Cənubi Qafqazda bir ilk Azərbaycanda gerçəkləşir - VİDEO

72
(Yenilənib 15:35 13.04.2021)
Azərbaycan paytaxtını turistlər üçün maraqlı olan bölgələrlə birləşdirən yolda yeraltı tunel və ən uzun asma körpü tikilir. İşlərin gedişatını Sputnik Azərbaycan-ın videosunda izləyin.

Əhalinin rahat gediş-gəlişində xüsusi əhəmiyyətə malik Bakı-Şamaxı-Muğanlı-İsmayıllı-Qəbələ avtomobil yolunun Muğanlı-İsmayıllı-Qəbələ hissəsinin yenidən qurulması istiqamətində işlər davam edir. Ölkəmizdə ilk dəfə olaraq məhz bu yolda asma körpü və yeraltı tunel çəkilir. Sözügedən avtomobil yolu paytaxtımızı İsmayıllı, Qəbələ, Oğuz, Şəki, Qax, Zaqatala və Balakən rayonları ilə birləşdirən ən qısa yol olacaq.

Sürücü Cəlal Eyyubov Sputnik Azərbaycan-a deyir ki, qışda həmin yolda sürüşmə çox olur: "Yollar buz bağlayır, sürücülər üçün, yolu yaxşı bilməyən insanlar üçün narahatlıq yaradır. Yayda da çox sıxlıq olur. Yay aylarında gəlib-gedən insanlar çox olur, yol isə dardır, ona görə də çox sıxlıq yaranır".

Digər sürücü Zabit Əzizov da bu qənaətdədir ki, əgər bu yol yenidən təmir olunarsa, inkişafımıza böyük təsiri olar: "Azərbaycanda ilk dəfə asma körpünün olması həm turist cəlb edəcək, həm də ölkənin prespektivli inkişafına böyük təsir edəcək. Asma körpünün qurulması tezliklə başa çatdırılsa, daha yaxşı olar. Tunel də bizdə birinci dəfə olacaq. Bizim bölgə turist bölgəsi olduğu üçün bunların olması daha çox turist cəlb edəcək".

Lahiyə rəhbəri Zahir Həsənovun sözlərinə görə, Muğanlı-İsmayıllı-Qəbələ avtomobil yolunun 4.5-ci kilometrliyində, Ağsu çayı üzərində tikilən asma körpünün ümumi uzunluğu 1135 metr, hündürlüyü çay səviyyəsindən 76.5 metr, asma qüllələrin hündürlüyü isə 142 metr olacaq:

"Eyni zamanda yol 4 hərəkət zolağından ibarətdir. Körpünün bu parametrlərdə layihəndirilməsində əsas məqsəd mövcud Muğanlı-İsmayıllı avtomobil yolunda olan dolamacların sayının minimuma endirmək və bu yolda baş verə biləcək sürüşmələrin qarşını mümkün qədər almaqdır".

Yol ilk 2 km-lik ərazidə Muğanlı qəsəbəsinə çatmamış mövcud lokal sürüşmə sahəsindən əvvəl başlanıb, sözügedən qəsəbədən və qəsəbədən sonrakı enişdə aktiv sürüşmə sahəsindən yan keçməklə layihələndirilib. Nəticədə yolun Ağsu çayınadək olan hissəsində trassa 1.1 km, Ağsuçaydan sonrakı hissədə yeni Ağsuçay körpüsü və tunel hesabına 1.4 km qısalır. Qeyd edilən körpünün tikintisi və Muğanlı-İsmayıllı-Qəbələ avtomobil yolunun yenidən qurulması işləri tamamlandıqdan sonra bu region üzrə insanların rahat gediş-gəlişinin təmin edilməsi ilə yanaşı, turizm və kənd təsərrüfatının da inkişafına böyük töhfə verəcək.

Qeyd edək ki, respublikanın mühüm turizm bölgələrinə gedən və ilk dəfə ötən əsrin 70-ci illərində salınmış bu yolun yenidən qurulması Prezident İlham Əliyevin verdiyi tapşırığa əsasən layihələndirilib.

72

İordaniyalı tələbə Dağıstandakı kanyonu tədqiq edir

6
(Yenilənib 15:10 16.05.2021)
İordaniyalı tələbə-stomatoloq Abdulla Xuajev özü üçün Dağıstanı kəşf edib. O, dağlara olan marağı barədə verdiyi müsahibəsində danışıb. Ətraflı - videomuzda.

Kadrlarda Xuajevin dostu Yazan Tahaqzitlə birlikdə Çalda kəndi yaxınlığında uzunluğu 10 km, dərinliyi 50 m olan kanyonu necə tədqiq etdiyi görünür.

Onun sözlərinə görə, alpinist olaraq kanyonların tədqiqi ilə çoxdan, hələ İordaniyada olarkən məşğul olmağa başlayıb və orada olan 135 kanyondan bəzilərini kəşf edib.

Təhsil almaq üçün Pyatiqorsk şəhərinə köçəndən sonra sevimli idman növünü atmayıb və artıq Dağıstanda dağları tədqiq etməyə başlayıb.

“Mən Dağıstanı ona görə seçdim ki, buranın təbiəti müxtəlifdir. Məsələn, əgər mən səhralıqda dolaşmaq istəsəm, barxanlara üz tutaram. Yox əgər könlümə su hövzəsi düşsə, o zaman kanyonlara gedə bilərəm. Dağıstan çox gözəldir: burada hər şey var – dağlar, qar, çaylar. Ona görə də mən bu gözəl yeri seçdim”, - deyə idmançı bildirib.

Bundan əlavə, Xuajev qeyd edib ki, kanyonların tədqiqində və öyrənilməsində yerli sakinlər də ona çox kömək edirlər.

“Dağıstanlıların mənə çox köməyi oldu: həm mənəvi, həm də fiziki. Yeməklə də kömək edirlər – bizə hər şey verirlər. Çox qonaqpərvər xalqdır. Onlar bizim üçün burada sponsor kimidirlər”, - deyə Xuajev qeyd edib.

 

6

Azərbaycan Ordusunun bölmələri planlaşdırılan əraziləri tutur - VİDEO

33
(Yenilənib 12:21 17.05.2021)
Mayın 20-dək davam edəcək təlimlərdə qoşunlar eyni zamanda qanunsuz silahlı qruplaşmaların təxribatlarının qarşısının alınması və əks fəaliyyətlə terrorçuların zərərsizləşdirilməsi üzrə tapşırıqları da icra edəcək.

Azərbaycan Ordusunda müxtəlif qoşun növlərinin cəlb edilməsi ilə keçirilən təlimlər davam edir.

Müdafiə Nazirliyindən Sputnik Azərbaycan-a verilən məlumata görə, təlimlərin planına uyğun olaraq qoşunlar cəmləşmə rayonlarını tutur və qruplaşmalar yaradılır.

Qoşunların komanda idarəetmə məntəqələrində döyüş fəaliyyəti təşkil olunur.

Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin təsdiq etdiyi plana əsasən mayın 16-dan Azərbaycan Ordusunda qoşun növlərinin cəlb edilməsi ilə təlimlər keçirilir.

Müdafiə nazirinin rəhbərliyi ilə keçirilən təlimə 15000 nəfərədək şəxsi heyət, 300-dək tank və digər zirehli texnika, 400-dək müxtəlif çaplı raket və artilleriya qurğusu, yaylım atəşli reaktiv sistemləri, minaatan və tank əleyhinə vasitələr, 50-dək hərbi aviasiya və müxtəlif təyinatlı pilotsuz uçuş aparatları cəlb olunub.

Təlimlərdə Vətən müharibəsində qazanılan döyüş təcrübəsi nəzərə alınmaqla əsas diqqət qoşunların idarəolunması, döyüşə hazırolma vəziyyətinə gətirilməsi və yenidən qruplaşması, o cümlədən ümumqoşun birlikləri, Raket və Artilleriya Qoşunları, aviasiya, Xüsusi Təyinatlı Qüvvələr arasında döyüş uzlaşması və qarşılıqlı fəaliyyətin təkmilləşdirilməsinə yönəldilib.

Mayın 20-dək davam edəcək təlimlərdə qoşunlar eyni zamanda qanunsuz silahlı qruplaşmaların təxribatlarının qarşısının alınması və əks fəaliyyətlə terrorçuların zərərsizləşdirilməsi üzrə tapşırıqları da icra edəcək.

33
NATO-nun Brüsseldə mənzil-qərargahına əsas giriş

NATO Baş qərargah rəisləri sabah toplanırlar, Hikmət Hacıyev isə artıq müzakirıə aparıb

0
(Yenilənib 19:00 17.05.2021)
Görüşün gündəliyində alyansın NATO 2030 inkişaf strategiyası, NATO-nun strateji hərbi planlaşdırma və adaptasiyası, əməliyyatlar, missiyalar və ittifaqın digər fəaliyyətləri, Ukrayna və Gürcüstan məsələləri var.

BAKI, 17 may — Sputnik. NATO Hərbi komitəsi mayın 18-də alyansın Brüsseldəki Baş qərargahında qərargah rəisləri səviyyəsində üz-üzə görüş keçirəcək. Sputnik Azərbaycan bildirir ki, bu barədə qurumun mətbuat xidmətindən verilən məlumatda deyilir.

"NATO hərbi komitəsinin müdafiə qərargahı rəisləri səviyyəsində ikinci görüşü üz-üzə formatda mayın 18-də alyansın Brüsseldəki (Belçika) Baş qərargahında keçiriləcək. İclasa NATO hərbi komitəsinin rəhbəri, general Stüart Piç rəhbərlik edəcək", – deyə sənəddə bildirilir.

Generalları narahat edən səbəb

Görüşün gündəliyində alyansının NATO 2030 inkişaf strategiyası, NATO-nun strateji hərbi planlaşdırma və adaptasiyası, əməliyyatlar, missiyalar və ittifaqın digər fəaliyyətləri, Ukrayna və Gürcüstan məsələləri var.

Qeyd edək ki, Hərbi Komitə NATO-nun ən yüksək hərbi orqanıdır və əsas siyasi quruma - Şimali Atlantika Şurasına, eləcə də, Nüvə Planlaşdırma Qrupuna məsləhət verməkdən məsuldur. Komitənin bundan əvvəlki iclası yanvar ayının sonunda Brüsseldə baş tutub.

Brüsseldəki diplomatik mənbədən verilən məlumata görə, iclasın əsas mövzusu aprelin 28-də başlayan "ittifaq qoşunlarının Əfqanıstandan çıxarılması prosesi" olacaq.

Azərbaycan sülhməramlıları da qayıdırlar

Azərbaycan da öz sülhməramlı əsgərlərini Əfqanıstandan çıxarır. Azərbaycan hərbçiləri orada NATO-nun "Qətiyyətli dəstək" missiyası çərçivəsində xidmət aparırlar.

"Qətiyyətli dəstək" əməliyyatı - NATO-nin qeyri-hərbi missiyasıdır və həm tədrislə, həm də 2015-ci ilin 1 yanvarından Əfqanıstanın hökumət qüvvələrinə dəstək verməklə məşğuldur.

Azərbaycan SQ-nin sülhməramlı qüvvələri Əfqanıstanda 2002-ci ilin noyabrından xidmət aparır. 2018-ci ildən oraya 120 hərbçi, iki hərbi həkim və altı zabit daxildir.

Əliyevin köməkçisi artıq Brüsseldədir

Azərbaycan Prezidenti İlham Əliyevin köməkçisi Hikmət Hacıyev də bu gün Brüsselə uçub. Orada Hacıyevin NATO baş katibinin müşaviri Mirça Coane ilə görüşü planlaşdırılmışdı. Görüşdə tərəflər Azərbaycanla NATO-nun cari əməkdaşlıq məsələlərini müzakirə ediblər.

Eləcə də oxuyun:

* Çin ABŞ qoşunlarının Əfqanıstandan çıxarılmasına qarşıdır

NATO soyuq müharibə istəmir, amma...

*ABŞ Əfqanıstandan çıxardığı əsgərləri harada yerləşdirəcək?

 

 

0
Teqlər:
Hikmət Hacıyev, görüş, Baş Qərargah rəisi, Brüssel, NATO