Türkiyə parlamentinin fövqəladə iclası çağırılıb

64
(Yenilənib 11:25 29.07.2015)
Türkiyənin müdafiə naziri Vecdi Könül parlamentariləri son günlər baş verən terror və antiterror əməliyyatları barədə məlumatlandıracaq.

BAKI, 29 iyul-Sputnik. Türkiyə Böyük Millət Məclisi (TBMM) fövqəladə toplantı keçirəcək. 

Sputnik Türkiyənin “Hürriyət” qəzetinə istinadən xəbər verir ki, TBMM ana müxalifət partiyası olan Cümhuriyyət Xalq Partiyasının (CHP) təklifi ilə bu gün saat 15.00-da (Türkiyə vaxtı ilə) toplanacaq. Parlamentdə son terror hadisələri və antiterror əməliyyatları ilə bağlı millət vəkilləri geniş məlumatlandırılacaq.

Türkiyənin müdafiə naziri Vecdi Könül parlamentariləri son olaylar barəsində məlumatlandıracaq və onların suallarını cavablandıracaq.

Belə bir fövqəladə toplantı sonuncu dəfə 2014-cü ilin avqustunda prezident Rəcəb Tayyib Ərdoğanın andiçmə mərasimi zamanı keçirilib.

 

64
Teqlər:
CHP, TBMM, Türkiyə parlamenti, Türkiyə Böyük Millət Məclisi, Vecdi Könül, Türkiyə
Mövzu:
Türkiyənin terror əleyhinə mübarizəsi (21)

Biz sizi sevirik: amerikalı polis Kaliforniyada etirazçılar qabağında diz çökdü VİDEO

5
(Yenilənib 16:44 03.06.2020)
ABŞ-da, Minneapolis şəhərində, 46 yaşlı afroamerikalı Corc Floydun ölümündən sonra ölkənin bir çox iri şəhərini etiraz aksiyaları bürüyüb.

Floydün ölümünə isə polis işçisi səbəb olub. Kaliforniyada bir neçə polis nümayəndəsi etiraz edənlərin yanına çıxıb və onlara müraciət edib. Onlardan biri isə hətta diz üzərinə çöküb nümayiş iştirakçılarından birini qucaqlayıb. Daha ətraflı videomuzda izləyin.

5
 Reanimasiyada COVİD-19 xəstəsi, arxiv şəkli

Ermənistanda koronavirusdan ölənlərin sayı 170-ə çatdı

7
(Yenilənib 12:44 03.06.2020)
Gürcüstanda isə daha 4 nəfərdə koronavirus aşkarlanıb. Bununla da qonşu ölkədə koronavirusa yoluxanların sayı 800-ə çatıb.

BAKI, 3 iyun — Sputnik. Ermənistanda koronavirusa yoluxanların sayı 10524-a çatıb. Sputnik Ermənistan xəbər verir ki, bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, son 24 saat ərzində bu virusa yoluxanların sayı daha 515 nəfər artıb.

Ermənistanda son gündə daha 12 nəfər ölüb. Ümumilikdə bu virusdan ölənlərin sayı 170-ə çatıb. Xəstəlikdən sağalanların sayı 3454 olub. Hazırda bu ölkədə olan 6841 nəfər xəstəxanada müalicə alır.

Gürcüstanda isə daha 4 nəfərdə koronavirus aşkarlanıb. Bununla da qonşu ölkədə koronavirusa yoluxanların sayı 800-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 6,2 milyonu keçib, 375 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

7

Gəncədə oğul 85 yaşlı anasını döyərək xəstəxanalıq etdi

0
Gəncə şəhər sakini, 1935-ci il təvəllüdlü Güləndam Köçəriyeva müxtəlif bədən xəsarəti ilə xəstəxanaya yerləşdirilib. 

BAKI, 3 iyun — Sputnik. Gəncədə oğul 85 yaşlı anasını döyərək ona xəsarət yetirib. 

"Report"un məlumatına görə, hadisə şəhərin Ozan küçəsində qeydə alınıb. 

Gəncə şəhər sakini, 1935-ci il təvəllüdlü Güləndam Köçəriyeva müxtəlif bədən xəsarəti ilə xəstəxanaya yerləşdirilib. 

Yaxınlarının bildirdiyinə görə, qadını içki aludəçisi olan oğlu döyüb. Həkimlər G.Köçəriyevanın vəziyyətini kafi kimi qiymətləndirirlər.

Hadisənin səbəbi isə hələlik məlum deyil.

Faktla bağlı araşdırma aparılır.

0