bununla yanaşı, "Dövlət sovet hərbi abidələrinin qorunmasının qayğısına qalmalıdır", — deyə Milli Abidələr Dövlət İnstitutunun rəhbəri Likaş Kaminski Onet.pl portalına bildirib.

Monumentlərin dağıdılması layihəsini institut yaxın həftələrdə yerli icra hakimiyyəti orqanlarına həvalə edib. "Onların sökülməsi və qorunmaq üçün muzeyə göndərilməsi Polşada 90-cı illərin əvvəllərindən başlayan proseslərin başa çatmasının məntiqi nəticəsidir. Uzun illər bizim xalqımıza qarşı təxribatlar və təbliğatda istifadə olunan bu abidələrin indiyədək qorunması ölümcül səhv idi", — deyə Kaminski bildirib.

Portalın yazdığına görə, söhbət ictimai yerlərdəki "SSRİ-yə təşəkkür" ifadə edən 500-dən artıq silahlı şəxsin heykəllərindən ibarət obyektlərdən gedir. Kaminskinin sözlərinə görə, dağıdıldıqdan sonra bu heykəllər "çətin zamanların şahidləri kimi" muzeydə dayanacaqlar.

Sovet əsgərlərinin abidələri məhv edilməyəcək. İnstitutun bildirdiyi kimi, Polşa hökuməti onların qayğısına qalacaq. Rusiyanın Xarici İşlər Nazirliyi daha əvvəl Polşanı "abidələrlə müharibəni" dayandırmağa çağırmışdı.

59
Teqlər:
abidə, sovet, İkinci Dünya Müharibəsi, SSRİ, Polşa
Əlaqədar
Azərbaycan prezidenti “Xocalı” abidəsini ziyarət edib
Berlinin yaddaqalan yerləri: tarixi abidələr və mədəni irs
Abidələrdə yaşayan tarix
“Erməni soyqırımı” abidəsinin ucaldılmasının qarşısı alınıb
Millət vəkili: Sovetdənqalma saxta universitetlərin kəmiyyəti və keyfiyyəti dəyişməlidir
İkinci Dünya müharibəsində sovet və alman ordularının silahları
COVID-19 virusundan ölən şəxsin meyiti morqa yerləşdirilir, arxiv şəkli

Ermənistanda bir gündə 38 nəfər koronavirusdan öldü

5
(Yenilənib 17:55 25.11.2020)
Ermənistanda son gündə daha 38 nəfər ölüb. Ümumilikdə bu virusdan ölənlərin sayı 2040-a çatıb. Xəstəlikdən sağalanların sayı 100913 nəfər olub.

BAKI, 25 noyabr — Sputnik. Ermənistanda koronavirusa yoluxanların sayı 129085-ə çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 1563 nəfər artıb.

Ermənistanda son gündə daha 38 nəfər ölüb. Ümumilikdə bu virusdan ölənlərin sayı 2040-a çatıb. Xəstəlikdən sağalanların sayı 100913 nəfər olub. Hazırda bu ölkədə 25619 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

5
Teqlər:
yoluxma, Koronavirus, COVID-19, Ermənistan
Nikol Paşinyan, arxiv şəkli

Əvvəl siyasətçilər, sonra hərbçilər, indi alimlər - Hər kəs onun istefasını istəyir

20
(Yenilənib 16:34 25.11.2020)
Ermənistan Milli Elmlər Akademiyası ölkə rəhbərliyinin elmə qarşı passiv münasibətini də tənqid edib.

BAKI, 25 noyabr — Sputnik. Ermənistan Milli Elmlər Akademiyasının (EMEA) Prezidiumu Ermənistan Baş naziri Nikol Paşinyan və onun hökumətinin istefaya göndərilməsini tələb edir. Sputnik Ermənistan xəbər verir ki, bu barədə məlumat EMEA-nın rəsmi saytında bildirilir.

EMEA, həmçinin Qarabağla bağlı üçtərəfli bəyanatı erməni xalqı üçün alçaldıcı hesab edir.

Bundan əlavə, bəyanatda qeyd olunur ki, EMEA ölkə rəhbərliyinin elmə qarşı passiv münasibətini də tənqid edib.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Belə ki, noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanata görə, Ağdam rayonu 2020-ci il noyabrın 20-dək Azərbaycan Respublikasına qaytarılır. 2020-ci il noyabrın 15-də Azərbaycan Respublikasına Kəlbəcər rayonu, dekabrın 1-də Laçın rayonu qaytarılır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

20
Teqlər:
Üçtərəfli bəyanat, elm, alimlər, Ermənistanın baş naziri Nikol Paşinyan, istefa
Koronavirus testi, arxiv şəkli

Azərbaycanda son sutkada 3469 nəfər COVID-19-a yoluxub

5
Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

BAKI, 25 noyabr - Sputnik. Azərbaycan Respublikasında koronavirus (COVID-19) infeksiyasına 3469 yeni yoluxma faktı qeydə alınıb, 1229 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 30 nəfər vəfat edib.

İndiyədək ölkədə ümumilikdə 102 396 nəfərin koronavirus infeksiyasına yoluxması faktı müəyyən edilib, onlardan 66 963 nəfər müalicə olunaraq sağalıb, 1 224 nəfər vəfat edib, aktiv xəstə sayı 34 209 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 15 057, ötən müddət ərzində isə ümumilikdə 1 646 654 test aparılıb. 

5
Teqlər:
Azərbaycan, test, Koronavirus, COVID-19, yoluxma