Əllərinə hansı mina düşübsə, basdırıblar: Füzulidə "məhsul yığımı"

49
(Yenilənib 21:49 01.04.2021)
ANAMA-nın əməkdaşları işğaldan azad olunmuş əraziləri minalardan təmizləyirlər. Minalanmış sahələrin xəritəsi olmadığı üçün minaları aşkar etmək çətindir. Ermənistan xəritələri vermədiyinə görə ərazidə basdırılmış minaların yeri və sayı bilinmir.

İşğaldan azad olunan ərazilərdə minatəmizləmə əməliyyatları üç üsulla aparılır: mexaniki, detektorlar və xüsusi təlim görən itlər vasitəsilə. Xüsusi təlim keçən itlər ANAMA mütəxəssisləri tərəfindən hazırlanıb. Əvvəllər bu cür itlər xaricdən - Amerika, Bosniya və digər ölkələrdən alınıb gətrilirdi.

Artıq bu itlər yerli kinoloji mərkəzdə hazırlanır. Bir itin mina təmizləmə üzrə ixtisaslaşmasına 12-24 ay vaxt sərf edilir. Bu və bu kimi üsullarla işğaldan azad edilmiş ərazilərin indiyə qədər təxminən 3 milyon 600 min kvadrat metrdən çox ərazisi minalardan təmizlənib. Bunu jurnalistlərə açıqlamasında Azərbaycan Respublikasının Minatəmizləmə Agentliyinin (ANAMA) Horadiz İnzibati mərkəzinin təmizləmə qrupunun əməliyyat meneceri Mədət Məmmədov deyib.

Ağdam rayonunda mina partladı, vəzifəli şəxs yaralandı - YENİLƏNİB - FOTO >>

O bildirib ki, həmin ərazilərdə 2 mindən çox tank əleyhinə, 4 mindən çox piyada əleyhinə minalar aşkar edilərək zərərsizləşdirilib. Mədət Məmmədov erməni tərəfinin minalanmış ərazilərin xəritəsinin Azərbaycana verməməsinə də toxunub, hazırda əsas strateji kommunikasiya xətlərinin ərazisinin təmizləndiyini bildirib:

“Kommunikasiya, elektrik, dəmir yolu xətləri, avtomobil magistralları - bunlar üçün keçidlər açılır. Hazırda əsasən avtomobil yolu, dəmir yolu, qaz, işıq və digər kommunikasiya xətləri keçən ərazilərdə təmizləmə aparılır. Qarşı tərəf minalanmış ərazilərin xəritəsini bizə vermədiyi üçün mina sahələrini aşkar etməkdə çətinlik çəkirik”.

Ərazilərin xəritəsiz olmasının onların işində çətinlik yaratdığını deyən daha bir həmsöhbətimiz Azərbaycan Respublikası minatəmizləmə Agentliyinin (ANAMA) Horadiz İnzibati Mərkəzinin əməliyyatlar üzrə mütəxəssisi Azər Hüseynov bütün ərazilərin minalandığını da əlavə edir.

“Demək olar ki, bütün ərazi minalanıb. Müxtəlif tipli minalar pərakəndə şəkildə basdırılıb. Artıq beynəlxalq səviyyədə məsələ qaldırılıb ki, Ermənistan minalanmış ərazilərin xəritələrini bizə versin. Verilmədiyinə görə ərazidə olan minaların yeri və sayı bilinmir. Bilinən odur ki, əllərinə hansı mina düşübsə, basdırıblar. Ərazidə basdırılan minaların çoxu Rusiya istehsalıdır. Ermənistan istehsalı olan minalar da var, tapılıb, çıxarılır”.

49

qədər şikayət etsək də, heç bir mənası yoxdur - Avtobusdan sorğu

16
(Yenilənib 13:53 15.04.2021)
Paytaxt sakinləri “Baku Bus”dan narazı olduqlarını dilə gətiriblər. Bu barədə daha ətraflı - Sputnik Azərbaycan-ın videosunda.

Paytaxt sakinləri Sputnik Azərbaycan-a verdikləri açıqlamalarında bildiriblər ki, pandemiya dövründə avtobuslarda sıxlıq müşahidə olunur.

İnsanların saatlarla avtobus gözləməsi, getdikləri məkana gecikmələrinə səbəb olur. Sakinlər bildiriblər ki, avtobuslar normal sürətlə gedə biləcəkləri yolu iki və üç saata qət edirlər. Dəfələlə ictimai nəqliyyatlardan aidiyyatı qurumlara şikayət olunsa da, şikayətə baxan olmayıb.

Sakinlər avtobuslar arasında intervalların qısa olmasını tələb edirlər

16

Daş heykəllər muzeyi ilə məşhur olan oyuq qəsəbəsindən ən son görüntülər

8
(Yenilənib 11:01 15.04.2021)
Azərbaycan Müdafiə Nazirliyi Zəngilan rayonunun Ağ oyuq qəsəbəsindən çəkilmiş ən son videogörüntüləri ictimaiyyətə təqdim edib.

Azərbaycan Müdafiə Nazirliyi Zəngilan rayonunun Ağ oyuq qəsəbəsindən yeni videogörüntülər paylaşıb. Sputnik Azərbaycan xəbər verir ki, Ağ oyuq qəsəbəsi 1993-ci ildə Ermənistan Respublikası Silahlı Qüvvələri tərəfindən işğal edilib. 2020-ci ilin oktyabrında isə əks-hücum nəticəsində Azərbaycan ordusu tərəfindən işğaldan azad edilib.

Ağ oyuq qəsəbəsi işğaldan qabaq daş heykəllər muzeyi ilə məşhur olub. Burada müxtəlif dövrlərə aid daş abidələri mövcud idi.

Qəsəbədən çəkilmiş ən son görüntüləri təqdim edirik. 

8
Rusiya Xarici işlər Nazirliyinin binası, arxiv şəkli

Rusiya XİN: Azərbaycan Ermənistan çətin yolun başlanğıcındadır

0
(Yenilənib 18:55 15.04.2021)
“Azərbaycan və Ermənistandan olan dostlarımızla qarşılıqlı əməkdaşlıq qurarkən bir çox maneələri dəf edəcəyik".

BAKI, 15 aprel - Sputnik. “Bakı ilə Yerevan arasında dayanıqlı sülh və mehriban qonşuluğun bərqərar olmasına yönələn təşəbbüsləri yalnız alqışlaya bilərik”.

“Report” xəbər verir ki, bunu Rusiya Xarici İşlər Nazirliyinin sözçüsü Mariya Zaxarova brifinq zamanı bildirib.

“Rusiya, Azərbaycan və Ermənistan liderlərinin ötən ilin 10 noyabr və bu ilin 11 yanvar tarixlərində əldə etdikləri razılaşmalar buna etibarlı zəmin yaradır. Bu kimi proseslərə bundan sonra da hər cür dəstək verməyə hazırıq. Əlbəttə, Ermənistan ilə Azərbaycan qarşılıqlı etimadın zəruri səviyyəsinə çatmaq, münasibətlərini yoluna qoymaq istiqamətində çətin yolun hələ başlanğıcındadır”, - deyən rusiyalı rəsmi bu məsələdə müsbət məlumat və s. fonunun yaradılmasını da vacib hesab edib:

“Azərbaycan və Ermənistandan olan dostlarımızla qarşılıqlı əməkdaşlıq qurarkən bir çox maneələri dəf edəcəyik. Cənubi Qafqazdakı sabitliyin, dayanıqlı iqtisadi inkişafın bu regionda Rusiyanın bütün tərəfdaşlarının manafeyinə uyğun gəldiyini əsas götürürük. Fikrimizcə, tərəflər münasibətləri normallaşdırmağa, etimad mühiti yaratmağa çalışacaqlar”.

0