Dünya liderləri Nüvə Təhlükəsizliyi üzrə Beynəlxalq Sammitin açılışında, Haaqa. Arxiv şəkli

Dünya liderləri bir arada: Vaşinqton sammiti başladı

62
(Yenilənib 11:40 31.03.2016)
Ağ ev rəhbəri beynəlxalq səviyyədə keçirilən bu kimi görüşlərin təşkilini xarici siyasətdə əsas uğurlarından hesab edir. Sammitə 50-yə yaxın siyasi xadim qatılıb.

BAKI, 31 mart — Sputnik. Vaşinqtonda Nüvə Təhlükəsizliyi üzrə Beynəlxalq Sammit bu gün öz işinə başlayır. Sputnik xəbər verir ki, sammit Barak Obamanın prezidentliyi müddətində onun şəxsi təşəbbüsü ilə başlatdığı forumlar arasında sayca dördüncüdür.

Ağ ev rəhbəri beynəlxalq səviyyədə keçirilən bu kimi görüşlərin təşkilini xarici siyasətdə əsas uğurlarından hesab edir. Nüvə Təhlükəsizliyi üzrə beynəlxalq Sammit bu günədək Vaşinqton (2010), Seul (2012) və Haaqada (2014) keçirilib.

Bu gün başlayan olan Vaşinqton sammitinə 50-yə yaxın siyasi xadim qatılıb. Onların əksəriyyətini ölkə başçıları və baş nazirlər təşkil edir.

Azərbaycan prezidenti İlham Əliyev də sammitdə iştirak etmək üçün martın 30-da ABŞ-a səfər edib.

62
Teqlər:
dünya liderləri, Nüvə təhlükəsizliyi üzrə Beynəlxalq Sammit, prezidentlər, Vaşinqton
Əlaqədar
Putin Vaşinqton sammitini niyə boykot etdi?
"Vaşinqton sammitindən heç bir ciddi qərar gözləmirəm"
Diqqətlər Vaşinqtonda: neft erasını bitirəcək qərar verilə bilər
Türkiyə Vaşinqton-Bakı gərginliyinə imkan verməyəcək
Aleksey Navalnıy, arxiv şəkli

Navalnı Putinin sarayını axtarır

0
(Yenilənib 18:18 20.01.2021)
"Bir sarayın hovuzuna Putinin Yeniseydə üzdüyü kadrları montaj ediblər, o kadrları da bütün dünya görüb"

BAKI, 20 yanvar - Sputnik. Bloger və müxalifətçi Aleksey Navalnının Rusiya Prezidenti Vladimir Putinin Gəlincikdə sarayını araşdırması barədə xəbərləri Kremldə “cəfəngiyyat” və “kompilyasiya” kimi dəyərləndiriblər.

Sputnik Azərbaycan RİA Novosti-yə istinadən bildirir ki, yaxınlarda Navalnının komandası prezidentin Qara dəniz sahilində 100 milyard dollara saray tikdirdiyi barədə material yayıb.

“Bilirsiniz ki, bu mövzu üç-dörd il əvvəl ortaya atılmışdı. İndi də bu konkret halda həmin insinuasiyadan istifadə etməklə boş-boş danışırlar. Özü də heç özlərinə azacıq əziyyət verib nəyisə sübut etməyə, heç olmasa, şəklini göstərməyə də cəhd göstərmirlər”, - Putinin sözçüsü Dmitri Peskov deyib.

Onun fikrincə, bu işdə “yeganə yenilik” “monatj hekayələri”ndən istifadə olunmasıdır.

“Hansısa bir sarayın hovuzuna Putinin Yeniseydə üzdüyü kadrları montaj ediblər, hansı ki, o kadrları da bütün dünya görüb”, - Kremlin nümayəndəsi bildirib.

Peskov vurğulayıb ki, prezidentin administrasiyasının “bununla maraqlanmaq üçün azacıq da olsa həvəsi yoxdur”.  

“Dövlət başçısına qarşı hazırlanmış və hazırlanmaqda olan informasiya hücumlarından çoxdan xəbərimiz var. Təəssüf ki, onlar olub və olacaq. İndi prezidentə onun olmayan bir şeyi şamil etmək istəyirlər. Prezidentin bütün mülkiyyəti hər il özü tərəfindən bəyan edilir, deklarasyada göstərilir”, - Peskov deyib.

0
Teqlər:
Dmitri Peskov, Kreml, Qara dəniz, saray, Vladimir Putin, Aleksey Navalni
Donald Tramp, arxiv şəkli

"Qayıdacam" - Tramp Evdən necə getdi - VİDEO

2
Bu gün Donald Tramp Ağ Evi tərk edib. Ancaq KİV-də dolaşan "Tramp daha prezident olmayacaq" iddialarına rəğmən, o qayıdacağına söz verib. Prezidenti Sinatranın ifası ilə yola salıblar

BAKI, 20 yanvar - Sputnik. Ağ Evi tərk edən ABŞ Prezidenti Donald Tramp tərəfdaşlarına "bu və ya başqa formada" geri dönəcəyini söz verib. 

"Sizi sevirik. Bu və ya başqa formada qayıdacağıq... Qoy hər işiniz yaxşı olsun. Tezliklə görüşənədək", - Vaşinqtonu tərk edib Floridaya uçmazdan əvvəl "Endryus" aviabazasında toplaşmış qohumları və tərəfdarları qarşısında çıxış edən Tramp deyib. 

​O, vitse-prezident Mayk Pensə və Konqresə xüsusi minnətdarlıq edərək birlikdə yaxşı işlədiklərini vurğulayıb. 

Bundan sonra o, ailəsinin yanına qayıdıb, qızı Tiffanini qucaqlayıb, təyyarəyə doğru yönələrkən isə qayıdaraq Ağ Evin sabiq başçısı Mark Midousun əlini sıxıb və fəxri qarovulun müşayiəti ilə prezident təyyarəsinə minib. Təyyarə havaya qalxanda isə aviabazada Frenk Sinatranın ifasında "My Way" (Mənim yolum) mahnısı səsləndirilib.

2
Teqlər:
tərk etmək, Ağ Ev, Donald Tramp