Bu gözəlliyi seyr etmək artıq arzu olmayacaq

41
(Yenilənib 14:46 15.07.2021)
Gədəbəyə gedilməsi mümkün olmayan tarixi abidələri ziyarət üçün mediatur təşkil edilib. Ətraflı Sputnik Azərbaycan-ın videosunda.

Uzun müddət yol problemi səbəbindən gedilməsi mümkün olmayan tarixi abidələri ziyarət üçün mediatur təşkil edilib. Rayon mərkəzindən start götürən mediatur yolsuzluq avtomobillərinin iştirakı ilə baş tutub. İlk olaraq iştirakçılar IV əsrə aid olduğu ehtimal edilən Mahrasa məbədini ziyarət ediblər. Kompleks şəklində ətrafı qoruyucu hasarla inşa edilmiş qədim yurd Şəmkir çayı sahilində yerləşir. Qədim şəhər xarabalıqlarında daha salamat qalmış məbəd bu gün də öz möhtəşəmliyini qoruyur. Abidənin adına əsaslanaraq, demək olar ki, Mahrasa məbədi yarandığı dövrdə göy cisimlərinə etiqad edilən müqəddəs yer kimi tanınıb. Tarixi mənbələrə görə hətta IV əsrin əvvəllərində Albaniyada xristianlığın yayılmasına baxmayaraq, Mahrasa atəşpərəstliyin möhtəşəm məbədlərindən biri kimi fəaliyyət göstərib.

Mahrasa abidəsini ziyarətin ardından iştirakçılar yeni salınmış 16 km-lik yolun sonunda Qız qalasına yaxınlaşıblar. Qalaya qədər olan məsafə isə kiçik dağ cığırları ilə piyada gedilib. Tikinti-memarlıq xüsusiyyətlərinə görə bəzi tarixçilər Qız qalasını XII əsr Eldənizlər dövrünə aid edirlər. Bir sıra tarixçilər isə qalanın daha qədim- VIII- IX əsrlərdə tikildiyini iddia edirlər.

Qız qalasının Gədəbəy ərazisində olan digər abidələrdən fərqi onun bişmiş qırmızı kərpicdən tikilməsidir.

Əraziyə yeni salınmış yol gələcəkdə bu məkana turistlərin axınını vəd edir. Çünki indiyədək Qız qalasına ziyarət bir çox turistlər üçün yalnız arzu olaraq qalıb. Eyni zamanda bu yolun çəkilməsi gələcəkdə qalada restavrasiya işlərinin görülməsinə ümid yaradır.

 

41

Gün işığında: Qazaxıstanda qar bəbirləri gizli kameranın obyektivinə düşüb

12
(Yenilənib 13:37 23.07.2021)
Qazaxtsanın Almatı vilayətindəki “Altın Emel” Milli Təbiət Parkında  “Qırmızı kitab”a düşmüş qar bəbirləri gizli kameranın obyektivinə tuş gəlib. Ətraflı videomuzda.

Videokadrlarda iki bəbir balasının bir-biri ilə oynadıqları, ana bəbirin isə onların ətrafında gəzişdiyi öz əksini tapıb. Bu ölkənin Ekologiya, Geologiya və Təbii Resurslar Nazirliyinin rəsmi “Telegram” kanalının məlumatına əsasən, hazırda “Altın Emel” parkının ərazisində qar bəbirlərinin qorunmasına yönəlmiş xüsusi layihə həyata keçirilir. Bu təşəbbüs çərçivəsində mütəxəssislər əraziyə bir neçə gizli kamera yerləşdiriblər ki, nəticədə də sözügedən yırtıcıların maraqlı kadrlarını lentə almaq mümkün olub.

Nazirlikdən o da bildirilib ki, 2017-ci ildən etibarən milli parkda Sibir dağkeçisinin ovlanması qadağan olunub. Qeyd  edək ki, qar bəbirləri, əsasən, Sibir dağkeçiləri ilə qidalandıqlarından, bu addım dağlarda sözügedən yırtıcıların sayının artmasına gətirib çıxarıb.

12

Yük maşını ikiotaqlı evə çevrildi: Təkərlər üzərində mini-otel yaratdılar

19
(Yenilənib 13:30 23.07.2021)
Latviyada köhnə, sovetin vaxtından qalmış "QAZ-63" yük maşınını təkər üzərində mini-otelə çevirərək ona ikinci həyat veriblər. Otelin necə göründüyünü videoda izləyin.

Təbiət qoynunda, ağacların kölgəsində rahat, təkərli otel. Bu, latviyalı Karlis Dandzberqs və Andris Kariçkinsin əl işidir. Avtomobili ikiotaqlı rahat evə çevirən entuziastlar onu Macəra Parkının alma bağına yerləşdiriblər.

Yük maşınına mühərrik quraşdırdılar. Avtomobil quru otaqda saxlanıldığından və çöldə yaxşı qorunub saxlanıldığından avtomobil yaxşı vəziyyətdə idi.

Dizaynerlər maşına  elektrik enerjisi quraşdırdılar, salonu istiliklə təchiz etdilər və ora yaşamaq üçün lazım olan mebelləri yerləşdirdilər.

 

19

Putin Rusiya HDD-nin ən yeni silahlarından söz açıb

4
(Yenilənib 18:40 25.07.2021)
RF lideri bildirib ki, Rusiyanın hərbi-dəniz mövcudiyyəti praktiki olaraq Dünya okeanının bütün rayonlarında təmin edilib.

BAKI, 25 iyul - Sputnik. Rusiya Hərbi-Dəniz Donanmasında ölkənin zəmanətli müdafiəsi üçün lazımi hər şey var, RF istənilən düşməni tapıb ona zərbə vurmaq qabiliyyətinə malikdir. Bu sölərin müəllifi Rusiya prezidenti Vladimir Putindir.

İyulun 25-də Putin Sankt-Peterburqda Rusiya donanmasının yaradılmasının 325 illiyi şərəfinə Hərbi-dəniz paradında iştirak edib.

"Bu gün Rusiya Hərbi-Dəniz Donanmasında ölkənin, milli maraqlarımızın zəmanətli müdafiəsi üçün lazımi hər şey var. Biz istənilən sualtı, suüstü, hava düşmənini taparaq ona lazım gələrsə, sarsıdıcı zərbə endirmək qabiliyyətindəyik", - o bildirib.

Rusiya daima və uğurlu şəkildə yeni silah növlərini təkmilləşdirir, Putin əlavə edib.

"Rusiya qısa müddətdə aparıcı dəniz dövlətləri sırasında öz layiqli yerini tutdu, bu sahədə böyük inkişaf yolunu keçdi. İndiyədək dünyada analoqları olmayan ən yeni hipersəs yüksək dəqiqlikli silah sistemlərimiz daima və uğurla təkmilləşdirilir", - prezident deyib.

Onun sözlərinə görə, Rusiyanın hərbi-dəniz mövcudiyyəti praktiki olaraq Dünya okeanının bütün rayonlarında təmin edilib.

O əlavə edib ki, donanmada xidmət heç vaxt asan olmasa da, həmişə ən şərəfli və tələb olunan peşələrdən olub.

Həmçinin oxuyun:

Rusiya aviasiya sahəsində maraqlı olan bütün ölkələrlə əməkdaşlığa hazırdır - Putin

Şimal Donanması NATO Hərbi Dəniz Qüvvələrinə nə ilə cavab verəcək

4