Sultanahmet'te patlama

İstanbulda dəhşətli partlayış: xeyli sayda ölən yaralanan var

83
(Yenilənib 17:16 12.01.2016)
Sultanəhməd Meydanında yaşanan olay nəticəsində 10 nəfər həyatını itirib, 15 nəfər yaralanıb. Şahidlər hadisənin bombalı hücum olduğunu bildirsələr də, hələlik heç bir rəsmi açıqlama verilmir.

BAKI, 12 yan — Sputnik. Bu gün Türkiyənin İstanbul şəhərində, Sultanəhməd Meydanında partlayış baş verib. Sputnik Türkiyə-nin verdiyi xəbərə görə, partlayışda 10 nəfər ölüb, 15 nəfər yaralanıb. Hadisə yerinə çoxlu sayda polis və təcili tibbi yardım avtomobilləri cəlb edilib.

Rəsmi qaynaqlar hələ təsdiqləməsə də, şahidlər partlayışın canlı bomba tərəfindən reallaşdırıldığını söyləyiblər. Türkiyə vaxtı ilə saat 10.20 radələrində baş verən partlayışa nəyin səbəb olduğu hələ bilinmir.

Müvəqqəti yayın qadağası

Türkiyə hökuməti partlayış barədə KİV-ə hər hansı məlumat verməyi qadağan edib. Bununla əlaqədar Baş nazirin müavini Numan Qurtuluşun imzası ilə RTÜK-ə yazı göndərilib. Bildirilib ki, bu qadağa hadisə yerini görəcək şəkildə canlı yayın, hadisənin meydana gəlmə anı və dərhal sonraya bağlı görüntülər və cənazə görüntülərinin verilməməsini əhatə edir.

Sultanahmet'də partlayış
© REUTERS / Osman Orsal
Sultanahmet'də partlayış

Polis Meydana giriş-çıxışa icazə vermir

Partlayışın səsi ətraf məhəllələrdə də eşidilib. Polis yenidən partlayışın baş vermə ehtimalını nəzərə alaraq təhlükəsizlik tədbirlərini gücləndirib. Meydanın ətrafında nəqliyyat vasitələrinin hərəkəti dayandırılıb.

Sputnik Türkiyə-nin müxbiri Elif Örnekin hadisə yerindən verdiyi məlumata görə, günorta namazının vaxtı olduğu üçün partlayışın baş verdiyi yerdəki Firuzağa Məscidinin ətrafındakı polis mühasirəsi qaldırılıb. Beyazıt-Eminönü arasında dayandırılmış tramvay səfərləri başlayıb. Haseki Təhsil və Araşdırma Xəstəxanasının təcili xidmətində çox ağır olmayan xəstələr ana binaya istiqamətləndirilib.

Polis maşını aşıb

Meydanda bir polis maşınının tərs döndüyü görülüb. Sonra polislərin və vətəndaşların köməyi ilə avtomobil düzəldilib. Bəlli olub ki, polis maşını hadisə yerinə gedərkən qəza törədib. Bölgədəki turistlərin narahatlıq keçirdiyi ifadə edilir.

"Böyük bir partlayış idi"

Hadisə yerinə yaxın bir yerdə dükanı olan Öndər adlı şahid deyib: "Partlayış oldu. Sonra təcili yardım maşını gəldi. Yaralıları götürüb gedirdilər. Polislər gəldi. Böyük bir partlayış idi".

Çankaya Köşkündə təhlükəsizlik toplantısı

Daxili işlər naziri Efkan Ala Baş nazir Əhməd Davudoğluya hadisə barədə məlumat verib. Çankaya Köşkündə Davudoğlunun başçılığı ilə təhlükəsizlik toplantısının keçirilməsi gözlənilir.

Hökumət qanadından partlayışla bağlı ilk şərh AK Partiyanın sözçüsü Ömər Çelikdən gəlib. O, deyib: "Sultanəhməd Meydanında hücumu qınayırıq. Həyatını itirənlərə rəhmət diləyirik. Yaralılarımıza şəfalar diləyirik".

8 əcnəbi turist yaralanıb

Partlayışda altı Alman, bir Norveçli və bir Perulu turist yaralanıb. Norveçin Xarici İşlər Nazirliyi də bir Norveç vətəndaşının yaralandığını və xəstəxanaya aparıldığını təsdiqləyib. Almaniya Xarici İşlər Nazirliyi İstanbuldakı vətəndaşları sıx olan yerlərdən və turizm yerlərindən uzaq durmağa çağırıb.

Sultanahmet'də partlayış
© Sputnik / ELİF ÖRNEK
Sultanahmet'də partlayış

ABŞ-ın Türkiyədəki səfirliyindən açıqlama

ABŞ-ın Türkiyədəki səfiri Con Bass səfirliyin tvitterdəki hesabından hadisəyə münasibət bildirib ki, Sultanəhməddəki partlayışla əlaqədar xəbərləri yaxından təqib edirik.

Yunanıstanını Xarici İşlər Nazirliyi də partlayışda ölənlərin ailələrinə və Türkiyəyə başsağlığı və dəstəyini bildirərək, hücumu qınayıb.

İngiltərənin Türkiyədəki səfiri Riçard Mor tvitter üzərindən məsələyə münasibət bildirib ki, "İstanbuldakı partlayışla əlaqədar Türkiyənin səlahiyyətliləri ilə təmasdayıq. Yaralılara şəfa diləyirəm".

Sultanahmet'də partlayış
© REUTERS / Murad Sezer
Sultanahmet'də partlayış

Tarix təkrarlanır

6 Yanvar 2015-ci ildə də yenə Sultanəhməddə meydana gələn bombalı hücumda polis məmuru Kenan Parça həyatını itirmişdi. Hücumda bir polis yaralanarkən, bombanı partladan təcavüzkar da ölmüşdü. İntihar hücumu reallaşdıran qadın şübhəlinin, rusəsilli olduğu irəli sürülmüş, lakin bu iddia Rusiya rəsmi qaynaqları tərəfindən təkzib olunmuşdu.

83
Teqlər:
Sultanəhməd, partlayış, İstanbul, bomba, Türkiyə, məscid
Əlaqədar
Ərdoğan: Terror təşkilatından neft alacaq qədər əxlaqsız deyilik
Türkiyə XİN İran səfirini çağırıb
Türkiyə Vaşinqton-Bakı gərginliyinə imkan verməyəcək
Türkiyə televiziyasında yanğın baş verib
İranda Möhsün Fəxrizadəni öldürdüyü yer

ABŞ İran vahid mövqedə: Hər ikisi alimin ölümündə İsraili günahlandırır

36
(Yenilənib 14:36 28.11.2020)
İranlı fizik Möhsün Fəxrizadənin İsrail tərəfindən öldürdüyünü düşünən Ağ Ev və Mərkəzi Kəşfiyyat İdarəsi bu məsələ ilə bağlı jurnalistlərə şərh verməkdən imtina edib.

BAKI, 28 noyabr — Sputnik. Birləşmiş Ştatların kəşfiyyat xidmətləri İsrailin İranın nüvə proqramının yaradıcılarından biri, iranlı fizik Möhsün Fəxrizadəni öldürdüyünü düşünürlər. Sputnik Azərbaycan xəbər verir ki, bu barədə məlumatı "The New York Times" nəşri yayıb.

Nəşrin məlumatına görə, adı çəkilməyən bir amerikalı məmur və kəşfiyyat orqanlarının iki əməkdaşı alimin öldürülməsinin arxasında İsrailin durduğunu bildirib.

Qəzet, həmçinin ABŞ-ın bu əməliyyat barədə əvvəlcədən məlumatlı olmasına dair dəqiq məlumatın olmadığını da qeyd edib.

Ağ Ev və Mərkəzi Kəşfiyyat İdarəsi bu məsələ ilə bağlı jurnalistlərə şərh verməkdən imtina edib.

İran da alimin ölümündə İsraili günahlandırır. Belə bir bəyanatla həm İranın Prezidenti Həsən Ruhani, həm də xarici işlər naziri Məhəmməd Cavad Zərif bildirib.

İran Prezidenti, həmçinin qeyd edib ki, bu cinayət İranın atom sahəsindəki inkişafına təsir etməyəcək.

Xatırladaq ki, noyabrın 27-də Tehranın şimal şərqində yerləşən Absərd şəhərində M.Fəxrizadəyə sui-qəsd edilib. Əvvəlcə partlayış törədilib, daha sonra odlu silahdan atəş açılıb. Ağır yaralanan M.Fəxrizadə xəstəxanada dünyasını dəyişib.

36
Teqlər:
Amerika Mərkəzi Kəşfiyyat İdarəsi, Mərkəzi Kəşfiyyat İdarəsi, Ağ Ev, nüvə, İsrail, İran, ABŞ
Türkiyə Prezidenti Rəcəb Tayyib Ərdoğan, arxiv şəkli

Bütün islam coğrafiyasındakı problemlərə qarşı mübarizə yolunu tutmuşuq - Ərdoğan

9
Ərdoğan: Türkiyə Fələstindən Liviyaya, Dağlıq Qarabağdan Suriyayadək bütün islam coğrafiyasındakı problemlərə qarşı mübarizə yolunu tutub.

BAKI, 28 noyabr — Sputnik. "Bu il sadəcə COVID-19 pandemiyası ilə deyil, ondan da sürətlə yayılan "islam düşmənçiliyi" virusu ilə də mübarizə aparmaq məcburiyyətində qaldıq".

Sputnik Türkiyə xəbər verir ki, bunu Türkiyə Prezidenti Rəcəb Tayyib Ərdoğan ABŞ-ın müsəlman cəmiyyətinə videomüraciətində deyib.

Çıxışına "Türkiyədəki 83 milyon qardaşınızın salamlarını sizə çatdırmaq istəyirəm" sözləri ilə başlayan Ərdoğan bildirib ki, "islam düşmənçiliyi" virusu yalnız müsəlmanlara deyil, digər inanc sahiblərinə də hədsiz dərəcədə mənfi təsir edir:

"Bu düşmənçilik müsəlmanlar qədər Afrikadan, Asiyadan olan didərginləri, digər din mənsublarını da hədəf alır. İŞİD və FETÖ terror təşkilatlarından heç bir fərqi olmayan ideoloji fanatizmin hətta dövlət başçıları səviyyəsində təbliğ edildiyini görürük. Son zamanlar Fransada fikir azadlığı adı altında həzrəti peyğəmbərimiz haqda olan alçaqlıqlara sizlər də şahid olursunuz. İnsanların müqəddəs dəyərlərini təhqir etməyin azadlıqla heç bir əlaqəsi yoxdur. Çünki düşüncə ilə təhqir fərqli məsələlərdir. "Qurani-Kərim"i yandıranların havadarları, həzrəti peyğəmbərimizin təhqirinə şərait yaradanlar, məscidlərimizə olan hücumlara kor qalanlar azadlığı deyil, öz içlərindəki faşizmi gizlətmək üçün belə edirlər. Amma özlərinə qarşı ən kiçik tənqidlərə belə dözümsüzlük göstərirlər".

Türkiyə Prezidenti qeyri-müsəlman ölkələrində yaşayan müsəlmanları təfriqələrə uymamağa çağırıb.

Ərdoğan qeyd edib ki, Türkiyə Fələstindən Liviyaya, Dağlıq Qarabağdan Suriyaya qədər bütün islam coğrafiyasının fərqli məkanlarındakı problemlərə qarşı mübarizə yolunu tutub.

9
Teqlər:
Dağlıq Qarabağ, Liviya, Fələstin, Suriya, Türkiyə prezidenti Rəcəb Tayyip Ərdoğan, Türkiyə prezidenti, Rəcəb Tayyip Ərdoğan, Ərdoğan
Heroin, arxiv şəkli

Yemək qazanının qulplarından heroin çıxdı

0
(Yenilənib 15:56 28.11.2020)
Baxış zamanı yemək qazanının qulplarının daxilində xüsusi üsulla gizlədilmiş sellofan bükülülərdə ümumi çəkisi 1,580 qram heroin və ümumi çəkisi 1,797 qram olan psixotrop maddə - metamfetamin aşkarlanıb.

BAKI, 28 noyabr — Sputnik. Penitensiar Xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı İstintaq Təcridxanasına narkotik və psixotrop maddələrin keçirilməsi cəhdinin qarşısı alınıb.

Xidmətin ictimaiyyətlə əlaqələr şöbəsindən Sputnik Azərbaycan-a bildirilib ki, cinayət Məcəlləsinin 234.4.3-cü maddəsinə əsasən təqsirli bilinərək həbs edilmiş və hazırda Bakı İstintaq Təcridxanasında saxlanılan Ağayev Rəşad Hüseyn oğluna tanışı Qaxiyev Rauf İsmayıl oğlu tərəfindən gətirilmiş sovqata baxış keçirilib.

Baxış zamanı yemək qazanının qulplarının daxilində xüsusi üsulla gizlədilmiş sellofan bükülülərdə ümumi çəkisi 1,580 qram heroin və ümumi çəkisi 1,797 qram olan psixotrop maddə - metamfetamin aşkarlanıb. Faktla bağlı araşdırma aparılır.

0