Azərbaycanda Aşura: ölkə daxilində yüzlərlə donor olmaq istəyən qan verir

25
Bu gün ölkə daxilində ənənəvi olaraq Məhərrəm ayının onuncu günü - Aşura günündə möminlər qana ehtiyacı olan xəstələrə kömək etmək üçün qan verirlər. Sputnik Azərbaycan-ın çəkiliş qrupu Mərkəzi Qan Bankına baş çəkib.

Koronavirus pandemiyası səbəbindən donor aksiyaları məscidlərdə keçirilmir. Mərkəzi Qan Bankının Bakıdakı şöbələrində və bölgələrdəki 9 ünvanda qan verilə bilər.

Donor olmaq istəyənlər karantin rejimi qaydalarına əməl edir, tibbi maskalardan istifadə edib sosial məsafəni qoruyurlar.

İslam şəhidlərinin xatirəsinə ehtiram göstərənlər donor ola və qana ehtiyacı olan insanların həyatını xilas edə bilərlər.

Donor qanı hemofiliya, talassemiya və bir çox digər xəstəliklərin müalicəsində istifadə olunacaq.

Bu il Məhərrəm ayı avqustun 10-da başlayıb. Aşura günü isə 19 avqust tarixinə təsadüf edib.

Tarix boyu Məhərrəm ayı sülh və əmin-amanlıq ayı hesab olunub, lakin hicrətin 61-ci ili (Qriqori təqvimi ilə 10 oktyabr 680-ci il) bu ayın onuncu gününə, yəni Aşura gününə islamı müdafiə etmək üçün ayağa qalxan insanların qəddar qətli ilə kölgə salıb. O zamanlar Əməvilər xəlifəsi Yezidin əmri ilə Kərbəla səhralarında İmam Hüseyn, oğlu İmam Əli və Məhəmməd peyğəmbərin nəvəsi, eləcə də onların ardıcılları və tərəfdarları öldürülüb. Bu günün xatirəsinə hörmət olaraq möminlər yas tədbirləri keçirir və həmçinin qan verirlər.

 

25

“Sarsılmaz qardaşlıq-2021” birgə döyüş atışlı taktiki təlimi davam edir

2006
Qoşunlar arasında qarşılıqlı fəaliyyətin uzlaşmasına nail olmaq üçün idarəetmə məntəqələrində qərargahlar tərəfindən verilən tapşırıqlar xəritə üzərində icra olunur.

BAKI, 25 sentyabr - Sputnik. Naxçıvanda “Sarsılmaz qardaşlıq-2021” Azərbaycan-Türkiyə birgə döyüş atışlı taktiki təlimi davam edir. Bu barədə NUHÇIXAN İnformasiya Agentliyi xəbər verir.

Təlimin ssenarisinə əsasən hərbi qərar qəbuletmə prosesinə uyğun əməliyyatların birgə planlaşdırılması üzrə tədbirlər həyata keçirilir.

Qoşunlar arasında qarşılıqlı fəaliyyətin uzlaşmasına nail olmaq üçün idarəetmə məntəqələrində qərargahlar tərəfindən verilən tapşırıqlar xəritə üzərində icra olunur.

Qərargahlarla ərazinin müxtəlif istiqamətlərində döyüş tapşırıqları dəqiqləşdirilərək birləşmə və hissələr arasında maket üzərində qarşılıqlı əlaqə təşkil edilir.

Həmçinin oxuyun:

"Üç qardaş - 2021" beynəlxalq təlimi: "Qarşıya qoyulan məqsədlərə nail olduq"

2006
Teqlər:
Naxçıvan

Fransalı kəndirbaz Sena üzərində 600 metr məsafə qət etdi

7
Fransalı ekstrim həvəskarı Natan Polin Sena çayı üzərində, Eyfel  qülləsi ilə Şayo Milli Teatrı arasında çəkilmiş kanatın üstü ilə 600 metrilk “gəzinti” gerçəkləşdirib.

Bir neçə dəfə dünya rekorduna imza atmış Natan Polin ilk dəfə deyil ki, Sena çayını kanat üzərindən adlayır.

Parisin onlarla sakini onun bu “tamaşa”sını böyük maraqla izləyib. Kanat yerdən 70 metr hündürlükdə bərkidilib, “gəzinti” isə təxminən yarım saat çəkib. Polin bunu Avropa İrsi Gününə həsr edib.

Плашка: Kəndirbaz kanat üzərində 600 metr məsafə qət etdi

7
Teqlər:
Paris

Ceyhun Bayramov Beynəlxalq Qırmızı Xaç Komitəsinin prezidenti ilə görüşüb

0
(Yenilənib 22:27 25.09.2021)
BQXK-nin prezidenti humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

BAKI, 25 sentyabr - Sputnik. Sentyabrın 24-də xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində Beynəlxalq Qırmızı Xaç Komitəsinin prezidenti Peter Maurer ilə görüşüb.

Görüşdə Azərbaycan ilə BQXK arasındakı münasibətlərin hazırkı vəziyyəti və perspektivləri barədə fikir mübadiləsi aparıldı və tərəflər arasındakı uğurlu əməkdaşlığın gələcəkdə daha da inkişaf edəcəyinə ümid ifadə edilib. 

Ceyhun Bayramov münaqişə sonrası regionda mövcud olan vəziyyət, xüsusilə də mina təhlükəsi və onun doğurduğu fəsadlar, azad edilmiş ərazilərdə həyata keçirilən bərpa, yenidənqurma işləri barədə qarşı tərəfə ətraflı məlumat verib. Nazir münaqişə kontekstində BQXK-nın fəaliyyətinin Azərbaycan tərəfindən müsbət qiymətləndirildiyini həmsöhbətinin diqqətinə çatdırıb.

Öz növbəsində BQXK-nin prezidenti Piter Maurer verilmiş məlumatlara görə təşəkkürünü bildirərək, təmsil etdiyi qurum tərəfindən bu istiqamətdə aparılan işlər barəsində məlumat verib. O, humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

Görüş zamanı, həmçinin ümumi humanitar məqsədli fəaliyyət barədə fikir mübadiləsi aparılıb.

Həmçinin oxuyun:

Ceyhun Bayramov Amerika Yəhudi Komitəsinin nümayəndələri ilə görüşüb

Ceyhun Bayramov Ermənistan XİN rəhbəri ilə görüşüb

0
Teqlər:
Ceyhun Bayramov, BQXK