Möhtəşəm başlanğıc: fitnes-klublar açılışa hazırlaşır

24
(Yenilənib 17:12 09.06.2021)
Azərbaycanda idman zalları iyunun 10-dan açılacaq. Fitnes-klubların rəsmi açılışa necə hazırlaşdığı barədə - Sputnik Azərbaycan-ın videosunda.

 

Azərbaycanda xüsusi karantin rejimi 2021-ci il 1 avqust saat 06:00-dək uzadılıb. Eyni zamanda, respublikada bəzi karantin qaydaları yumşaldılıb. Xüsusilə, Bakı Metropoliteni 31 may tarixindən fəaliyyətini davam etdirməyə başlayıb, açıq havada tibbi maskalardan məcburi istifadə olunması tələbi ləğv edilib, şəhərlər və bölgələr arasında sərnişindaşıma bərpa edilib. 10 iyundan etibarən isə məscidlər, böyük ticarət mərkəzləri və çimərliklər ziyarət üçün açılacaq. Dəyişikliklərdən birinə görə, sabahdan idman zallarını ziyarət etməyə icazə veriləcək. Ancaq bu vəziyyətdə COVID-19 pasportları əldə etmək lazım olacaq. Sputnik Azərbaycan paytaxtın fitnes-klublarından birində məşqlərin necə getdiyini müşahidə edib. Burada bütün otaqların və idman ləvazimatlarının ümumi təmizlənməsi və dezinfeksiyası dezinfeksiyaedici vasitələrdən istifadə edilərək həyata keçirilib.

Pauerliftinq üzrə Avropa çempionu, "VITR Fitness" fitnes mərkəzinin sahibi Vüqar Namazov mərkəzlərindəki dezinfeksiyanın pandemiya başlamazdan əvvəl də davamlı olaraq həyata keçirildiyini bildirib. "Əlbəttə ki, ziyarətçilərin sayı azalacaq, çünki hamı peyvənd olunmayıb. Lakin zalların işə başlayacağı və gündə ən azı on nəfər qəbul edəcəyimiz onsuz da yaxşı xəbərdir".

Ən əsası odur ki, Azərbaycan bir növ normal həyata qayıdır.

 

24

Əlvida uşaqlıq! Azərbaycanlı məzunlar məktəblərlə vidalaşır

19
(Yenilənib 17:39 14.06.2021)
Azərbaycanın orta məktəblərində "Son zəng" çalındı. Karantin sonrası Bakı məktəblərində son zəng necə keçirildi? Ətraflı videomuzda

 

İyunun 14-də Azərbaycan məktəblərində məzunlar üçün son zəng çalındı. Ölkədə karantin rejimi yumşaldılandan sonra müəyyən məhdudiyyətlərlə son zəng baş tutub

"Son zəng" ümumtəhsil müəssisələrinin həyətində, açıq hava şəraitində, bir saatdan çox olmamaq və sosial məsafəni qorumaq şərtilə həyata keçirilib. Tədbirlərə yalnız 11-ci sinif məzunları, məktəb rəhbərliyi və məhdud sayda müəllim qatılıb. Valideynlər tədbirə buraxılmayıb.Sputnik Azərbaycan-nın çəkiliş qrupu paytaxtdakı məktəblərdən birini ziyarət edib

Bu il ölkədə ümumilikdə 85 min məzun var. Ötən tədris ilində Azərbaycanda orta məktəbləri 84,6 min şagird bitirib. Ölkəmizdə axırıncı dəfə "Son zəng" 2018-2019 tədris ilində baş tutub. 2020-ci ildə "Son Zəng" kampaniyası onlayn həyata keçirilmişdi

 

19

Əhaliyə şad xəbər: Çimərlik mövsümünə hazırlaşa bilərsiniz

16
(Yenilənib 17:41 14.06.2021)
Bugündən karantin rejiminin tələblərinə uyğun müəyyən edilən qaydalar çərçivəsində çimərliklərin istifadəsinə icazə verilib. Ətraflı Sputnik Azərbaycan-ın videosunda

Karantin şəraiti nəzərə alınaraq çimərliklərdə maarifləndirici lövhələr quraşdırılıb, işçi personal və könüllülər təlimatlandırılıb. Çimərliklərdə işarələnmə, nişanlanma, lentlərlə məhdudlaşdırma aparılıb. İşçi personal tərəfindən sosial məsafə saxlanılması, dezinfeksiyaedici vasitələrdən istifadə edilməsi, təmizliyə riayət edilməsi ilə bağlı vətəndaşlara səsgücləndiricilər vasitəsilə mütəmadi xəbərdarlıq edilir.

Bakı Şəhər və Rayon İcra Hakimiyyətlərinin struktur qurumlarının nümayəndələrindən təşkil edilən qruplar tərəfindən paytaxt rayonlarındakı bütün ictimai və özəl çimərliklərə, istirahət mərkəzlərinə baxış keçirilib, çimərliklərə şəhər və rayon icra qurumlarının nümayəndələrindən məsul şəxslər təhkim edilib. Hər bir çimərlik operatoru tərəfindən də cavabdeh ayrılıb.

Karantin şəraiti nəzərə alınaraq çimərliklərdə maarifləndirici lövhələr quraşdırılıb, işçi personal və könüllülər təlimatlandırılıb. Çimərliklərdə işarələnmə, nişanlanma, lentlərlə məhdudlaşdırma aparılıb.

16
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

0
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

0