Ukraynanın bayrağı

Kiyevin başı üzərindən Ukrayna danışıqları

20
(Yenilənib 16:53 22.07.2015)
ABŞ və Rusiya Ukrayna münaqişəsinin həlli istiqamətində gizli dialoqu aktivləşdiriblər.

BAKI, 22 iyul — Sputnik. ABŞ və Rusiya Ukrayna münaqişəsinin həlli istiqamətində gizli dialoqu aktivləşdiriblər. 

Sputnik ABŞ-ın Stratfor Qlobal Analitik Mərkəzinin hazırladığı hesabata  istinadən xəbər verir ki, ABŞ-la Rusiya arasında Ukrayna probleminin həlli istiqamətində dialoq aktivləşsə də, rəsmi Kiyev danışıqlardan kənardadır və prosesə heç cür müdaxilə edə bilmir. 

Stratfor qeyd edir ki, münaqişənin həlli üçün bir neçə format mövcuddur və bu formatların heç birində ABŞ iştirak etmir.

ABŞ Ukrayna probleminin həlli ilə bağlı aparılan dialoqda iştirak etməsə belə iyun və iyul aylarında Moskva ilə  məsələnin həlli istiqmaətində birbaşa dialoqu aktivləşdirib. Belə ki, ABŞ Dövlət katibinin müavini Viktoriya Nulandın Rusiya XİN müavini Qriqori Karasınlə bir neçə dəfə telefon danışığı və görüşü  olub.

Stratforun hesabatında o da qeyd olunur ki, prezident Vladimir Putinin administrasiyasının rəhbəri Sergey İvanov bəyan edib ki,  “Karasin-Nuland” Rusiya-Amerika kanalı Ukrayna  böhranının nizamlanması istiqamətində ayrıca ikitərəfli format rolunu oynayacaq. 

Qeyd edək ki, Stratfor 1996-cı ildə yaranıb və əsas fəaliyyəti dünyada baş verən hadislərlə bağlı informasiyalar toplayaraq  iqtisadi və geosiyasi analitik  yazılar hazırlayır. Bir sıra  KİV orqanları Stratfor-u MKİ-nin “kölgəsi” hesab edirlər.

20
Füzuli rayonunda dağıdılmış məscid, arxiv şəkli

Ermənilər daha bir məscidimizi tövləyə çeviriblər - VİDEO

0
(Yenilənib 14:31 26.11.2020)
Anar Kərimov: "Kaş ki Fransa Senatı birtərəfli və son dərəcə siyasiləşdirilmiş qərarlar qəbul etmək əvəzinə, gəlib ermənilərin Qarabağ ərazilərində nə etdiklərinə baxardılar. Füzuli rayonunda XIX əsrə aid olan Merdinli kənd məscidi tövləyə çevrilib".

BAKI, 26 noyabr — Sputnik. Mədəniyyət nazirinin birinci müavini, Mədəniyyət nazirinin vəzifələrini icra edən Anar Kərimov ermənilərin işğal zamanı daha bir məscidimizə qarşı etdiyi vandalizm hərəkətləri barədə yazıb. Sputnik Azərbaycan xəbər verir ki, o, bu barədə "Twitter" hesabında paylaşım edib.

"Kaş ki Fransa Senatı birtərəfli və son dərəcə siyasiləşdirilmiş qərarlar qəbul etmək əvəzinə, gəlib ermənilərin Qarabağ ərazilərində nə etdiklərinə baxardılar. Füzuli rayonunda XIX əsrə aid olan Merdinli kənd məscidi tövləyə çevrilib".

Kadrlardan məsciddə karikatura çəkilməsini görmək mümkündür.

0
Teqlər:
video, erməni vandalizmi, tövlə, məscid, Füzuli
Mövzu:
Azərbaycan və Ermənistan arasında müharibə
Millət vəkili Fəzail İbrahimli

"Hansısa kağız parçası ilə Azərbaycana təsir göstərmək olmaz"

12
(Yenilənib 12:34 26.11.2020)
"Onların qəbul etdiyi qətnamə qərəzlidir. Azərbaycanın Fransadakı səfiri geri çağırılmalıdır. Ticari və iqtisadi əlaqələrə yenidən baxılmalıdır. Biz qalib ölkəyik" - Fəzail Ağamalı

BAKI, 26 noyabr — Sputnik. "Həmkarlarım burada beynəlxalq hüquqdan danışırlar. Beynəlxalq hüquq haradadır? Fransa Senatının qəbul etdiyi bu qərar hər hansı zaman kəsiyində baş verən qərar deyil. Bu, türkə qarşı davam edən siyasətin bir zaman daxilində reallaşmasıdır".

Sputnik Azərbaycan xəbər verir ki, bunu Milli Məclisin vitse-spikeri Fəzail İbrahimli parlamentin bu gün keçirilən iclasında deyib.

F.İbrahimli qeyd edib ki, Fransa Senatının üzvləri Əlcəzairdə soyqırımı törədən qatillərin nəvələridirlər:

"Burada insanlıqdan nəsə gözləmək sadəlövhlük olar. Fransanın içi yanır, sürünür. Çünki Türkiyə ilə Rusiya onu Dağlıq Qarabağdan kənarlaşdırdı, münaqişəni özləri həll etdilər. Axı Fransa ermənilərə söz vermişdi, indi də öz sözünü tuta bilmir. Ancaq hansısa kağızla Azərbaycana təsir göstərmək olmaz. Azərbaycan həmişə haqqı-ədaləti tutub. Azərbaycanla danışığın bir forması var və bu, haqq-ədalət, beynəlxalq hüquq müstəvisində olmalıdır".

İclasda deputat Fəzail Ağamalı da çıxış edərək bildirib ki, Fransa Senatının üzvləri beynəlxalq hüquqdan kifayət qədər xəbərdardırlar: "Ona görə də onların qəbul etdiyi qətnamə qərəzlidir. Azərbaycanın Fransadakı səfiri geri çağırılmalıdır. Ticari və iqtisadi əlaqələrə yenidən baxılmalıdır. Biz qalib ölkəyik".

Qeyd edək ki, Fransa Senatı qondarma "Dağlıq Qarabağ Respublikası"nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

12
Mövzu:
Azərbaycan və Ermənistan arasında müharibə