Saudiyyə Ərəbistanına aid F-15 döyüş təyyarələri. Arxiv şəkli

Səudiyyə Ərəbistanının döyüş təyyarələri Türkiyəyə gətirilib

61
İbrahim Kalın: Səudiyyə Ərəbistanının "İncirlik" bazasına enən təyyarələri koalisiyanın İŞİD terror qruplaşmasına qarşı əməliyyatlarda iştirak edəcək.

BAKI, 26 fev-Sputnik. Səudiyyə Ərəbistanının Hərbi Hava Qüvvələrinə aid 4 döyüş təyyarəsi Türkiyənin İncirlik bazasına enib.

Sputnik Türkiyə KİV-lərinə istinadla xəbər verir ki, təyyarələrin əməliyyatda istifadə edilməsi məqsədilə gətirilməsi, iki ölkə arasındakı tarixində ilk dəfə reallaşıb.

Səudiyyə Ərəbistanının döyüş təyyarələri İncirlik-də

Birləşmiş Millətlər Təşkilatının (BMT) qərarı ilə İŞİD-ə qarşı əməliyyatlar üçün yaradılan koalisiyada iştirak edən Səudiyyə Ərəbistanının 4 döyüş təyyarəsi bu əməliyyatlara qatılmaq üçün Adanadakı İncirlik bazasına gəlib. ABŞ-ın liderliyindəki koalisiya qüvvələrinin bölgəyə istiqamətli hava əməliyyatları və Türkiyənin sərhəd təhlükəsizliyi uçuşlarında bundan belə Səudiyyənin təyyarələri də iştirak edəcək. Səudiyyə Ərəbistanının döyüş təyyarələrinin İŞİD-ə qarşı əməliyyatda iştirak etmək üçün Türkiyəyə gəlməsi 2 ölkə arasındakı münasibətlər tarixində ilk dəfə reallaşıb.

Şəxsi heyət və yük təyyarələri dünən gəlib

Səudiyyə Ərəbistanının hava qüvvələrinin rəsmi saytında yer alan məlumatda göndəriləcək təyyarə sayı 4, şəxsi heyətin sayı isə 15 olaraq açıqlanmışdı. Bu açıqlamadan sonra C-130 nəqliyyat təyyarələri ilə şəxsi heyət və vəsait Adanaya gətirilib.
Daha əvvəl İncirlik bazasına gələn Səudiyyə Ərəbistanının hərbi səlahiyyətliləri şəxsi heyətin qalacağı yerləri araşdırıb, hərbi ekspertlər koalisiya çərçivəsində təyyarələrin iştirakının detallarını müzakirə ediblər.

Döyüş təyyarələri İncirlik bazasına enib

Təyyarələr saat 13.30 radələrində bir-birinin ardınca İncirlik bazasına eniblər. Beləliklə, İncirlikdə təyyarələri ilə birlikdə koalisiyaya qatılan 5-ci ölkə Səudiyyə Ərəbistanı olub. Səudiyyə Ərəbistanının döyüş təyyarələrinin gəlişini bir sıra xarici media qurumları da çəkib.
İncirlik bazasına gələn F-15-lər yüksək manevr qabiliyyətinə sahibdir.

Türkiyə Prezident Adminstrasiyasının spikeri İbrahim Kalın da keçirdiyi mətbuat konfransında "Səudiyyə Ərəbistanı Silahlı Qüvvələrinə məxsus döyüş qırıcıları artıq Adanadadır. Həmin qırıcılar İŞİD terror qruplaşmasına qarşı əməliyyatlarda iştirak edəcəklər" — deyə məlumatı təsdiqləyib.

61
Teqlər:
F-15, Səudiyyə Ərəbistanı, Hərbi Hava Qüvvələri, Suriya, BMT, Türkiyə, İncirlik hərbi bazası, İŞİD, İbrahim Kalın
Əlaqədar
Rəsmi Moskva Suriya münaqişəsindən çıxmaq istəyir
Suriya müxalifəti atəşkəsə hazır olduğunu bəyan edib
Əhməd Davudoğlu: Suriya-Türkiyə sərhədinə 15 minə yaxın insan gəlib
Suriya ordusu İŞİD-in "paytaxtına" hücuma keçib
Suriya müxalifətindən bəyanat: Bəşər Əsədsiz Suriya istəyirik
Qoyun, arxiv şəkli

"Qissar"dan böyük "Araşan" var: Qırğızıstanda yeni qoyun cinsi qeydə alınıb

8
Yeni cins digərlərindən xeyli fərqlənir. Belə ki, bir yaşa çatan toğluların çəkisi 90 kiloqrama, böyük qoçların çəkisi isə 200 kiloqrama çatır.

BAKI, 7 may — Sputnik. Qırğızıstanda "Araşan" adlı yeni ətlik-piylik qoyun cinsi rəsmi qeydiyyatdan keçirilib. Sputnik Qırğızıstan xəbər verir ki, yeni cinsdən olan qoyunlar öz xüsusiyyətlərinə görə etalon sayılan "Qissar" cinsindən olan qoyunları xeyli qabaqlayır.

Bu cür qoyunlar hələ Sovet dövründən yetişdirilib. Lakin yeni cins kimi qeydiyyatdan cari ilin aprelin 15-də keçirilib.

Qırğızıstan elmi-tədqiqat heyvandarlıq institutunun Qoyunların yetişdirilməsi və seleksiyası şöbəsinin müdiri Rahatbek İbrayev bildirib ki, yeni cins "Qissar" və "qırğız iriyunlu" cinslərinin cütləşdirilməsi yolu ilə yetişdirilib.

"Nazirliyin əsasnaməsinə görə, yeni cinsi qeydiyyatdan keçirmək üçün həmin cinsdən 5000 baş heyvan olmalı və bütün heyvanlar eyni tipli olmalıdırlar. Hazırda Qırğızıstanda 5800 başdan çox "Araşan" var. Fermerlərin xahişi ilə tədqiqat keçirilib və məlum olub ki, yeni cins digərlərindən xeyli fərqlənir. Belə ki, bir yaşa çatan toğluların çəkisi 90 kiloqrama, böyük qoçların çəkisi isə 200 kiloqrama çatır", — deyə İbrayev bildirib.

Mütəxəssisin sözlərinə görə, hazırda "Araşan" cinsinin ölkə hüdudlarından kənarda populyarlaşdırılması istiqamətində iş aparılır. Bu məqsədlə sərginin keçirilməsi və xarici ölkə nümayəndələrinin dəvət olunması planlaşdırılır.

Qoyun Yetişdiriciləri İctimai Birliyinin sədri Mirlan Satıbekov isə "Araşan" qeydiyyatdan keçirildikdən sonra artıq beynəlxalq sərgilərdə də iştirak etməyin mümkün olduğunu dilə gətirib.

"Yeni cins "Qissar" cinsli qoçlarla rəqabət aparmaq qabiliyyətindədir və hətta onlardan daha böyükdür. Fermerlərdən biri özünün 220 kiloqramlıq qoçunu hətta 50 min dollara da satmır. Bu cinsin quzularının qiyməti isə 300 dollardır. Bizim heyvandarlar çoxlu sayda qoyun saxlamağa öyrəşiblər. Amma 100 baş cins erkək qoyun saxlamaq 500 baş adi qoyun saxlamaqdan daha yaxşıdır. Belə ki, cins qoyunlar daha çox ət verir və onları diri halda sərfəli qiymətə satmaq olar", — deyə Satıbekov bildirib.

Mütəxəssis onu da bildirib ki, "Araşan" cinsindən olan qoçları almaq istəyənlər Qoyun Yetişdiriciləri İctimai Birliyindən məsləhət ala bilərlər.

8
Rusiya Prezidenti Vladimir Putin və İsrailin Baş naziri Benyamin Netanyahu, arxiv şəkli

Putin Netanyahu arasında kritik danışıq

11
(Yenilənib 21:24 07.05.2021)
Tərəflər təhlükəsizlik şurası, həmçinin xarici siyasət və iqtisadi qurumlar barədə dialoqun davam etdirilməsinə dair razılığa gəlib.

BAKI, 7 may — Sputnik. Rusiya Prezidenti Vladimir Putin və İsrailin Baş naziri Benyamin Netanyahu beynəlxalq məsələləri müzakirə ediblər. Sputnik Azərbaycan xəbər verir ki, bu barədə məlumat Kremlin rəsmi saytında yerləşdirilib.

Qeyd olunur ki, telefon danışığı zamanı liderlər Suriya nizamlanması da daxil olmaqla beynəxlaq gündəlikdə olan məsələləri müzakirə ediblər. Bildirilir ki, Benyamin Netanyahu Putini İsrail tərəfinin Kiyev nümayəndələri ilə əlaqələri barədə məlumatlandırıb. Tərəflər təhlükəsizlik şurası, həmçinin xarici siyasət və iqtisadi qurumlar barədə dialoqun davam etdirilməsinə dair razılığa gəliblər.

Putin və Netanyahu, həmçinin Böyük Vətən müharibəsində Qələbənin 76-cı ildönümü münasibəti ilə bir-birlərini təbrik ediblər.

11
Qanvermə, arxiv şəkli

Mütəmadi olaraq qan vermək infarkt xərçəng riskini azaldır

0
(Yenilənib 23:15 07.05.2021)
Mütəmadi qan vermək həm də vaxtaşırı mini check-up-dan keçmək deməkdir. Çünki qan verməmişdən əvvəl donordan müxtəlif analizlər götürülür.

BAKI, 7 may — Sputnik. Mütəmadi şəkildə qan vermək infarkt və xərçəng riskini azaldır, ürək-damar xəstəliklərinin qarşısını alır, xolesterolu və qandakı şəkərin səviyyəsini normallaşdırır. Bu barədə Türkiyə Səhiyyə Elmləri Universitetinin müəllimi, hematologiya üzrə mütəxəssis, professor Erdal Kurtoğlu Anadolu Agentliyinə müsahibəsində bildirib. Onun sözlərinə görə, qan vermək hüceyrələrin yenilənməsinə səbəb olur.

Donorlardan alınan qanın fərqli komponentlərə ayrıldığını bildirən professor qeyd edib ki, beləliklə, könüllü şəkildə verilən hər vahid qan eritrosit, trombosit və plazma şəklində üç nəfərin həyatını xilas edir.

Kurtoğlu onu da bildirib ki, qan vermək üçün maneə yaratmayan hər hansı bir sağlamlıq problemi olmayan 18-65 yaş arası hər kəs donor kimi qan verə bilər.

Temperaturun yüksəlməsi ilə müşayiət olunan xəstəlik keçirən insanlardan isə ən azı 2 həftə qan alınmamalıdır. Bundan başqa, cərrahiyyə əməliyyatı keçirənlərin, akupunktura, döymə, və pirsinq etdirənlərin də 12 ay ərzində donor kimi qan verməsi qadağandır.

"Kişilər 90 gündən bir, qadınlar isə 120 gündən bir donor kimi qan verə bilərlər", – deyə professor qeyd edib.

Mütəxəssis onu da bildirib ki, COVID-19-a qarşı peyvənd olunanlar da donor kimi qan verə bilərlər. Özü də bunun üçün peyvəndin üstündən müəyyən müddətin keçməsinə ehtiyac yoxdur.

Kurtoğlu qan donorluğunun insanlara mənəvi rahatlıq bəxş etdiyini də bildirib.

"Mütəmadi qan donorluğunu tövsiyə edirik. Çünki bunun infarkt və xərçəng riskini azaltması, qan-damar xəstəliklərinin qarşısını alması, xolesterolu və qan şəkərini balanslaşdırmasına dair tibbi məlumatlar mövcuddur. Bundan başqa, mütəmadi qan vermək həm də vaxtaşırı mini check-up-dan keçmək deməkdir. Çünki qan verməmişdən əvvəl donordan müxtəlif analizlər götürülür. Ən əsası isə qan vermək, beləliklə də, insanlara faydalı olduğunu bilmək adama mənəvi rahatlıq bəxş edir", – deyə o vurğulayıb.

0