BAKI, 5 yan — Sputnik. Türkiyədə Ayvalık ilçəsinin çımərliyində 14 nəfər mühacirin cəsədi tapılıb. Bu barədə Sputnik Hurriyet Daily News-ə istinadən məlumat verir.
Məlumata əsasən içərisində 22 mühacir olan qayıq Türkiyənin İzmir limanından Yunanıstanın Lesbos adasına gedirmiş. Lakin fırtınaya düşən qayıq çevrilib. Xilasedicilər 8 nəfəri qurtara biliblər.
Daha bir məlumata əsasən, İzmirin Dikili ilçəsində sahildə 7 mühacirin cəsədi aşkar edilib. Onların arasında uşaqlar və qadınlar da var.
Beynəlxalq Miqrasiya Təşkilatının məlumatına görə, 2015-ci ilin əvvəlindən 580 min nəfərdən çox insan dəniz yolu ilə Avropaya mühacirət edib.
