İngilis buldoqu skeytbord üzərində məharətini göstərir

21
(Yenilənib 18:32 21.07.2021)
Bullet adlı ingilis buldoqu skeytbord üzərində gəzməyi öyrənəndən sonra bu əyləncədən vaz keçmək istəmir. Ətraflı - videomuzda.

İtin sahibi Sergey Şukşuyevin sözlərinə görə, Bullet elə birinci dəfədən skeytbordla gəzməyi çox xoşlayıb və indi ondan əl çəkmək istəmir.

“Fikirləşdik ki, skeyt alıb onun üstündə gəzməyi sınaqdan keçirək. Dedik, iti də mindirək, bəlkə, xoşuna gəldi. Russkiy adasına gələndə skeyti maşından çıxartmağa belə macal vermir, səbirsizliklə hoppanıb-düşməyə başlayır”, – Şukşuyev deyir.

Bu dördayaqlı entuziastın sahibi altı yaşlı ev heyvanının sağlamlığının və təhlükəsizliyinin də qayğısına qalır: məşqlərin sayını çoxaltmamağa, itin yalnız günün sərin saatlarında skeytdə gəzməsinə şərait yaratmağa çalışır. Hər belə məşqdən sonra isə Bulletin suda çimib sərinləməsinə imkan verir.

“Bulletin artıq 6 yaşı var, bu, itlər üçün yuxarı yaş hesab olunur, xüsusilə də ingilis buldoqları üçün. Onu qorumağa çalışırıq. Çox sürməsinə imkan vermirik. Bax, indi çox yorulub, hava da yaman istidir, lap bürküdür”, – deyə Sergey fikirlərini bizimlə bölüşür.

Bu quyruqlu idmançının sahibi onu da bildirir ki, məqsədləri heç də Bulletin skeytbord sürmək üzrə rekord qazanması deyil. Bunu yalnız itin xoşuna gəldiyi üçün edirlər və Bulletin adamların az olduğu yerdə skeyt sürməsinə çalışırlar.

“Adamlar görəndə çox təəccüblənirlər. Ancaq çalışırıq ki, insanların gur olduğu yerdə sürməsin. Çünki dərhal böyüklər, balacalar ətrafımıza toplanmağa başlayır. İt kimisə vurub əzə bilər. Bir də axşam saatlarında gəzməyə çalışırıq ki, hava sərin olsun”, – deyə skeyt sürən buldoqun sahibi bildirir.

21

Gün işığında: Qazaxıstanda qar bəbirləri gizli kameranın obyektivinə düşüb

12
(Yenilənib 13:37 23.07.2021)
Qazaxtsanın Almatı vilayətindəki “Altın Emel” Milli Təbiət Parkında  “Qırmızı kitab”a düşmüş qar bəbirləri gizli kameranın obyektivinə tuş gəlib. Ətraflı videomuzda.

Videokadrlarda iki bəbir balasının bir-biri ilə oynadıqları, ana bəbirin isə onların ətrafında gəzişdiyi öz əksini tapıb. Bu ölkənin Ekologiya, Geologiya və Təbii Resurslar Nazirliyinin rəsmi “Telegram” kanalının məlumatına əsasən, hazırda “Altın Emel” parkının ərazisində qar bəbirlərinin qorunmasına yönəlmiş xüsusi layihə həyata keçirilir. Bu təşəbbüs çərçivəsində mütəxəssislər əraziyə bir neçə gizli kamera yerləşdiriblər ki, nəticədə də sözügedən yırtıcıların maraqlı kadrlarını lentə almaq mümkün olub.

Nazirlikdən o da bildirilib ki, 2017-ci ildən etibarən milli parkda Sibir dağkeçisinin ovlanması qadağan olunub. Qeyd  edək ki, qar bəbirləri, əsasən, Sibir dağkeçiləri ilə qidalandıqlarından, bu addım dağlarda sözügedən yırtıcıların sayının artmasına gətirib çıxarıb.

12

Yük maşını ikiotaqlı evə çevrildi: Təkərlər üzərində mini-otel yaratdılar

19
(Yenilənib 13:30 23.07.2021)
Latviyada köhnə, sovetin vaxtından qalmış "QAZ-63" yük maşınını təkər üzərində mini-otelə çevirərək ona ikinci həyat veriblər. Otelin necə göründüyünü videoda izləyin.

Təbiət qoynunda, ağacların kölgəsində rahat, təkərli otel. Bu, latviyalı Karlis Dandzberqs və Andris Kariçkinsin əl işidir. Avtomobili ikiotaqlı rahat evə çevirən entuziastlar onu Macəra Parkının alma bağına yerləşdiriblər.

Yük maşınına mühərrik quraşdırdılar. Avtomobil quru otaqda saxlanıldığından və çöldə yaxşı qorunub saxlanıldığından avtomobil yaxşı vəziyyətdə idi.

Dizaynerlər maşına  elektrik enerjisi quraşdırdılar, salonu istiliklə təchiz etdilər və ora yaşamaq üçün lazım olan mebelləri yerləşdirdilər.

 

19

Putin Rusiya HDD-nin ən yeni silahlarından söz açıb

4
(Yenilənib 18:40 25.07.2021)
RF lideri bildirib ki, Rusiyanın hərbi-dəniz mövcudiyyəti praktiki olaraq Dünya okeanının bütün rayonlarında təmin edilib.

BAKI, 25 iyul - Sputnik. Rusiya Hərbi-Dəniz Donanmasında ölkənin zəmanətli müdafiəsi üçün lazımi hər şey var, RF istənilən düşməni tapıb ona zərbə vurmaq qabiliyyətinə malikdir. Bu sölərin müəllifi Rusiya prezidenti Vladimir Putindir.

İyulun 25-də Putin Sankt-Peterburqda Rusiya donanmasının yaradılmasının 325 illiyi şərəfinə Hərbi-dəniz paradında iştirak edib.

"Bu gün Rusiya Hərbi-Dəniz Donanmasında ölkənin, milli maraqlarımızın zəmanətli müdafiəsi üçün lazımi hər şey var. Biz istənilən sualtı, suüstü, hava düşmənini taparaq ona lazım gələrsə, sarsıdıcı zərbə endirmək qabiliyyətindəyik", - o bildirib.

Rusiya daima və uğurlu şəkildə yeni silah növlərini təkmilləşdirir, Putin əlavə edib.

"Rusiya qısa müddətdə aparıcı dəniz dövlətləri sırasında öz layiqli yerini tutdu, bu sahədə böyük inkişaf yolunu keçdi. İndiyədək dünyada analoqları olmayan ən yeni hipersəs yüksək dəqiqlikli silah sistemlərimiz daima və uğurla təkmilləşdirilir", - prezident deyib.

Onun sözlərinə görə, Rusiyanın hərbi-dəniz mövcudiyyəti praktiki olaraq Dünya okeanının bütün rayonlarında təmin edilib.

O əlavə edib ki, donanmada xidmət heç vaxt asan olmasa da, həmişə ən şərəfli və tələb olunan peşələrdən olub.

Həmçinin oxuyun:

Rusiya aviasiya sahəsində maraqlı olan bütün ölkələrlə əməkdaşlığa hazırdır - Putin

Şimal Donanması NATO Hərbi Dəniz Qüvvələrinə nə ilə cavab verəcək

4