politoloq Elxan Şahinoğlu \ Политолог Эльхан Шахиноглы

Ekspert: AKP yenidən təkbaşına iqtidar ola bilər

438
(Yenilənib 12:46 14.08.2015)
Politoloq Elxan Şahinoğlu: Çünki insanlar görürlər ki, koalisiya hökuməti qurmaq alınmır. Üstəlik Türkiyə iki cəbhədə, həm PKK, həm də İŞİD-lə müharibə aparır.

BAKI, 14 avq – Sputnik. Türkiyə Ədalət və İnkişaf Partiyasının (AK Partiya) sədri və baş nazir Əhməd Davudoğlu Cümhuriyyət Xalq Partiyası (CHP) ilə koalisiya hökuməti yaratmağın mümkünsüzlüyünü ifadə edib. 

Davudoğlu CHP sədri Kamal Kılıçdaroğlu ilə hökumətqurma prosesi çərçivəsində 3-cü görüşündən sonra verdiyi açıqlamada, başda xarici siyasət olmaqla, təhsil sahəsi və digər mövzularda dərin fikir ayrılıqları olduğunu bildirib.

CHP sədri Kamal Kılıçdaroğlu isə deyib: "Bizə koalisiya təklifi ilə deyil, qısamüddətli seçki hökuməti və ya azlıq hökumətinə dəstək olunması təklifi ilə gəldilər."

Koalisiya danışıqları prosesini partiya qərargahından izləyən MHP sədri Dövlət Baxçalı də öz növbəsində CHP ilə AK Partiya arasında koalisiya hökuməti qurulmaması məsələsini müzakirə etmək üçün qərargahında partiya heyətiylə bir araya gəlib.

Baş nazir Əhməd Davudoğlu bu dəfə MHP lideri Dövlət Bahçelini görüşə dəvət edib. Baxçalı baş nazirin təklifini qəbul edib.

Mövzunu Sputnik-ə şərh edən politoloq Elxan Şahinoğlu, böyük ehtimalla təkrar seçkilərin olacağını söyləyib: “CHP ilə AKP arasında keçirilən koalisiya danışıqlarında ciddi fikir ayrılıqları üzə çıxdı. MHP-nin də mövqeyi öncədən bəlli olduğu üçün yeganə çıxış yolu təkrar seçkilərdir. Prezident Ərdoğan və AKP də buna üstünlük verir. AKP-nin məqsədi təkrar seçkilərdə yenidən böyük səs çoxluğu ilə təkbaşına iqtidar olmaqdır. Zənnimcə elə belə də olacaq. Çünki insanlar görürlər ki, koalisiya hökuməti qurmaq alınmır. Üstəlik Türkiyə iki cəbhədə, həm PKK, həm də İŞİD-lə müharibə aparır. Ona görə də Türkiyədə güclü hökumətin qurulması vacibdir.”

Elxan Şahinoğlu, təkrar keçiriləcək seçkilərdə HDP-nin əvvəlki uğurunu təkrarlayacağına şübhə etdiyini deyib: “7 iyun seçkilərində HDP-ni tək kürdlər dəstəkləmədi. AKP-ni istəməyən türklər də bu partiyaya səs verdi. Lakin sonrakı proseslər göstərdi ki, HDP PKK-nın terror fəaliyyətlərini qınaya bilmir, günahsız insan ölümlərinə göz yumur. Bu da təbii olaraq seçicilərdə onlara olan inamı sarsıtdı. Bu səbəblərə görə, HDP-nin 10 faizlik səs barajını aşacağına, yenidən 13 faiz səs toplayacağına şübhə edirəm.”

438
Teqlər:
Türkiyə koalisiya, HDP, MHP, CHP, Cümhuriyyət Xalq Partiyası, AK partiya, AKP, Türkiyə Ədalət və İnkişaf Partiyası, Kamal Kılıçdaroğlu, CHP sədri, Əhməd Davudoğlu, baş nazir Əhməd Davudoğlu, politoloq Elxan Şahinoğlu, Elxan Şahinoğlu, Türkiyə
Yaponiyada qoruyucu maskada olan insanlar

Avropanın "ağ siyahısı": yaponları oradan silirlər

11
(Yenilənib 00:58 27.01.2021)
Avropa Birliyi sərhədlərini Yaponiya vətəndaşlarının üzünə bağlamağa hazırlaşır. Bu ölkənin "ağ siyahı"dan çıxma ehtimalı yüksəkdir

BAKI, 27 yanvar - Sputnik. Avropa Birliyi ölkələrinə gəlməyə icazəsi olan insanların siyahısından Yaponiya vətəndaşları çıxarıla bilər.

Sputnik Azərbaycan bildirir ki, Avropa Birliyinin bu niyyəti barədə Bloomberg öz mənbələrinə istinadən yazır. 

Agentliyin məlumatına görə, bu qərar Yaponiyada koronavirusa yoluxmanın artması ilə bağlıdır.  

Mənbə bildirib ki, Avropa Birliyinin yenilənmiş "ağ siyahısı"nda cəmi yeddi ölkə olacaq və yalnız bu ölkələrin vətəndaşları AB-yə üzv ölkələrə səyahət edə biləcəklər. 

Siyahıdakı "xoşbəxtlər" isə Avstraliya, Çin, Yeni Zelandiya, Ruanda, Sinqapur, Cənubi Koreya və Tailanddır. COVID-19-a yoluxma sayının kəskin artması səbəbindən Böyük Britaniya bu siyahını yanvarın 1-dən tərk edib. 

11
Teqlər:
Koronavirus, qadağa, Avropa Birliyi, vətəndaşlar, Yaponiya
Mövzu:
Yeni tip koronavirus pandemiyası
AŞPA-da plenar iclas, arxiv şəkli

Ermənistanın düzəlişlərini AŞPA rədd edib - Azərbaycan XİN

18
AŞPA-dakı Ermənistan nümayəndə heyətinin qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib

BAKI, 27 yanvar - Sputnik. Bu il yanvarın 25-də Avropa Şurası Parlament Assambleyasın Monitorinq Komitəsinin “AŞPA Monitorinq prosedurunun 2020-ci il üzrə tərəqqi hesabatı” adlı qətnamə qəbul edilib. Hər il ənənəvi hazırlanan hesabat ilə əlaqədar qətnamə layihəsində monitorinq proseduruna və ya monitorinqdən sonrakı dialoqa cəlb edilmiş ölkələrdə, o cümlədən Azərbaycan və Ermənistanda baş vermiş əsas hadisələr qiymətləndirilir və müvafiq tövsiyələr verilir.

Azərbaycan Xarici İşlər Nazirliyindən Sputnik Azərbaycan-a verilən məlumata görə, sözügedən qətnamədə Ermənistan və Azərbaycan arasında baş vermiş döyüşlər kontektsində müvafiq bəndlər yer alıb. Belə ki, qətnamənin 5-ci bəndində komitənin “27 sentyabr 2020-ci il tarixində Ermənistan və Azərbaycan arasında Dağlıq Qarabağ bölgəsində baş verən hərbi döyüş əməliyyatları ilə bağlı hadisələri izlədiyi, bu mövzuda cari məsələlər üzrə debat irəli sürdüyü, hər iki tərəfdən deputatların iştirakı ilə fikir mübadiləsi təşkil etdiyi, Ermənistan və Azərbaycan üzrə həmməruzəçilərin münaqişənin sülh yolu ilə həllinə çağırışlar etdiyi” qeyd olunur. Qətnamənin 11-ci bəndində isə aşağıdakı fikirlər yer alıb:
“Dağlıq Qarabağ münaqişəsi ilə əlaqədar olaraq, Assambleya bütün tərəfləri siyasi dialoqa mane olan iltihablı ritorikadan çəkinməyə, Ermənistanı və Azərbaycanı üçtərəfli bəyanatın humanitar məsələlərlə bağlı müddəalarını ən qısa müddətdə həyata keçirməyə, bütün tərəfləri dərhal hərbi əsirlərin və cəsədlərin mübadiləsini həyata keçirməyə, mədəni irsə hörmət etməyə çağırır və Monitorinq Komitəsini parlament səviyyəsində sülh prosesi üçün əlverişli bir atmosferə töhfə vermək üçün yolları araşdırmağa dəvət edir. Assambleya bu münaqişə zamanı bütün tərəflərin humanitar və insan hüquqları qanunlarını pozduğuna dair məlumat və iddialar, bəzi dini yerlərin və abidələrin deqradasiyası, eləcə də xüsusi mülkiyyətin dağıdılması iddialarından ciddi narahatlığını ifadə edir və bu məlumatların tam araşdırılmasını və pozuntuların aradan qaldırılmasını və günahkarların mühakimə olunmasını gözləyir”.

​Qeyd olunmalıdır ki, AŞPA-dakı Ermənistan nümayəndə heyətinin sözügedən qətnamə layihəsinə əsassız düzəlişlər irəli sürmək cəhdləri uğursuzluqla nəticələnib. Ermənistan tərəfinin düzəlişləri həm Monitorinq Komitəsi, həm də Assambleyanın plenarı tərəfindən rədd edilib.

​Bundan başqa, Ermənistan nümayəndə heyəti sessiya çərçivəsində cari məsələlər üzrə debat proseduru əsasında “Avropa Beynəlxalq İnsan Hüquqları Standartlarının pozulması kimi Azərbaycan hakimiyyət orqanları tərəfindən erməni əsirlər və digər saxlanılan şəxslərin qaytarılmasının əsassız olaraq gecikdirilməsi” mövzusunda müzakirənin keçirilməsini istəyib. Bu xüsusda, Azərbaycan nümayəndə heyəti tərəfindən AŞPA Prezidentinə məktub ünvanlanaraq məsələ üzrə mövqeyimiz onun diqqətinə çatdırılıb və belə bir debatın keçirilməsinin məqbul olmadığı vurğulanıb. Nəticə etibarı ilə, qurumun Bürosu tərəfindən bu mövzuda debatın keçirilməsi məqsədəuyğun hesab edilməyib.

"​Eyni zamanda vurğulamaq istərdik ki, 25 yanvar tarixində Avropa Şurasının Baş katibi Mariya Peyçinoviç Buriç qış yarım-sessiyasında AŞPA üzvləri qarşısında çıxışında təşkilatın mövqeyini bir daha ifadə edərək Ermənistan və Azərbaycan arasında imzalanmış 10 noyabr tarixli üçtərəfli bəyanatı alqışladıqlarını söyləyib. O, AŞ-nin səlahiyyətləri çərçivəsində hər iki ölkəyə post-konflikt dövründə dəstək verməyə hazır olduqlarını və bu məqsədlə tərəflərlə məsləhətləşmə apardıqlarını bildirib", - XİN-in məlumatında deyilir.

18
Neft buruğu, arxiv şəkli

Azərbaycan nefti yenə bahalaşıb

0
Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 27 yanvar — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,53 dollar artaraq 56,36 dollar təşkil edib.

"Brent" markalı neftin qiyməti 0,42 dollar artaraq 56,33 dollar, "Light" markalı neftin qiyməti isə 0,38 dollar bahalaşaraq 52,99 dollar olub.

Qeyd edək ki, Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

0