Əhməd Davudoğlu

"Həm terrorçular, həm onların arxasındakılar cəzalandırılacaq"

12
(Yenilənib 20:26 14.03.2016)
Əhməd Davudoğlu: "Türkiyə cümhuriyyəti, bundan əvvəl olduğu kimi, bundan sonra da millətimizin birlik və dincliyi üçün terrorla apardığı mübarizəni böyük qətiyyətlə davam etdirəcək və ölkəmizi hədəf alan xain mərkəzləri ən ağır şəkildə cəzalandıracaq"

BAKI, 14 mart — Sputnik. Türkiyənin Baş naziri Əhməd Davudoğlu, Ankaradakı terrorla bağlı sərt açıqlama verib. Sputnik bu barədə Timeturk-ə istinadən xəbər verir.

"Terrorçular və onlardan maşa kimi istifadə edənlər ən ağır şəkildə cəzalandırılacaqlar" deyən nazir, əllərində ciddi kəşfiyyat məlumatları olduğunu bildirib.

"Hücumun reallaşdığı məkandan çıxarılan tapıntılara və kəşfiyyat analizlərinə əsaslanaraq, bu xain hücumu reallaşdıran terror təşkilatına dair konkret məlumatlar əldə etmişik. İstintaqın nəticələri ən qısa zamanda ictimaiyyətlə paylaşılacaq", —deyə Davudoğlu bildirib.

Onun sözlərinə görə, bu mənfur hücumda bütün Türkiyə, ölkənin dincliyi, birliyi, demokratiya hədəfə alınıb: "Ölkəmiz çətin və qeyri-sabit bir coğrafiyada çoxistiqamətli terror hücumlarına hədəf olmaqdadır. Türkiyə Cümhuriyyəti, bundan əvvəl olduğu kimi, bundan sonra da millətimizin birlik və dincliyi üçün terrorla apardığı mübarizəni böyük bir qətiyyətlə davam etdirəcək və ölkəmizi hədəf alan xain mərkəzləri ən ağır şəkildə cəzalandıracaq".

12
Teqlər:
Əhməd Davudoğlu, PKK, Ankara, Türkiyə, terror
Əlaqədar
Terror qurbanları arasında məşhur futbolçunun atası da var
Terror qurbanlarının sayı artır
ABŞ kəşfiyyatı Ankara terroru barədə məlumatlı olub? - Rəsmi açıqlama gəldi
Putin türk xalqı üçün yas tutur
Ərdoğandan mühüm mesaj: "Özünümüdafiə hüququndan istifadə edəcəyik"
İtaliya parlamenti, arxiv şəkli

İtaliya parlamentariləri Ermənistanın təxribatını pislədilər

11
İtalyan senator bildirib ki, münaqişənin həlli BMT Təhlükəsizlik Şurasının müvafiq qətnamələrini əsas götürərək Azərbaycanın ərazi bütövlüyü və beynəlxalq səviyyədə tanınmış dövlət sərhədlərinin toxunulmazlığı prinsiplərinə tam hörməti özündə ehtiva etməlidir

BAKI, 27 sentyabr - Sputnik. İtaliya Senatının Xarici əlaqələr daimi komissiyasının üzvü, iqtidar “5 Ulduz Hərəkatı” partiyasından olan senator Canluka Ferra yerli mətbuata açıqlamasında Ermənistan tərəfindən Azərbaycan silahlı qüvvələrinin mövqelərinə hücumlar vaxtı Azərbaycanın mülki əhalisinin yaşadığı məntəqələrin atəşə tutmasını Cenevrə konvensiyalarının pozulması kimi qiymətləndirib.

Azərbaycan Respublikasının İtaliyadakı Səfirliyindən Sputnik Azərbaycan-a verilən məlumata görə, italyan senator bildirib ki, münaqişənin həlli BMT Təhlükəsizlik Şurasının müvafiq qətnamələrini əsas götürərək Azərbaycanın ərazi bütövlüyü və beynəlxalq səviyyədə tanınmış dövlət sərhədlərinin toxunulmazlığı prinsiplərinə tam hörməti özündə ehtiva etməlidir.

İtalyan senator, habelə Azərbaycan və Ermənistan arasındakı münaqişənin kəskinləşməsindən və yeni böhranın Avropanın kandarında beynəlxalq müdaxilə riskini artırmasından narahatlığını ifadə edib. Canluka Ferra Ermənistan tərəfindən işğal edilmiş Azərbaycan ərazilərində vəziyyətin daha da pisləşməməsi üçün uzun müddətdir ki, durğun vəziyyətdə olan effektiv danışıqların bərpa edilməsinə dəstəyini ifadə edib, Avropa İttifaqınin diplomatik kanallardan istifadə edərək toqquşmaların dayandırılmasına zəmanət verə biləcəyinə ümid etdiyini deyib.

İtalyan senatorun açıqlaması İtaliyanın "İl Tempo", "Agenzia Nova", "Politicamente Corretto", "Adnkronos", "Fortune İtalia", "Maxim İtalia", "Notize Yahoo", "Libero Quotidiano", "TW News" kimi kütləvi informasiya vasitələri tərəfindən dərc edilib.

İtaliyanın "Agenzia Nova" xəbər agentliyinə açıqlamasında İtaliya Parlamentində İtaliya-Azərbaycan Dostluq Assosiyasının sədri, Liqa partiyasından olan deputat Rossana Boldi son saatlar Azərbaycan və Ermənistan arasında silahlı toqquşmaların artmasından böyük narahatlığını ifadə edib.

Deputat ümidvar olduğunu bildirib ki, İtaliya Minsk Qrupunun üzvü kimi dövlətlərin ərazi bütövlüyü və beynəlxalq səviyyədə sərhədlərinin toxunulmazlığı prinsiplərinə hörmətə əsaslanaraq, eləcə də BMT Təhlükəsizlik Şurasının 1993-cü il qətnamələrindən irəli gələrək Dağlıq Qarabağ probleminin sülh yolu və danışıqlar vasitəsilə həlli məqsədilə öz səylərini gücləndirəcək.

11
Teqlər:
parlament, İtaliya, erməni təxribatı, cəbhə xətti, ön cəbhə, Dağlıq Qarabağ münaqişəsi
Əlaqədar
BMT baş katibi də narahat oldu - Qarabağa görə
Ermənistan ordusunun öldürdüyü beş nəfərin adları açıqlandı
Azərbaycan XİN: Ermənistan rəsmisinin irqçi və şovinist açıqlamasını pisləməyə çağırırıq
Baş Prokurorluq: Ermənilərin son təxribatı ilə bağlı 4 maddə üzrə cinayət işi başlanıb
Azərbaycan Ermənistana qarşı tribunalın yaradılması üçün müraciət edəcək
Birləşmiş Millətlər Təşkilatının (BMT) baş katibi Antonio Quterres

BMT baş katibi narahat oldu - Qarabağa görə

34
Antoniu Quttereş hərbi əməliyyatları dayandıraraq yubanmadan konstruktiv danışıqlar aparmağa çağırıb.

BAKI, 27 sentyabr - Sputnik. BMT Baş katibi Antoniu Quttereş Azərbaycan və Ermənistana çağırış edərək hərbi əməliyyatları dərhal dayandırmağa çağırıb.

Sputnik Azərbaycan bildirir ki, bu barədə Quterreşin rəsmi nümayəndəsi Stefan Düjarrik məlumat verib.

"Baş katib Dağlıq Qarabağ münaqişəsi zonasında təmas xətti boyunca hərbi əməliyyatların yenilənməsindən çox narahatdır. O, güc tətbiqini qınayır və mülki əhali arasında itkilərə görə təəssüfünü bildirir", - məlumatda deyilir.

Antoniu Quttereş hərbi əməliyyatları dayandıraraq yubanmadan konstruktiv danışıqlar aparmağa çağırıb.

34
Teqlər:
BMT, Ermənistan, Azərbaycan, Dağlıq Qarabağ münaqişəsi
Əlaqədar
Ermənistan ordusunun öldürdüyü beş nəfərin adları açıqlandı
Azərbaycan XİN: Ermənistan rəsmisinin irqçi və şovinist açıqlamasını pisləməyə çağırırıq
Ermənistan ordusunun silah-sursat anbarı məhv edilib - VİDEO
MN: Ermənistanın Ağdərə istiqamətindəki komandanlığına təslim olmaq təklif edilib
Baş Prokurorluq Ermənistan ordusunun yaraladığı əhali barədə məlumat yaydı
İşğal olunmuş ərazilərimizdə Ermənistan SQ hərbçisi, arxiv şəkli

Qarabağ separatçıları əraziləri itirdiklərini etiraf etdilər

18
Azərbaycan Ordusunun uğurlu əməliyyatı nəticəsində Füzuli–Cəbrayıl istiqamətində Qaraxanbəyli, Şərvənj, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı kəndləri azad edilib. Həmçinin Murovda əhəmiyyətli yüksəklik alınıb

BAKI, 27 sentyabr - Sputnik. İşğal olunmuş Dağlıq Qarabağdakı separatçılar Azərbaycan ordusunun əks-hücumu nəticəsində bir sıra ərazilərin əllərindən çıxdığını etiraf ediblər.

Sputnik Azərbaycan bildirir ki, bazar günü separatçı rejimin başçısı Araik Arutyunyan mətbuat konfransında bildirib ki, Dağlıq Qarabağda tam miqyaslı müharibə gedir.

“Talış istiqamətində və cənubda mövqelər itirmişik, onlarla ölü və yaralı var”, - o deyib.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli və Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki əhali arasında həlak olan və yaralananlar var. Mülki infrastruktur obyektlərinə ciddi ziyan dəyib.

Mülki əhali və hərbi qulluqçular arasında itkilər və yaralılar barədə məlumat dəqiqləşdirilir.

Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin mətbuat katibi, polkovnik-leytenant Anar Eyvazov isə açıqlamasında qeyd edib ki, Azərbaycan Ordusunun uğurlu əməliyyatı nəticəsində bir sıra kəndlərimiz azad edilib. A.Eyvazov bildirib ki, hazırkı məlumata görə, Füzuli–Cəbrayıl istiqamətində Qaraxanbəyli, Şərvənj, Kənd Horadiz, Nüzgar, Yuxarı Abdurrəhmanlı, Aşağı Abdurrəhmanlı, Böyük Mərcanlı kəndləri azad edilib. Bundan əlavə, Ağdərə rayonu və Murovdağ istiqamətlərində düşmən postları darmadağın edilib, hakim yüksəkliklər nəzarətə götürülüb.

18
Teqlər:
itki, etiraf, Qarabağ separatçıları, qondarma rejim, erməni təxribatı, cəbhə, Dağlıq Qarabağ münaqişəsi
Əlaqədar
Azərbaycan Ordusu daha bir kəndi erməni işğalından azad edib
Murov dağı silsiləsindəki əhəmiyyətli yüksəklik azad olunub
Ermənistan ordusunun mərmiləri Tərtərdə evləri viran etdi - FOTO
Ermənistan ordusunun öldürdüyü beş nəfərin adları açıqlandı
BMT baş katibi də narahat oldu - Qarabağa görə