Laçın rayonunun Şeylanlı kəndi necə görünür

14
Azərbaycan Müdafiə Nazirliyi ölkəmizin daha bir dilbər guşəsinin videosunu paylaşıb. Yaşıllıq içində itib-batan dağ kəndi erməni işğalçılarından sonra indi xarabalığı xatırladır.

BAKI, 28 iyun — Sputnik. Azərbaycan Müdafiə Nazirliyi Laçın rayonunun Şeylanlı kəndindən videogörüntülər paylaşıb. Sputnik Azərbaycan həmin kadrları təqdim edir.

Şeylanlı Laçın rayonu Şeylanlı kənd inzibati ərazi dairəsindədir. Kəndin adı XIX əsrin ortalarında Azərbaycanda yaşayan kürd mənşəli şeylanlı tayfasının adını əks etdirir. Qaraçorlu tayfa ittifaqına daxil olan şeylanlılar hələ XVII əsrin əvvəllərindən İrandan gələrək Azərbaycanda məskunlaşmışlar.

1992-ci ildə Ermənistan silahlı qüvvələri tərəfindən işğal edilən kənd 2020-ci ilin noyabrında imzalanmış üçtərəfli bəyanatın şərtlərinə əsasən Azərbaycan Ordusu tərəfindən işğalçılardan təmizlənib.

Üçtərəfli bəyanat

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

14
Teqlər:
video, Müdafiə Nazirliyi, Qarabağ, kənd, Laçın

Gün işığında: Qazaxıstanda qar bəbirləri gizli kameranın obyektivinə düşüb

9
(Yenilənib 13:37 23.07.2021)
Qazaxtsanın Almatı vilayətindəki “Altın Emel” Milli Təbiət Parkında  “Qırmızı kitab”a düşmüş qar bəbirləri gizli kameranın obyektivinə tuş gəlib. Ətraflı videomuzda.

Videokadrlarda iki bəbir balasının bir-biri ilə oynadıqları, ana bəbirin isə onların ətrafında gəzişdiyi öz əksini tapıb. Bu ölkənin Ekologiya, Geologiya və Təbii Resurslar Nazirliyinin rəsmi “Telegram” kanalının məlumatına əsasən, hazırda “Altın Emel” parkının ərazisində qar bəbirlərinin qorunmasına yönəlmiş xüsusi layihə həyata keçirilir. Bu təşəbbüs çərçivəsində mütəxəssislər əraziyə bir neçə gizli kamera yerləşdiriblər ki, nəticədə də sözügedən yırtıcıların maraqlı kadrlarını lentə almaq mümkün olub.

Nazirlikdən o da bildirilib ki, 2017-ci ildən etibarən milli parkda Sibir dağkeçisinin ovlanması qadağan olunub. Qeyd  edək ki, qar bəbirləri, əsasən, Sibir dağkeçiləri ilə qidalandıqlarından, bu addım dağlarda sözügedən yırtıcıların sayının artmasına gətirib çıxarıb.

9

Yük maşını ikiotaqlı evə çevrildi: Təkərlər üzərində mini-otel yaratdılar

19
(Yenilənib 13:30 23.07.2021)
Latviyada köhnə, sovetin vaxtından qalmış "QAZ-63" yük maşınını təkər üzərində mini-otelə çevirərək ona ikinci həyat veriblər. Otelin necə göründüyünü videoda izləyin.

Təbiət qoynunda, ağacların kölgəsində rahat, təkərli otel. Bu, latviyalı Karlis Dandzberqs və Andris Kariçkinsin əl işidir. Avtomobili ikiotaqlı rahat evə çevirən entuziastlar onu Macəra Parkının alma bağına yerləşdiriblər.

Yük maşınına mühərrik quraşdırdılar. Avtomobil quru otaqda saxlanıldığından və çöldə yaxşı qorunub saxlanıldığından avtomobil yaxşı vəziyyətdə idi.

Dizaynerlər maşına  elektrik enerjisi quraşdırdılar, salonu istiliklə təchiz etdilər və ora yaşamaq üçün lazım olan mebelləri yerləşdirdilər.

 

19

Bir il gecikən açılış, prezidentin qətli, milyarderin göyə uçusu