Həmin o “Moskviç”lər: sovet avtomobillərinin “qəbiristanlığı” necə görünür

5336
(Yenilənib 17:17 11.07.2021)
Tuladan olan keçmiş avtomobil yarışçısı və mexanik açıq səma altında sovet maşınlarından ibarət muzey açıb. Bu qeyri-adi məkanın necə göründüyünü videomuzdan izləyin.

Tula sakini Mixail Krasinets avtomobillərdən bəzilərini fəaliyyətini dayandırmış zavodlardan götürüb, bəzilərini isə Tula vilayətinin müxtəlif şəhərlərindən axtarıb tapıb. Hətta valyuta müqabilində ayrı-ayrı şəxslərdən də maşın satın alıb. Beləliklə, avtomobil həvəskarı hələ 90-cı illərdən başlayaraq bütün ölkədən onlarla sovet maşını toplayaraq onları muzeyin eksponatına çevirib.

Hazırda kolleksiyanın böyük bir hissəsi Krasinetsin bütün ömrü boyu sürdüyü "Moskviç"lərdən ibarətdir. Mixail deyir ki, hazırda bu muzey avtomobil həvəskarları arasında çox məşhurdur.

"Belə hesab edirəm ki, muzey milli sərvətdir və məndən sonra da uzun illər qalmalıdır", – deyə Krasinets bildirib.

Açıq səma altındakı bu muzeydə köhnə “Moskviç”lərdən başqa, bir çox “Volqa”, bir neçə ZİM limuzini, həmçinin “Jiquli”, “RAF”-lar və digər sovet avtomobilləri də var.

 

5336

Gün işığında: Qazaxıstanda qar bəbirləri gizli kameranın obyektivinə düşüb

11
(Yenilənib 13:37 23.07.2021)
Qazaxtsanın Almatı vilayətindəki “Altın Emel” Milli Təbiət Parkında  “Qırmızı kitab”a düşmüş qar bəbirləri gizli kameranın obyektivinə tuş gəlib. Ətraflı videomuzda.

Videokadrlarda iki bəbir balasının bir-biri ilə oynadıqları, ana bəbirin isə onların ətrafında gəzişdiyi öz əksini tapıb. Bu ölkənin Ekologiya, Geologiya və Təbii Resurslar Nazirliyinin rəsmi “Telegram” kanalının məlumatına əsasən, hazırda “Altın Emel” parkının ərazisində qar bəbirlərinin qorunmasına yönəlmiş xüsusi layihə həyata keçirilir. Bu təşəbbüs çərçivəsində mütəxəssislər əraziyə bir neçə gizli kamera yerləşdiriblər ki, nəticədə də sözügedən yırtıcıların maraqlı kadrlarını lentə almaq mümkün olub.

Nazirlikdən o da bildirilib ki, 2017-ci ildən etibarən milli parkda Sibir dağkeçisinin ovlanması qadağan olunub. Qeyd  edək ki, qar bəbirləri, əsasən, Sibir dağkeçiləri ilə qidalandıqlarından, bu addım dağlarda sözügedən yırtıcıların sayının artmasına gətirib çıxarıb.

11

Yük maşını ikiotaqlı evə çevrildi: Təkərlər üzərində mini-otel yaratdılar

19
(Yenilənib 13:30 23.07.2021)
Latviyada köhnə, sovetin vaxtından qalmış "QAZ-63" yük maşınını təkər üzərində mini-otelə çevirərək ona ikinci həyat veriblər. Otelin necə göründüyünü videoda izləyin.

Təbiət qoynunda, ağacların kölgəsində rahat, təkərli otel. Bu, latviyalı Karlis Dandzberqs və Andris Kariçkinsin əl işidir. Avtomobili ikiotaqlı rahat evə çevirən entuziastlar onu Macəra Parkının alma bağına yerləşdiriblər.

Yük maşınına mühərrik quraşdırdılar. Avtomobil quru otaqda saxlanıldığından və çöldə yaxşı qorunub saxlanıldığından avtomobil yaxşı vəziyyətdə idi.

Dizaynerlər maşına  elektrik enerjisi quraşdırdılar, salonu istiliklə təchiz etdilər və ora yaşamaq üçün lazım olan mebelləri yerləşdirdilər.

 

19
 Azərbaycan hərbçisi, arxiv şəkli

Kəlbəcər rayonu istiqamətində mövqelərimiz atəşə tutulub

6936
Azərbaycan Müdafiə Nazirliyi Ermənistan-Azərbaycan sərhədinin Kəlbəcər sahəsində son durm barədə açıqlama yayıb.

BAKI, 25 iyul — Sputnik. İyulun 25-də saat 15:30 radələrində Ermənistan silahlı qüvvələrinin bölmələri Basarkeçər rayonunun Yuxarı Şorca kəndi yaxınlığında yerləşən mövqelərdən Kəlbəcər rayonunun Zəylik kəndi istiqamətindəki Azərbaycan Ordusunun mövqelərini snayper tüfəngi və avtomatlardan fasilələrlə atəşə tutub.

Müdafiə Nazirliyinin mətbuat xidmətindən verilən məlumata görə, Azərbaycan Ordusunun şəxsi heyəti arasında itki yoxdur.

Qarşı tərəf cavab atəşi ilə susdurulub.

İyulun 24-də Azərbaycan-Ermənistan sərhədində baş verənlər

11:07

Hazırda Ermənistan-Azərbaycan sərhədinin Kəlbəcər sahəsində vəziyyət sabitdir. 

Sputnik Azərbaycan bildirir ki, bu barədə Azərbaycan Müdafiə Nazirliyindən verilən məlumatda deyilir.

"Əməliyyat şəraiti Azərbaycan Ordusunun bölmələrinin nəzarəti altındadır", - məlumatda qeyd olunur.

03:23

Ermənistan mətbuatının guya Azərbaycana məxsus PUA-nın Vedi rayonunun Arazdəyən kəndi üzərində vurulması barədə yaydığı xəbər qarşı tərəfin növbəti dezinformasiyasıdır.

Azərbaycan Müdafiə Nazirliyindən verilən məlumata görə, bölmələrimiz tərəfindən havaya heç bir PUA qaldırılmayıb.

İyulun 23-də Azərbaycan-Ermənistan dövlət sərhədində baş verənlər

22:04

Ermənistan-Azərbaycan dövlət sərhədinin Kəlbəcər sahəsində atışma hazırda da davam edir. 

Bu barədə Sputnik Azərbaycan-a Müdafiə Nazirliyindən məlumat verilib.

Azərbaycan Ordusunun bölmələri cavab atəşi ilə qarşı tərəfi susdurur.

Azərbaycanlı hərbçinin şəhid olması

İyulun 23-ü saat 16:00 radələrində Ermənistan silahlı qüvvələrinin bölmələri Basarkeçər rayonu ərazisindəki mövqelərindən Azərbaycan Ordusunun Ermənistan-Azərbaycan dövlət sərhədinin Kəlbəcər rayonu sahəsindəki mövqelərini atəşə tutub.

Qarşı tərəfdən açılan snayper atəşi nəticəsində hərbi qulluqçumuz gizir Yaqublu Fərman Telman oğlu şəhid olub.

Müdafiə Nazirliyinin rəhbərliyi şəhidin yaxınlarına dərin hüznlə başsağlığı verir!

Hazırda qeyd olunan istiqamətdə yerləşən Azərbaycan Ordusunun bölmələri tərəfindən cavab tədbirləri həyata keçirilir.

Ermənistan tərəfi bu kimi təxribat yolu ilə qəsdən iki ölkənin dövlət sərhədində vəziyyəti gərginləşdirmək məqsədi güdür.

Baş vermiş təxribata görə bütün məsuliyyət tam şəkildə Ermənistanın üzərinə düşür.

Xatırladaq ki, gizir Yaqublu Fərman Telman oğlu Prezident İlham əliyevin 29 dekabr 2020-ci il tarixli sərəncamı ilə "Kəlbəcərin azad olunmasına görə" medalı ilə təltif edilmişdi.  

Qeyd edək ki, iyulun 19-u saat 23:40 radələrində Ermənistan silahlı qüvvələrinin bölmələri Vedi rayonunun Arazdəyən kəndi yaxınlığında yerləşən mövqelərindən Naxçıvan Muxtar Respublikası Sədərək rayonunun Heydərabad yaşayış məntəqəsi istiqamətində yerləşən Azərbaycan Ordusunun mövqelərini müxtəlif çaplı silahlardan atəşə tutub.

Nəticədə Azərbaycan Ordusunun hərbi qulluqçusu baş leytenant Bədəlli Ramal Bəhlul oğlu ayağından yaralanıb. Yaralıya ilkin tibbi yardım göstərilib və o, tibb müəssisəsinə təxliyə olunub. Cavab atəşi ilə qarşı tərəf susdurulub.

İyulun 6-da saat 17:50 radələrində isə Rusiya sülhməramlılarının müvəqqəti yerləşdirildiyi Azərbaycan ərazisindəki qanunsuz erməni silahlı dəstələri tərəfindən Azərbaycan Ordusunun Ağdam rayonunun Əliağalı kəndi istiqamətində yerləşən bölmələri atəşə tutulub.

Atəş nəticəsində yol təkmilləşdirmə işlərinə cəlb olunan hərbi qulluqçumuz baş gizir Dadaşov Sakit Əhliman oğlu yaralanıb. Yaralıya ilkin tibbi yardım göstərilib və o, hərbi hospitala təxliyə olunub.

Baş vermiş insidentin araşdırılması üçün Rusiya sülhməramlı qüvvələrinin komandalığına və Türkiyə-Rusiya Birgə Monitorinq Mərkəzinə məlumat verilib.

Həmçinin oxuyun: 

Ermənistan Naxçıvandakı mövqelərimizi atəşə tutub, hərbçimiz yaralanıb - MN

* Kəlbəcər Ermənistan ərazisindən atəşə tutulub, cavab atəşi ilə susdurulub

* Ağdamdakı bölmələrimiz atəşə tutulub, Azərbaycan Ordusunun hərbi qulluqçusu yaralanıb

* Ermənistan Tovuz və Kəlbəcərdəki mövqelərimizi atəşə tutub

6936