Musiqi incəsənətin birləşməsi: Bakı Caz Festivalı qeyri-adi formatda başladı

31
Bakıda caz musiqisinin ən gözlənilən hadisələrindən biri olan Bakı Caz Festivalı başlayıb. Ətraflı Sputnik Azərbaycan-ın videosunda.

Bu dəfə layihə qeyri-adi formatda açılıb və Azərbaycanın Vətən müharibəsindəki qələbəsinə həsr olunub.

Festivalın açılış günü iki tədbir təqdim olunub – “Improvised by Industry” multimedia sərgisi və Türkiyənin məşhur “Fetiblue band” caz qrupunun konserti.

İncəsənət layihəsi Xətai Sənət Mərkəzinin dəstəyi ilə Birləşmiş Rəssamlar Klubunun (BRK) Müasir İncəsənət Mərkəzi tərəfindən təşkil olunub.

Bu layihə məkan və zamanın vizual refraksiyasına, paradiqmaların və mənaların dəyişməsinə, keçmiş dövrlərə xas olan tipik elementlərinə və strukturlarına həsr olunub.

Sərgidə ziyarətçilərə rəssamlar Hüseyn Haqverdiyevin, Bəhram Xəlilovun, Rüstəm Hüseynovun və Arif Quluzadənin rəsmləri, installyasiyaları, fotoşəkilləri, videoartları və tamaşaları nümayiş olunub.

Layihənin kuratoru Könul Rəfiyeva olub. Ekspozisiyanın qeyri-adi bir yerdə, rəssamların emalatxanasında təqdim edilməsi hər kəs üçün sürpriz oub.

“Layihəmiz multimedialıdır, o təsviri əsərlərin nümayişindən ibarətdir. Bura yaradıcılıqla bağlı olduğu üçün rəssamların emalatxanasını seçdik. İncəsənət əsərlərinin yarandığı yerdə yaradıcılığı təqdim etmək bizim üçün vacib idi. Sərgimizin mahiyyəti ondan ibarətdir ki, istənilən yer yaradıcılıq yeri ola bilər və ilk növbədə buranı yaradıcılıq ruhu ilə dolduran insanlardan asılıdır. Rəssamların emalatxanaları yaradılış ruhunun olduğu yerlərdən biridir. Bu cür sərgi burada ilk dəfə keçirilir”, - deyə Rüstəm Hüseynov bildirib.

Əvvəlcə ziyarətçilərə Rüstəm Hüseynovun konseptual installyasiyası təqdim edilib, sonra hamının gözü qarşısında rəssam Bəhram Xəlilov yeni “Yağış səsi” əsərini yaradıb.

“Mənim işimdə səs böyük əhəmiyyət kəsb edir. Mən yağışın və ya başqa bir səsi əsərlərimdə əks etdirə bilərəm, hətta sizin çıxışınızı belə təsvir edə bilərəm. Səs dəyişiminin əsərə necə təsir etdiyini təqdim edəcəyəm. Bu festivalın caz çərçivəsində baş verməsi simvolikdir, çünki bütün dostlarım caz musiqiçiləridirlər. Mən özüm də ifa edirəm, ancaq bu gün çıxış etməyəcəyəm”, - Bəhram Xəlilov bildirib.

Türkiyənin məşhur caz qrupu “Fetiblue band”-in konserti “Beer Hall and Music Club”da qonaqlara təqdim edilib. Tədbirdə mədəniyyət naziri Anar Kərimov iştirak edib. Musiqiçilər tamaşaçılar üçün müxtəlif caz kompozisiyaları ifa ediblər.

Bakı Caz Festivalı sentyabrın 18-dək davam edəcək. Burada Niderland, Macarıstan, Türkiyə, Rusiya, İsrail, Almaniya, Lüksemburq və Gürcüstandan olan musiqiçilərin və əlbəttə ki, Azərbaycanın əməkdar artistləri Rain Sultanov, İsfar Sarabski, həmçinin Elbəy Məmmədzadə, Elvin Bəşirov, Diana Hacıyeva, Əfqan Rəsul, Nicat Aslanov və başqalarının konsertləri keçiriləcək.

Bundan əlavə, 11 və 12 sentyabr tarixlərində “Art tower”də Ülvi Mehtinin iştirakı ilə “Buena Vista Social Club” və “New York” filmlərinin nümayişləri keçiriləcək. Sentyabrın 17-də isə “Jazz & Art” istiqaməti çərçivəsində dizayner Leyla Əhmədova tərəfindən defile keçiriləcək.

 

31

Rusiyalı adamları Azərbaycana investisiyanı artırmaq niyyətindədir

3
Azərbaycan və Rusiya uzunmüddətli ortaqlıqlar qurmaq niyyətindədir. Bu barədə Rusiyanın Azərbaycandakı ticarət nümayəndəsi Ruslan Mirsayapov Sputnik Azərbaycan-da keçirdiyi mətbuat konfransında bildirib.

Azərbaycanlı istehsalçılar da öz növbəsində Rusiyaya meyvə-tərəvəz, kimyəvi və qida məhsulları ixrac edirlər.

Yeri gəlmişkən, Azərbaycan plastmasının və ondan hazırlanan məhsulların qonşu ölkəyə ixracı ötən ilin eyni dövrü ilə müqayisədə bu il 3,6 dəfə artıb.

Ümumiyyətlə, bu ilin 7 ayında ölkələr arasında ticarət dövriyyəsi 8,2% artaraq əvvəlki iki ilin göstəricilərini üstələyib.

Bundan əlavə, Rusiya şirkətləri Azərbaycanın iğşaldan azad edilmiş bölgələrinin sosial-iqtisadi potensialının bərpasında iştirak etmək niyyətindədir. Bu istiqamətdə maşınqayırma, enerji avadanlığı, tikinti materialları sahələri xüsusi maraq kəsb edir.

Digər vacib əməkdaşlıq sahəsi əczaçılıqdır.

 

3
Teqlər:
Rusiya, iş adamları

Şimal-qərb bölgəsi sel suları altında qalıb, 53 yaşlı kişi daşqının qurbanı olub

220
Güclü yağışlar nəticəsində Balakən və Zaqatala rayonları ərazisindən keçən Katex, Balakən, eləcə də Tala çaylarında suyun səviyyəsi qalxıb, çaylardan qısamüddətli sel keçib.

Ötən gün axşam saatlarından başlayaraq ölkənin şimal-qərb bölgəsində, xüsusən də Balakən və Zaqatalada qeyri-sabit hava şəraiti hökm sürüb. Sputnik Azərbaycan-ın məlumatına görə, gecə saatlarında küləklə müşahidə olunan leysan yağıb.

Bu gün səhər saatlarında Zaqatala rayonun Qəbizdərə kənd sakini 53 yaşlı Abdulbari Abdulxalıqov Katex çayını keçmək istəyərkən suda boğularaq ölüb. Əraziyə FHN-nin helikopteri cəlb edilib.

Zaqatalada Tala çayının daşması səbəbindən çayın sol və sağ sahillərində yerləşən Yolayrıc, Höytala və Vöhtala kəndlərində həyətyanı sahələr sel suları altında qalıb. Sakinlərin təsərrüfatlarına ciddi ziyan dəyib.

17 mindən çox əhalisi olan Yuxarı Tala və Aşağı Tala kəndlərini içməli su ilə təmin edən su xətti də dağılaraq yararsız vəziyyətə düşüb.

Katex çayı da məcrasından çıxıb və sol sahildə yerləşən Mazıx kəndində bir neçə həyatyanı sahəyə sel suları dolub, təsərrüfatlara ziyan dəyib.

Sel suları Balakəndə də fəsadlara yol açıb. Balakən çayının məcrasından çıxması səbəbindən çayın sol sahilində yerləşən Kortala kəndini sel suları basıb. 60-a yaxın həyətyanı sahəyə və təssərrüfata ciddi ziyan dəyib. Evlərin zirzəmilərinə və birinci mərtəbələrinə sel suları dolub.

Hər iki rayonun müvafiq qurumları leysanın yaratdığı fəsadları aradan qaldırmaq istiqamətində işlər aparır.

220
Teqlər:
sel, daşqın
Gürcüstanlı jurnalistlərin Ağdama səfəri

Əcnəbi jurnalist blogerlər Ağdama səfər ediblər

0
(Yenilənib 18:55 23.09.2021)
Bloger: Ağdamın hər yeri yerlə yeksan edilib. Ağdama növbəti dəfə də səfər etmək arzusundayam. Səbirsizliklə bura yenidən gəlib, abidələrin yeni və bərpa edilən formasını görmək istəyirəm.

BAKI, 23 sentyabr — Sputnik. Sentyabrın 23-də Gürcüstandan olan bir qrup jurnalist və bloger işğaldan azad olunmuş Ağdam şəhərinə səfər ediblər. Sputnik Azərbaycan-ın Qarabağ üzrə bölgə müxbirinin verdiyi məlumata görə, onlar ilk olaraq Pənahəli xanın sarayının yerləşdiyi imarət kompleksi ilə tanış olublar.

Daha sonra onlar Ağdam Çörək Muzeyinin, Ağdam Dram Teatrının qalıqlarına baxıb, işğal dönəmində ermənilərin heyvan saxladığı Ağdam Cümə məscidində olublar.

“Ağdamın hər yeri yerlə yeksan edilib. Ağdama növbəti dəfə də səfər etmək arzusundayam. Səbirsizliklə bura yenidən gəlib, abidələrin yeni və bərpa edilən formasını görmək istəyirəm”.
  • Gürcüstanlı jurnalistlərin Ağdama səfəri
    © Sputnik / Emin Babayev
  • Gürcüstanlı jurnalistlərin Ağdama səfəri
    © Sputnik / Emin Babayev
  • Gürcüstanlı jurnalistlərin Ağdama səfəri
    © Sputnik / Emin Babayev
1 / 3
© Sputnik / Emin Babayev
Gürcüstanlı jurnalistlərin Ağdama səfəri

Bu sözləri jurnalistlərə açıqlamasında gürcüstanlı bloger Nina Berdzenava deyib. O, Ağdamı gəlib bu vəziyyətdə görəcəyini təsəvvür etmədiyini bildirib.

"Ağdamda Azərbaycan xalqına məxsus tarixi abidələri dağıtsalar da, kökləri qalıb. Mən əminəm ki, Azərbaycan digər rayonlarda olduğu kimi buradakı abidələri də bərpa edəcək".
© Sputnik / Emin Babayev
Nina Berdzenava

“Azərbaycan iqtisadi, siyasi, hərbi cəhətdən güclü dövlətdir”. 

Bu sözləri Gürcüstanın Strateji və Beynəlxalq Araşdırmalar Fondunun eksperti, professor Zurab Batiaşvili Ağdam səfərinin təəssüratlarını bölüşərkən deyib. O bildirib ki, Ağdama səfəri onu sarsıldıb.

"Biz üç gündür Azərbaycandayıq. Bu günlər ərzində Bakıda, Gəncədə olduq. İndi isə Ağdama gəlmişik. Burda kəndlər, tarixi abidələr xarabalığa çevrilib. Əminəm ki, ən tez zamanda burda hər şey yenidən qurulacaq. Azərbaycan xalqı buna tam gücüylə dəstək verəcək. Azərbaycan iqtisadi, siyasi, hərbi cəhətdən güclü dövlətdir”.
© Sputnik / Emin Babayev
Zurab Batiaşvili

Qeyd edək ki, Ağdama səfər edən Gürcüstanlı qonaqlara ermənilərin işğal müddətində Azərbaycanın mədəni, tarixi və dini abidələrinə qarşı törətdiyi vəhşiliklər barədə ətraflı məlumat verilib.

Həmçinin oxuyun:

Toivo Klaar: Müharibənin acı xatirələri hər zaman qalacaq, lakin biz gələcəyə baxmalıyıq

0
Teqlər:
Gürcüstan