Rusiya: Krasnodar vilayətinin Primorsko-Axtarsk rayonunu çəyirtkə bürüyüb

18
(Yenilənib 14:57 04.07.2021)
Rusiyanın Krasnodar vilayətindəki Primorsko-Axtarsk rayonunun Novopokrovski xutoru Asiya çəyirtkələrinin hücumuna məruz qalıb. Ətraflı videomuzda.

Xutor sakini Praskovya İqruşkina sahil bataqlıq zonasına çəyirtkələrin hücumundan danışıb.

“Birinci dəfədir ki, bizdə belə bir şey baş verir. Düzdür, keçən il də olmuşdu, amma limana yaxın ərazilərdə. Deyirdilər ki, bura kimi gəlib çıxacaq. Heç bir tədbir görmədən gözlədilər, axır ki, bu bəla bizə də gəlib çatdı. Əgər belə getsə, qarşısı alınmasa, yəqin ki, bu, bütün Krasnodar vilayətini bürüyəcək”, – deyə Praskovya öz fikirlərini bölüşüb.

Qadın onu da bildirib ki, çəyirtkə artıq onun əkin sahəsini və bostanını məhv eləyib, qarayoncanın, çuğundurun və qarğıdalının axırına çıxıb. “Sahələrdən desant dəstəsi kimi keçib gediblər. Qarayonca sahəsini alt-üst ediblər, bax, bura əkmişdik. Çuğunduru da, qarğıdalını da məhv eləyiblər. Hər yerdə hoppanıb-düşürlər”.

Mayın 21-dən Primorsko-Axtarsk rayonunun sahil bataqlıq zonasında Asiya köçəri çəyirtkə sürfələri çoxalmağa başlayıb. Primorsko-Axtarsk rayon inzibati ərazi vahidinin mətbuat xidmətindən verilən məlumata görə, hazırda 3200 hektar ərazidə kənd təsərrüfatı sahəsi işlənib və bu, çəyirtkələrin sahələri basmasının və çoxalmasının qarşısını alacaq.

Bundan başqa, mətbuat xidmətindən bildirilib ki, zərərvericilərlə mübarizə üzrə məsuliyyət torpaq sahələrinin istifadəçiləri, mülkiyyətçiləri və icarədarının üzərinə düşür və onlarla bu barədə iş aparılır. Su-mühafizə zonasında pestisidlərin və aqrokimyəvi maddələrin istifadəsi qadağandır. Odur ki, çəyirtkələrə qarşı mübarizəyə yalnız bu zərərvericilərin kənd təsərrüfatı bitkilərinin əkildiyi torpaq sahələrinə daxil olmasından sonra icazə verilir.

18

FHN-in qüvvələri yanğınların bəzi istiqamətlərdə genişlənməsinin qarşısını alıb

31
(Yenilənib 20:12 01.08.2021)
Mürəkkəb dağlıq relyef şəraitinə və havanın yüksək temperaturunun hökm sürməsinə baxmayaraq, Nazirliyin qüvvələri yanğınlarla mətinliklə mübarizə aparır.

Azərbaycan Respublikasının Prezidenti İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyə Respublikasında olan Azərbaycan Respublikası Fövqəladə Hallar Nazirliyinin yanğınsöndürmə qüvvələri yanğınların söndürülməsi əməliyyatlarını peşəkarlıqla davam etdirir.

Belə ki, Marmaris bölgəsində yanğınlarla mübarizə aparan yanğınsöndürənlərimizin fədakarlığı sayəsində bəzi istiqamətlərdə yanğınların genişlənməsinin qarşısı alınıb.

Türkiyədə meşə yanğınları

Qeyd edək ki, son 6 gündə Türkiyədə 107 yerdə meşə yanğını qeydə alınıb. Yanğın nəticəsində 7 nəfər dünyasını dəyişib. 

Antalya başda olmaqla Türkiyənin Kayseri, Bodrum, Osmaniyə, Milas, Adana, Kütahya, Mersin, Dıdım, Kuşadası, Kocaeli bölgələrində kütləvi surətdə meşa yanğınları baş verməkdədir. Türkiyə rəsmiləri hadisənini terror aktı olduğunu istisna etmirlər.

Türkiyəyə yardım məqsədi ilə dünyanın bir çox ölkələrindən, o cümlədən Azərbaycandan texnika və canlı qüvvə göndərilib.

Türkiyədə baş vermiş meşə yanğınlarının söndürülməsi prosesində qardaş ölkəyə dəstək məqsədilə göndərilənlər arasında Fövqəladə Hallar Nazirliyinin (FHN) yanğınsöndürmə qüvvələri də var.

Meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyə Respublikasında olan Azərbaycan Respublikası Fövqəladə Hallar Nazirliyinin yanğınsöndürmə qüvvələri yanğınların söndürülməsi əməliyyatlarını fədakarlıqla davam etdirirlər.

 

31

Axtarış-xilasetmə iti “TikTok”da ulduz oldu

14
(Yenilənib 10:47 30.07.2021)
“Tiktok” ulduzu olan “Yay” ləqəbli Krasnodar iti sosial şəbəkə istifadəçilərindən bir milyona yaxın bəyənmə toplayıb.Ətraflı videomuzda.

“Tiktok” ulduzu olan “Yay” ləqəbli Krasnodar iti sosial şəbəkə istifadəçilərindən bir milyona yaxın bəyənmə toplayıb. O, itirilmiş insanları axtarmaq qabiliyyəti ilə məşhurlaşıb. Daha ətraflı Sputnik-in videosunda izləyin.

“Yay” ləqəbli axtarış-xilasetmə itinin sosial şəbəkədəki hesabına artıq bir neçə insanın xilas olunması videosu daxil edilib.

Ölkə dördayaqlı qəhrəmanı “TikTok” sayəsində tanıyıb. Məşq və xilasetmə əməliyyatlarının videolarını sosial şəbəkəyə itin sahibi yerləşdirir. Ev heyvanının sosial şəbəkə hesabı sürətlə populyarlaşıb - bu gün sosial şəbəkənin 50 mindən çox istifadəçisi var.

14
 Eldəniz Səlimov

Bu gün Milli Məclis Eldəniz Səlimovun işinə baxacaq

4
(Yenilənib 10:32 02.08.2021)
Milli Məclis sədri Sahibə Qafarova 53 deputatının tələbi ilə parlamentin növbədənkənar sessiyasının çağırılması haqqında sərəncam imzalayıb.

BAKI, 2 avqust — Sputnik. Milli Məclisin İntizam Komissiyasının bu gün keçiriləcək iclasında deputat Eldəniz Səlimovun toxunulmazlığına xitam verilməsi məsələsinə baxılacaq.

Bu barədə Sputnik Azərbaycan-a Milli Məclisdən məlumat verilib. Məlumata görə, bu barədə Milli Məclisə təqdimat baş prokuror Kamran Əliyev tərəfindən daxil olub.

Rəsmi məlumata əsasən, iyulun 29-da saat 01 radələrində Xaçmaz şəhərində yerləşən "Starıy Dvor" restoranında Milli Məclisin deputatı Eldəniz Səlimov xidməti vəzifəsini yerinə yetirən polis əməkdaşına zor tətbiq edib. Daxili İşlər Nazirliyindən daxil olan material Baş Prokurorluqda araşdırılıb. Toplanan material üzrə Cinayət Məcəlləsinin 309.2-ci (vəzifə səlahiyyətlərini aşma) maddəsi ilə cinayət işi başlanıb və istintaqın aparılması Baş Prokurorluğun İstintaq İdarəsinə tapşırılıb. Milli Məclis sədri Sahibə Qafarova 53 deputatının tələbi ilə parlamentin növbədənkənar sessiyasının çağırılması haqqında sərəncam imzalayıb. Növbədənkənar sessiyanın gündəliyinə Azərbaycan Respublikası Milli Məclisinin deputatı Eldəniz Səlimovun toxunulmazlığına xitam verilməsi haqqında məsələ daxil edilib.

Qeyd edək ki, hazırda iş üzrə intensiv istintaq hərəkətləri aparılır.

Eləcə də oxuyun:

4
Teqlər:
deputat, Milli Məclis, komissiya, iclas, toxunulmazlıq