Əhməd Davudoğlu

"Türkiyə Britaniyasız Avropanın taleyi yazıla bilməz"

48
Əhməd Davudoğlu: "İstanbul tarixdə İpək yolu, London isə sənaye inqilabı ilə yadda qalıb. Bu gün ölkələrimizin 16-17 milyard dollar arası ticarət həcmi var və bir neçə il ərzində 20 milyarda çatması üçün səy göstəririk"

BAKI, 19 yan — Sputnik. "Avropanın taleyi İngiltərə və Türkiyəsiz yazıla bilməz. Biri qitənin qərbində, digəri isə şərqində yerləşən iki mühüm dövlətdir".

Sputnik NTV-yə istinadən xəbər verir ki, bunu Londonda təşkil edilən ingilis-türk iş adamları toplantısında çıxış edən Türkiyənin Baş naziri Əhməd Davudoğlu deyib. O, ölkəsi ilə Britaniyanın Avropa üçün açar rolu oynadığını bildirib.

"Həm tarixi keçmişi, həm də coğrafiyası yaxın olan Türkiyə və İngiltərə bir-birini tamamlayır. Hər iki dövlət də 2015-ci ildə parlament seçkisinə gedərək, 4 illik tək hakimiyyət və sabitlik qazandı. Bu uğur Türkiyə və Britaniya münasibətlərində yeni perspektivin başlanğıcı ola bilər", —deyə nazir qeyd edib.

London və İstanbulun tarix boyu ticarət və iqtisadiyyat mərkəzləri olduğuna işarə edən Davudoğlu, "İstanbul İpək yolu, London isə sənaye inqilabı ilə yadda qalıb. Bu gün ölkələrimizin 16-17 milyard dollar arası ticarət həcmi var və bir neçə il ərzində 20 milyarda çatması üçün səy göstəririk", deyib.

Şimalı Kipr məsələsinə də toxunan Davudoğlu qeyd edib: "Adada əldə olunacaq sülh müqaviləsi Türkiyənin Avropa İttifaqının üzvü olmasını asanlaşdıracaq və Avropanın böyük qazanclar əldə etməsinə səbəb olacaq".

48
Teqlər:
London, İstanbul, Britaniya, Türkiyə, İngiltərə, Avropa
Əlaqədar
Əhməd Davudoğlu İlham Əliyevə zəng edib
Əhməd Davudoğlu İranı nankorluqda günahlandırdı
Əhməd Davudoğlu: Heç kim bizdən üzrxahlıq gözləməsin
Əhməd Davudoğlu yeni baş nazir kimi Bakıya gələcək
Qalatasaray azarkeşləri, arxiv şəkli

Türkiyənin məşhur klubundan şəhidimizlə bağlı jest

11
(Yenilənib 16:26 24.11.2020)
"Qalatasaray"ın növbəti oyunlarından birində stadionda şəhidimiz Muradın səs yazısı səslənəcək, oyunçular Fərid yazılı forma ilə oyuna çıxacaqlar.

BAKI, 24 noyabr — Sputnik. "Qalatasaray"ın növbəti oyunlarından birində stadionda şəhidimiz Fəridin səs yazısı səslənəcək, oyunçular Fərid yazılı forma ilə oyuna çıxacaqlar. Sputnik Azərbaycan-ın məlumatına görə, bu barədə CBC Sportun idman şərhçisi Gündüz Abbaszadə məlumat yayıb. O bildirib ki, şəhidin ailəsi "Qalatasaray"ın oyununa dəvət olunacaq. Klub şəhidimizin məzarını ziyarət edəcək: ""Qalatasaray" prezidentinin köməkçisi Yusuf Günay bir az əvvəl telefon danışığımızda mənə bunları dedi. Fərid və Muradın ailəsinin nömrələrini də istədi. Tapdıq, göndərdik. Bununla yanaşı, Türkiyə TV-lərində bu haqda xəbərlər olacaq. Ümid edirəm, ruhları şaddır!"

Xatırladaq ki, Vətən müharibəsində torpaqlarımızın azad edilməsi uğrunda qəhrəmancasına döyüşərək şəhid olan Fərid Dursunovun son istəklərindən biri azarkeşi olduğu Türkiyənin "Qalatasaray" klubu ilə bağlı olub. Qax rayonundan olan Fərid "Şəhid olsam, məzarıma Azərbaycan bayrağı ilə yanaşı "Qalatasaray"ımın bayrağını da asarsınız", - deyə dostlarından xahiş edib. Şəhidlik zirvəsinə ucalandan sonra isə yoldaşları onun bu istəyini yerinə yetiriblər. Qəhrəmanımızın məzarına üçrəngli Azərbaycan bayrağı ilə yanaşı, "Qalatasaray" bayrağı da asılıb. Eyni zamanda sosial şəbəkələrdə gəncin dostları və digər fəallar məsələ ilə bağlı "Qalatasaray" klubunun rəhbərliyinə məlumat verdiklərini bildiriblər. Qeyd edilib ki, klub rəsmiləri də şəhidin xatirəsini əbədiləşdirmək məqsədilə müəyyən rəsmi addımlar atacaqlarını vurğulayıblar.

11
Teqlər:
bayraq, arzu, Qax, azərbaycanlı, şəhid, "Qalatasaray" futbol klubu, Türkiyə
Yerevana mənzərə, arxiv şəkli

Ermənistanda daha bir nazir istefa verib

14
Xaçaryan 2018-ci ilin oktyabrında bu vəzifəyə təyin olunub. Xatırladaq ki, bundan əvvəl Ermənistanda bir neçə nazir vəzifəsindən uzaqlaşdırılıb.

BAKI, 24 noyabr — Sputnik. Ermənistanda daha bir nazir istefa verib.

Sputnik Ermənistan-ın məlumatına görə, ölkənin iqtisadiyyat naziri Tiqran Xaçatryan bir gün qabaq istefa ərizəsi yazıb.

Qeyd edək ki, T. Xaçaryan 2018-ci ilin oktyabrında bu vəzifəyə təyin olunub.

Xatırladaq ki, bundan əvvəl Ermənistanda bir neçə nazir vəzifəsindən uzaqlaşdırılıb.

14
İlham Əliyev, arxiv şəkli

İlham Əliyev: Mən xoşbəxt adamam ki, dörd dəfə Məkkə ziyarətində olmuşam

0
(Yenilənib 17:15 24.11.2020)
Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

BAKI, 24 noyabr — Sputnik. "Bu gün mən Ağdam məscidinə Məkkədən gətirdiyim "Qurani-Kərim"i bağışladım. Mən xoşbəxt adamam ki, dörd dəfə Məkkə ziyarətində olmuşam. Bir dəfə rəhmətlik atamla, üç dəfə isə Prezident kimi. Xoşbəxtəm ki, mən ailə üzvlərimlə bərabər müqəddəs Kəbənin içində dualar etmişəm. Hər bir insanın ürəyində nə varsa, mənim ürəyimdə də eyni duyğulardır. Etdiyim duaların arasında birinci duam torpaqlarımızın işğaldan azad edilməsi idi. Allahdan xahiş edirdim, mənə güc versin ki, biz torpaqları işğalçılardan azad edək, o xoşbəxtliyi bizə nəsib etsin, biz yenə də dədə-baba torpağımıza qayıdaq".

Sputnik Azərbaycan xəbər verir ki, bu barədə Prezident İlham Əliyev Ağdam məscidinin qarşısında çıxışı zamanı deyib.

Dövlət başçısı bildirib:

"Bu gün burada, vandallar tərəfindən dağılmış məscidin önündə deyirəm ki, xoşbəxt adamam. Bir daha Allaha şükür edirəm ki, mənim dualarımı eşidib, bu gücü mənə verib. Biz gücümüzü səfərbər edərək bax, bu tarixi günləri yaşayırıq. Bu, həqiqətən də tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

0