ABŞ Konqresi

Dünya tarixində rekord büdcə təklifi açıqlandı

1756
(Yenilənib 18:49 10.02.2016)
ABŞ prezidenti Barak Obama 4.1 trilyon dollarlıq büdcə təklifini Konqresə göndərib. Respublikaçılar layihəni sərt tənqid etsələr də, demokratlar ölkənin gələcəyinə baxımından təkliflərin qəbul edilməsini istəyirlər.

BAKI, 10 fev — Sputnik. ABŞ prezidenti Barak Obama, 2017-ci il üçün 4.1 trilyon dollarlıq rekord büdcə təklifini Konqresə göndərib. Sputnik Milliyet-e istinadən xəbər verir ki, 2017-ci ilin büdcə təklifi terror, iqlim dəyişikliyi, kiberhücumlar və xərçənglə mübarizədən təmiz enerji investisiyalarına qədər bir çox sahələri əhatə edir.

1 Oktyabr 2016-cı il — 30 sentyabr 2017-ci il dövrünü əhatə edəcək büdcə, ölkənin gələcəyini zəmanət altına alacaq cəhdlər üçün 4.1 trilyon dollarlıq rekord xərcləmələri nəzərdə tutur. Obamanın səkkizinci və son büdcə planı çərçivəsində, ABŞ Müdafiə Nazirliyinə 582.7 milyard, Xarici İşlər Nazirliyinə 50.1 milyard, Maliyyə Nazirliyinə 13.3 milyard dollar ayrılması planlaşdırılır. Buna qarşı gələcək 10 ilə bağlı büdcə açığını vergi gəlirlərinin artırılmasıyla, 2.9 trilyon dollar azaldılacağı qeyd olunur.

İŞİD-lə mübarizəyə 11 milyard dollar

Büdcə planında İŞİD-in yox edilməsinə yönəlik fəaliyyətlər üçün 11 milyard dollarlıq maliyyə ayırılması nəzərdə tutulur. ABŞ-ın Müdafiə və Xarici İşlər nazirliklərinə köçürüləcək 11 milyard dolların, İŞİD-ə qarşı döyüşən qrupların təhsili və avadanlıqla təmin edilməsinə, təşkilatın maliyyə qaynaqlarının kəsilməsinə, regional partnyorların gücləndirilməsinə, qarşıdurmalardan əziyyət çəkən insanlara humanitar yardım göstərilməsinə yönələcək. Bu vəsaitdən, həmçinin Suriyadakı vətəndaş müharibəsinə siyasi bir çözümün tapılması üçün istifadə edilməsi planlaşdırılır.

Rusiyaya qarşı 4.3 milyard dollar

Büdcə təklifi, həmçinin "Rusiyanın təcavüzkar mövqeyinə" məruz qalan NATO müttəfiqləri və Avropa, Avrasiya, Orta Asiyadakı partnyor ölkələrin müqavimətini artırmaq məqsədiylə 4.3 milyard dollar xərclənməsini ehtiva edir. Vəsaitin bölgədəki ölkələrə siyasi, iqtisadi və hərbi dəstəyi təmin edəcəyi bildirilir.

Kiberhücumlara qarşı 19 milyard dollar

Son illərdə gedərək artan kiberhücumlar 2017-ci ilin büdcəsində də əks olunub. Obama kompüter piratlarının hədəfi olan federal təşkilatların təhlükəsizliklərinin gücləndirilməsi məqsədilə 19 milyard dollarlıq maliyyə ayrılmasını tələb edir.

Hər bir barelə görə 10 dollarlıq neft vergisi

Büdcə təklifində ən diqqətçəkən maddələrdən biri də ölkədəki neft şirkətlərinə çıxardıqları və idxal etdikləri hər barel neft üçün 10 dollar vergi tətbiq edilməsidir. Buradan əldə ediləcək təxminən 320 milyard dollarlıq gəlirin iqlim dəyişikliyi ilə mübarizə çərçivəsində təmiz infrastruktur və enerji sərmayələri üçün istifadə ediləcəyi ifadə edilir.

Xərçənglə mübarizəyə 1 milyard dollar

Obama həmçinin büdcə çərçivəsində xərçəngin müalicəsinə istiqamətli araşdırmalar üçün 1 milyard dollar maliyyə ayrılmasını istəyib. Əlavə olaraq büdcə ABŞ-ın Milli Səhiyyə İnstitutuna araşdırma layihələri üçün 33.1 milyard dollar mənbənin təmin edilməsini nəzərdə tutur.

Respublikaçılar büdcə təklifini tənqid etdi

Konqresin Respublikaçı üzvləri Obamanın 4.1 trilyon dollarlıq rekord büdcə tələbini sərt şəkildə tənqid ediblər. Nümayəndələr Palatasının başçısı Paul Ryan açıqlama verərək deyib ki, Obama vəzifəsini balanslı bir büdcə təqdim etmədən buraxacaq. Ryan barel başına 10 dollarlıq neft vergisi təklifinə də qarşı çıxıb.

Obama hesab edir ki…

Barak Obama isə tənqidlərə Ağ Evdə etdiyi qısa açıqlama ilə cavab verib. Son büdcə təklifinin ABŞ-ın təhlükəsizliyini və rifahını artıracağını ifadə edən Obama deyib ki, bu gün açıqlanan büdcə Amerikanın gələcək illərdəki təhlükəsizliyini və rifahını artıracağına inanır: "Büdcə layihəsindəki təkliflər, bizim zərərimizə deyil, xeyrimizə olacaq".

1756
Teqlər:
Kiberhücumlar, Rusiyaya qarşı, İŞİD-lə mübarizə, rekord büdcə təklifi, ABŞ prezidenti Barak Obama, Respublikaçılar, Konqress
Əlaqədar
Barak Obama İlham Əliyevi ABŞ-a dəvət etdi
İŞİD-in təzə xəlifəsi - Obama
İqtisadçılar Azərbaycanın büdcə siyasətinin əsas istiqamətlərini müzakirə etdilər
Büdcənin xərclər hissəsində düzəlişlər ediləcək
İran prezidentindən ABŞ-a tarixi çağırış
ABŞ-dan ikibaşlı İran açıqlaması

"Lotu Quli"nin məzarı üstündə atışma olub, 1 nəfər ölüb

9
Silahlı insident nəticəsində bir azərbaycanlı başından güllələnib. O, aldığı güllə yarasından hadisə yerində ölüb.

BAKI, 19 yanvar - Sputnik. İstanbulun Esenyurt rayonunda "Lotu Quli" ləqəbli kriminal avtoritet Nadir Səlifovun məzarı üstündə silahlı insident olub.

APA-nın verdiyi xəbərə görə, silahlı insident nəticəsində bir azərbaycanlı başından güllələnib. Güllələnən şəxsin Əli Həşimov olduğu bildirilir. O, aldığı güllə yarasından hadisə yerində ölüb.

Onu vuran digər azərbaycanlı Kənan adlı şəxs isə xəstəxanaya çatdırılıb.

Məlumata görə, hadisə borc üstündə baş verib.

Hadisədə şübhəli bilinən 3 nəfər saxlanılıb.

9
 Rusiyada epdimioloji vəziyyət

Vaksini tapıblar, amma xeyri yoxdur: bir gündə 586 nəfər öldü

12
(Yenilənib 16:03 19.01.2021)
Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.

 

BAKI, 19 yanvar — Sputnik. Son bir sutka ərzində Rusiyada 21734 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 586 nəfər ölüb.

Ümumilikdə, Rusiyada bu xəstəliyə yoluxanların sayı 3612800-ə çatıb. Rusiyada pandemiya yayılandan 66623 nəfər COVID-19-dan vəfat edib. Ölkədə bu virusdan sağalanların sayı 3002026-ya çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 95.5 milyonu keçib, 1,04 milyondan çox adam isə virus səbəbi ilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

12
Mövzu:
Yeni tip koronavirus pandemiyası
Pasport, arxiv şəkli

Şəxsiyyət vəsiqəsilə Türkiyəyə səfəri nəzərdə tutan layihə müzakirə olunacaq

0
(Yenilənib 19:39 19.01.2021)
Azərbaycan Respublikası vətəndaşının şəxsiyyət vəsiqəsi Türkiyəyə səyahət edən Azərbaycan vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib

BAKI, 19 yanvar — Sputnik. Azərbaycan vətəndaşlarının Türkiyəyə şəxsiyyət vəsiqəsi ilə səyahət etməsini nəzərdə tutan qanun layihəsi Milli Məclisə daxil olub.

Sputnik Azərbaycan xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin bu gün keçirilən iclasının gündəliyinə daxil edilən "Azərbaycan Respublikası Hökuməti ilə Türkiyə Respublikası Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Respublikası Hökuməti ilə Türkiyə Respublikası Hökuməti arasında 1 saylı Protokol"un təsdiq edilməsi barədə" qanun layihəsində əksini tapıb.

Layihəyə əsasən, Azərbaycan Respublikası vətəndaşının şəxsiyyət vəsiqəsi Türkiyə Respublikasına səyahət edən Azərbaycan Respublikası vətəndaşları üçün vizadan azad səyahət çərçivəsində etibarlı sərhədkeçmə sənədlərinin siyahısına daxil edilib.

Bu məsələ eyni zamanda Türkiyə vətəndaşlarının Azərbaycana səfərinə də şamil olunacaq.

Qanun layihəsi müzakirələrdən sonra plenar iclasa tövsiyə olunub.

0