Murat Karayılan, kürd terror təşkilatının liderlərindən biri

PKK-nın ikinci şəxsi ələ keçirilib?

1083
Terror təşkilatının liderlərindən olan Murat Karayılanın tutulması xəbəri yayılıb. Nə rəsmilər, nə də PKK xəbəri təkzib edir.

BAKI, 12 fev — Sputnik. PKK terror təşkilatının əsas liderlərindən biri olan Murat Karayılanın İraqın şimalında ələ keçirildiyi bildirilir. Sputnik ahaber.com.tr-yə istinadən xəbər verir ki, məlumatı Mosuldakı yerli mənbələr verib.

Xəbərə görə, türk xüsusi təyinatlıları ani basqın əməliyyatı ilə Karayılanı gizləndiyi yerdə həbs ediblər. Murat Karayılanın Türkiyəyə gətiriləcəyi qeyd olunur.

PKK terror
olympiada.files.wordpress.com

Xəbərin doğru, yaxud yalan olması barədə Türkiyə hökumətindən heç bir rəsmi açıqlama hələlik verilməyib. Terror təşkilatı da yayılan informasiyanı təkzib etmir. Bu da iddianın gerçək ola biləcəyi ehtimalını gücləndirir.

Mövzuya münasibət bildirən politoloq Qabil Hüseynli Karayılanın tutulma xəbərinin doğru ola biləcəyini söyləyib: "Mən güman edirəm ki, bu, doğru məlumatdır. Türkiyə milli təhlükəsizlik orqanı əməkdaşlarının uğurlu əməliyyatı nəticəsində tutulan terrorçu başı Karayılanın xüsusi helikopterlə Mosuldan Ankaraya gətirildiyi söylənilir".

Murat Karayılanın tutulması ilə PKK-nın dərhal süqut edəcəyi fikrini sadəlövhlük adlandıran Q. Hüseynli, PKK-da Karayılandan başqa da digər nüfuzlu liderlərin olduğunu deyib: "Əlbəttə Murat Karayılan, həbsdə olan Abdullah Öcalandan sonra təşkilatda ən güclü adam idi. Lakin PKK tərkibində ondan başqa nüfuzlu şəxslər də var. Ona görə də, mən düşünmürəm ki, Karayılanın həbsi ilə PKK məsələsi bitsin. Amma zəifləyəcəyi ehtimalı böyükdür".

Politoloq daha sonra bunları deyib: "Murat Karayılan dindirilmə zamanı faktları açıb-tökməyə başlayarsa, PKK-nın sürətlə dağılması, məhv olma prosesi start alar. Həmçinin terror təşkilatının xarici dövlətlərlə əlaqələri də gün üzünə çıxa bilər".

Qeyd edək ki, Murat Karayılanın tutulması ilə bağlı yayılan xəbərlər ilk deyil. Bundan öncə 2011-ci ildə də terrorçu başının tutulduğu barədə xəbərlər yayılmış, daha sonra təkzib olunmuşdu.

1083
Teqlər:
Qabil Hüseynli, Türkiyə, Murat Karayılan, PKK terror təşkilatı
Əlaqədar
PKK polis avtobusunu partladıb
"İstanbulda törədilən terror PKK-nın üslubu deyil"
Daha 9 PKK terrorçusu məhv edilib
Türk ordusundan PKK-ya ağır zərbə
PKK hərbi konvoya hücum etdi
PKK lideri evində həbs olundu

Putindən Ərdoğanla bağlı xoş sözlər: "Belə etibarlı tərəfdaşla işləmək xoşdur"

50
Rusiya lideri: "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı".

BAKI, 22 oktyabr - Sputnik. "Türkiyə prezidenti Ərdoğan müstəqil siyasət yürüdür: Qərara aldı ki, ölkəsinə müasir HHM sistemi lazımdır, dedi və S-400 aldı. Belə etibarlı tərəfdaşla işləmək xoşdur".

Sputnik Azərbaycan-ın məlumatına görə, bu sözləri Rusiya prezidenti Putin Valday klubunda onlayn çıxışı zamanı deyib.

"Ərdoğan dedi biz bunu reallaşdıracağıq, biz də elədik. Digər sahələrdə əməkdaşlıq edirik. Mən bilirəm ki, Ərdoğan müstəqil xarici siyasət yürüdür. Bütün təzyiqlərə baxmayaraq, biz onunla çox qısa zamanda “Türk axını” layihəsini reallaşdırdıq. Amma Avropa ilə indiyə qədər bunu edə bilmirik, illərdir mövzu çeynənir. Avropa elementar müstəqillik və suveren iradə göstərib ona xeyir gətirəcək "Şimal axını-2" layihəsini reallaşdıra bilmir. Biz öz milli maraqlarımızı başa düşərək Türkiyə ilə bunu tez bir vaxtda elədik", - deyə Putin vurğulayıb.

50
Əlaqədar
Putin: "Azərbaycan ərazilərinin itirilməsi vəziyyəti sonsuzadək davam edə bilməz"
Rusiya prezidenti: Minsk qrupu formatını bir az dəyişmək olar
Putin ümid edir ki, ABŞ Dağlıq Qarabağ münaqişəsinin nizamlanmasına kömək edəcək
Rəcəb Tayyip Ərdoğan və Həsən Ruhani. İstanbul, 14 aprel 2016-cı il

Ərdoğan Ruhaniyə: Qarabağ məsələsində işğala məruz qalanla işğalçını ayırd etmək önəmlidir

31
(Yenilənib 21:40 22.10.2020)
Türkiyə Prezidenti Rəcəb Tayyib Ərdoğan və İran Prezidenti Həsən Ruhani arasında telefon danışığında Qarabağ məsələsinə toxunub.

BAKI, 22 oktyabr - Sputnik. Türkiyə Prezidenti Rəcəb Tayyib Ərdoğan və İran Prezidenti Həsən Ruhani arasında telefon danışığı olub.

Sputnik Azərbaycan Türkiyə mediasına istinadla xəbər verir ki, telefon danışığı zamanı prezidentlər Türkiyə-İran əlaqələri, terrorla mübarizədə əməkdaşlıq, Ermənistan-Azərbaycan Dağlıq Qarabağ münaqişəsi və Suriya barədə fikir mübadiləsi aparıblar.

Azərbaycan torpaqlarını işğal edən Ermənistanın mülki əhalini atəşə tutmasının müharibə cinayəti olduğunu vurğulayan Ərdoğan deyib:

"Bu məsələdə haqlı ilə haqsızı, işğala məruz qalanla işğalçını ayırd etmək önəmlidir".

31
Армянская военная форма

Ermənistan son günlərdə hərbi əməliyyatlarda ölən hərbçilərinin siyahısını açıqlayıb

0
(Yenilənib 00:18 23.10.2020)
Ermənistan hökuməti oktyabrın 22-də Dağlıq Qarabağ münaqişəsində həlak olan hərbi qulluqçularının növbəti siyahısını açıqlayıb.

BAKI, 22 oktyabr - Sputnik. Ermənistan hökuməti oktyabrın 22-də Dağlıq Qarabağ münaqişəsində həlak olan hərbi qulluqçularının yeni siyahısını açıqlayıb.

Sputnik Azərbaycan Ermənistan KİV-lərinə istinadən xəbər verir ki, bugünkü siyahıda 26 nəfərin adı yer alıb.

Bu günədək Ermənistan tərəfinin açıqladığı itkilərin sayı 900 nəfərə çatıb.

Qeyd edək ki, qarşı tərəf itkilərinin sayını məqsədyönlü şəkildə gizlədir.

0
Əlaqədar
MN: Ermənistan rəhbərliyi cəbhədə verdiyi ağır itkiləri yaddan çıxarıb
Madagiz-Ağdərə istiqamətində ermənilərin itkiləri açıqlandı
Ermənistan ordusu ağır itkilər verməyə davam edir - VİDEO
İtkilər üzə çıxır? Ermənistan ordusunun əsgəri ölüb
"Ermənistanın verdiyi itkilər arasında xaricdən gətirilən muzdlular çoxluq təşkil edir"