Ən məşhur tankçı generalımız haqda hər şey

29
Lənkəranda bir ev var ki, onun sahibi bütün dünyada məşhurdur. Bu, iki dəfə Sovet İttifaqı Qəhrəmanı, Tank qoşunları Qvardiya general-mayoru Həzi Əhəd oğlu Aslanovun ev muzeyidir. Ətraflı - videomuzda.

Həzi Aslanov Sovet İttifaqı Qəhrəmanı adını iki dəfə alıb. Biri 1942-ci, ikincisi 1944-cü ildə. Belarusiya cəbhəsindəki şücaətinə görə ikinci dəfə Sovet İttifaqı Qəhrəmanı adına təqdim edilsə də, milliyyətcə erməni olan general İ.Baqramyan buna mane olur.

Muzeyin direktoru Şərifova Cəmilə Sputnik Azərbaycan-a müsahibəsində bildirib ki, ölümündən 47 il sonra jurnalist Musa Bağırovun uzun illər araşdırması nəticəsində 1991-ci ildə Qorbaçovun fərmanı ilə təsdiqlənib ki, H.Aslanov həqiqətən də Böyük Vətən Müharibəsi illərində ikinci dəfə Sovet İttifaqı Qəhrəmanı adına layiq görülüb.

Həzi Aslanovun müharibə illərində saysız-hesabsız qəhrəmanlıqları olub. Onun ölümü də erməni generalı Baqramyanın xain planı nəticəsində olub.

“Baqramyanın bilərəkdən verdiyi yanlış atəş nişanına əsasən, H.Aslanov öz xidməti avtomobilində artilleriya atəşinə məruz qalıb. Nəticədə Həzi Aslanov çox da ağır yaralanmayıb. Gürcü həkim Baqaşvilinin danışdığına əsasən, H.Aslanova qan köçürülüb. General vəziyyətdən çıxarılıb və 23 saat sağ qalıb. Hətta xahiş edib ki, həmin həkim onunla bərabər Moskvaya getsin. Həmin vaxt H.Aslanovu Moskvaya aparmaq üçün təyyarə gəlməli imiş. Bir müddətdən sonra gürcü həkim naməlum şəkildə oradan uzaqlaşdırılıb. Bir neçə saatdan sonra isə Həzi Aslanovun dünyasını dəyişdiyi xəbəri yayılıb. Bildiyimiz kimi,  təyyarənin gecikdirilməsi də Baqramyanın işi olub”.

Həzi Aslanov 24 yanvar 1945-ci ildə Pribaltikada dünyasını dəyişib. Onun cənazəsi 31 yanvar tarixində Azərbaycana gətirilib. Əhali ilə 3 gün görüş mərasimi keçirildikdən sonra 3 fevral 1945-ci ildə Dağüstü parkda dəfn olunub.

Həzi Aslanovun ev muzeyində  2016-cı ildə Aprel döyüşləri zamanı şəhid olan tankçılardan birinin forması da qorunur.

“2020-ci ildə burada Müdafiə Nazirliyi tərəfindən keçirilən tədbir zamanı bu forma gizir Paşa Mehdiyev tərəfindən muzeyə hədiyyə olunmuşdu. Çox təəssüf ki, 44 günlük Vətən müharibəsi zamanı formanı bizə təqdim edən Paşa Mehdiyev özü də qəhrəmancasına şəhid olub. Bu il yenidən Müdafiə Nazirliyi tərəfindən muzeyimizdə böyük tədbir keçirildi və Paşa Mehdiyevin şəhid olduğu tankın qalıqları muzeyə hədiyyə olundu.

29

Bu gil mədənlərində lentə alınmış kadrlar "Qırmızı planet"i xatırladır

17
(Yenilənib 16:48 20.09.2021)
Uralın Troitsko-Baynovsk gil mədənlərində qeyri-adi mənzərə lentə alınıb. Kadrlar eynilə fantastik filmlərdəki Mars səhralıqlarını yada salır.Ətraflı videomuzda.

Dronla çəkilən kadrlarda Poldnevsk təpəcikləri, eləcə də qəhvəyi-qırmızı rəngli göl öz əksini tapıb. Hazırda bu turistik zona daha çox "Ural Marsı" adı ilə tanınır.

Turistlər həmin yerə bu adı rənglərin qeyri-adi palitrasına görə veriblər: ərazidə əsasən qara və qum rəngləri hakim olsa da, gölün suyu narıncı-qırmızıya çalır. Mətbuatın yazdığına görə "Mars mənzərələri" Boqdanoviç şəhəri yaxınlığındakı 70 kvadratmetr ərazini əhatə edir.

Ərazidə nəzərə çarpan qeyri-adi rəng palitrasına səbəb burada çıxarılan gildir. Hələ XIX əsrdən başlayaraq bu ərazidə gil mədənləri fəaliyyət göstərib. Hazırda bu mədənlər Rusiyada sözügedən tikinti materialının ən böyük mənbəyi hesab olunur.

17

Damcılı bulağı - qeyri-adi təbiət möcüzəsi

32
(Yenilənib 13:51 20.09.2021)
Burada mənbəyi bilinməyən su şırnağı min illərdir dağlardan süzülərək mağaranın içərisinə damcılayır. Ətraflı videomuzda.

Qazaxın ən görməli yerlərindən biri də Damacılı bulağıdır. Bulaq rayonun Daş Salahlı kəndi yaxınlığında, Avey dağının ətəyində yerləşir. Mənbəyi bilinməyən su şırnağı min illərdir dağlardan süzülərək mağaranın içərisinə damcılayır və burada qeyri-adi bir təbiət möcüzəsi yaradır.

Rayon mərkəzindən 12 kilometr məsafədə olan bu məkan Qazaxa gələn turistlərin ən çox səfər etdiyi yerlərdən biridir. Yayın son günləri olmasına baxmayaraq damcılıya insan axını yenə davam edir. Rayon sakini Cəvahir Rəfiyeva Damcılının, başqa rayonlardan gələn qonaqları gəzdirəcək yerlərin önündə gəldiyini deyir:

“Damcılı bulağı buranın sakinləri üçün ən mühüm yerlərdən biridir. Suyundan istifadə edirik, gözəl sərin bulaqdır. Qohumlar gəlir, gəzmək istəyirlər. Biz də ən maraqlı, görməli yer olaraq buraya gətiririk. Qazaxın ən mühüm yerlərindən biri Damcılıdır”, -deyə bildirir.

Qazax sakinləri buraya eyni zamanda təmiz su aparmaq üçün üz tuturlar. Rayon sakini Rza Mancanov hər gün buradan su apardığını söyləyir:

“Damcılı bulağı məşhur bulaqdı. Bura gəlib gedirik, suyundan istifadə edirik. Gözəl havası, dərman əhəmiyyətli bitkisi var. Bu gün mən evimizə su aparmaq üçün gəlmişəm. Damcılı bulağının gözəl çayı olur. İlin bütün fəsillərində bura gözəl olur”

Ən çox yay aylarında insan axını olan Damcılıya pandemiya dövrü olduğundan turistlər müəyyən qaydalar əsasında buraxılır. Buna baxmayaraq isti yay günlərində mağara kompleksinə çox sayda  yerli və xarici turist gəlir.

Bu haqda “Avey” Dövlət Qoruğunun Damcılı filialının müdiri Qafar Cəfərov danışır. O ərazidə hər şeyin pandemiya qaydalarına uyğun tənzimləndiyini söyləyir:

“Pandemiya ilə əlaqədar burada yeyib-içməyə icazə yoxdur. Qoruğun qaydalarına uyğun olaraq gəlirlər, dincəlirlər, suyundan içirlər. Şəkil çəkdirirlər gedirlər”, - deyə bildirib.

Qeyd edək ki, Damcılı mağarası “Avey” Dövlət-Tarix Mədəniyyət Qoruğunun ərazisinə daxildir. Qoruğun 3 filialından biri olan Damcılı filialı 800 hektar sahəni əhatə edir. Bura müxtəlif tarixi dövrlərə aid maddi-mədəniyyət, arxeologiya və memarlıq abidələri ilə zəngindir.

Bəhs edilən ərazidə 8 məbəd, 2 qədim yaşayış yeri, ilk orta əsrlərə aid qəbiristanlıq, müdafiə divarları və bürcləri olan 2 qala qalığı, 30-a qədər mağara qeydə alınıb. Ərazidə qədim yaşayış məskəni olaraq daim tədqiqatlar aparılıb. Bu tədqiqatlar bu günlərdə də davam edir.

Son arxeloji qazantılar zamanı Damcılı mağarasının yaşının iki yüz min il olduğu müəyyənləşib. Bunu isə təkcə bizim alimlər deyil, ərazidə arxeoloji qazıntı işlərinə cəlb olunan xarici arxeoloqlar da deyib.

 

 

32
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

0
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

0
Teqlər:
futbol, Türkiyə, milli