Mariya Şarapova

"Dopinq ittihamı siyasi təzyiq vasitəsidir"

99
(Yenilənib 19:10 09.03.2016)
Dopinqə görə ömürlük yarışlardan uzaqlaşdırılan, keçmiş ağır atlet: "Mariya Şarapovanın günahı yoxdur, təqsir həkimdədir. İdmançı yarışdan nəticə qazanmağı buraxıb, dopinq siyahısı ilə məşğul olacaqsa, o zaman həkim və məşqçi nəyə lazımdır?"

BAKI, 9 mart — Sputnik. Dünən idman mediasında yayılan şok effekti yaradıb. Dünyanın ən güclü xanım tennisçilərindən olan Mariya Şarapovanın qanında dopinq akarlanıb və buna görə idmançı xanımın idmandan bir neçə illik uzaqlaşdırılmasına dair qərar verilib. Rusiyalı tennisçi 10 ildir bu dərmandan istifadə etdiyini və meldoniya preparatının dopinq siyahısına salındığından xəbərsiz olduğunu etiraf edib.

Zülfüqar Süleymanov, keçmiş ağır atlet
© Photo : Hookgrip
Zülfüqar Süleymanov, keçmiş ağır atlet

Məsələnin qalmaqallı tərəfi, nələrin dopinq hesab olunması, Şarapovanın təqsirli olub-olmaması ilə bağlı Sputnik-in əməkdaşı, dopinqə görə ömürlük yarışlardan uzaqlaşdırılan, keçmiş ağır atlet Zülfüqar Süleymanovla həmsöhbət olub.

- Zülfüqar bəy, dopinq müayinəsi nəticəsində idmançının karyerasına son qoymaq nə dərəcədə ədalətli qərardır?

— Hazırda elə idman növləri yoxdur ki, orada dopinq olmasın. Hər bir idman növündə bu dərmanlardan istifadə edilir. Sadəcə bu dərmanların bədəndən çıxma zamanı var. İdmançıların bundan xəbəri olmur, həkim və məşqçi verir idmançıya, idmançı da qəbul edir, xəbərsiz olur və sonra dopinq məsələsi ortaya çıxanda idmançı pis vəziyyətdə qalır.

- Deməli dopinq siyahısını idmançı özü izləməlidir, yoxsa bu, həkimin işidir?

— Hər bir komandanın öz həkimi var və həkim nəzarət etməlidir buna. İdmançı yalnız idmanda nəticələrini fikirləşməlidir. İdmançı siyahını da izləyəcəksə, nə edir onda həkimi? Bu mənada Şarapovanın günahı yoxdur, günah həkimdədir. Bir iş var ki, dopinq məsələsi artıq siyasi məsələdir. Beynəlxalq federasiyalar var ki, ölkələrdən medal üçün müəyyən vəsait tələb edir. Bunu vermədikdə həmin ölkələr müxtəlif bəhanələrlə idmançıları uzaqlaşdırır yarışdan. Dopinq də bəhanələrdən biridir.

- Bəzi mütəxəsisslərin fikrincə, Mariya Şarapova ətrafında baş verənlər Rusiyaya qarşı düşünülmüş siyasətin tərkib hissəsidir. Bununla razısınız?

— Tam razıyam bu fikirlə. Dünyada idmanla bağlı siyasət, daha doğrusu siyasətdə idman amili var və bunu heç kim inkar etmir.

99
Teqlər:
Zülfüqar Süleymanov, Mariya Şarapova, dopinq, yarış, idman, qalmaqal
Əlaqədar
Mariya Şarapova dünyanın ən çox qazanan qadın idmançısıdır
Türkiyədə idmançıları daşıyan avtobus aşıb, ölən və yaralananlar var
Öldürülən idmançının yaxında üçüncü övladı dünyaya gələcək
"Həyatımı idmana həsr edəcəm, özümü başqa yerdə görmürəm"
Britaniya kraliçası II Elizabet, arxiv şəkli

Britaniya kraliçası öz şəxsi təyyarələrindən məhrum olacaq

8
Kral ailəsi indiyədək dörd BAE-146 regional təyyarədən və AW-109 helikopterindən istifadə edib. Ancaq həmin helikopter bundan sonra da kraliçaya xidmət edəcək.

BAKI, 6 mart - Sputnik. Böyük Britaniya kraliçası II Elizabet daha özünün xüsusi təyyarələrindən istifadə edə bilməyəcək və bundan sonra Baş nazirin təyyarəsindən istifadə etməli olacaq.

APA xəbər verir ki, bu barədə “Mail Online” nəşri məlumat yayıb.

“1980-ci illərdən bəri kral ailəsinin istifadəsində olan təyyarələr gələn ildən etibarən Hərbi Hava Qüvvələrinin tərkibindən çıarılacaq və kraliça öz hökmranlığı dövründə ilk dəfə şəxsi təyyarəsiz qalacaq”, - deyə yazıb.

Qərarın müdafiə xərclərinin azaldılması səbəbindən verildiyi bildirilir.

Qeyd edək ki, kral ailəsi indiyədək dörd BAE-146 regional təyyarədən və AW-109 helikopterindən istifadə edib. Ancaq həmin helikopter bundan sonra da kraliçaya xidmət edəcək.

8
Timsah, arxiv şəkli

Timsah 8 yaşlı qızı uddu - VİDEO

248
"Youtube" şəbəkəsində yayımlanan videoda isə qızın timsahın mədəsindən çıxarılma anı və yaxınlarının göz yaşları öz əksini tapıb.

BAKI, 6 mart — Sputnik. İndoneziyada dəhşətli olay baş verib. Sputnik Azərbaycan-ın Türkiyə mediasına istinadən xəbərinə görə, İndoneziyanın Borneo adasında timsah 8 yaşlı qızı udub. Bir gün sonra isə qızın cansız bədəni heyvanın mədəsindən çıxarılıb.

Hadisənin necə baş verməsinə gəldikdə isə, atası 8 yaşlı qızının çayda üzərkən timsahın hücumuna məruz qaldığını, ona kömək etmək istədiyini, lakin bir şey edə bilmədiyini deyib. 

"Youtube" şəbəkəsində yayımlanan videoda isə qızın timsahın mədəsindən çıxarılma anı və yaxınlarının göz yaşları öz əksini tapıb.

248

Azad edilmiş daha bir kəndimizin hazırkı mənzərəsi belədir - VİDEO

0
Cəbrayıl rayonunun Papı kəndi 2020-ci ilin oktyabrın 21-də əks-hücum əməliyyatı nəticəsində işğaldan azad olunub.

Müdafiə Nazirliyi Cəbrayıl rayonunun Papı kəndindən videogörüntülər paylaşıb. Sputnik Azərbaycan həmin görüntüləri təqdim edir.

0