Müharibə qəhrəmanları yenidən ayağa qalxa biləcəklər: Bakıda protezləşdirmə prosesi
(Yenilənib 11:27 31.03.2021)
İkinci Qarabağ müharibəsi qazilərinin protez-mulyajlarla təchizatı davam edir. Protezləşdirmə prosesinin necə həyata keçirildiyi barədə daha ətraflı videomuzda.Əmək və Əhalinin Sosial Müdafiəsi Nazirliyinin nəzdindəki Protez-Ortopedik Bərpa Mərkəzində gecə-gündüz qızğın iş gedir. Məqsəd üçüncü və dördüncü nəsil yüksək texnologiyalar əsasında hazırlanmış bionik protezlərlə təchiz edilmiş İkinci Qarabağ müharibəsi qazilərini ayağa qaldırmaqdır.
©
AR Ministry of Labour and Social Protection of the Population
Mərkəzin istehsalatın keyfiyyətinə nəzarət və idarə olunması üzrə mütəxəssisi Kənan Pirizadənin sözlərinə görə, artıq qazilərimizdən on üç nəfər protezlə təchiz edilib, təxminən on nəfər isə növbədədir.
"Qazilərimizi hər şeydən çox bərpa prosesinin necə gedəcəyi, normal şəkildə ayağa qalxmaları, gələcəkdə protezə necə qulluq etmək lazım gəldiyi kimi məsələlər narahat edir. Mütəxəssislərimiz onlara bu prosesi başa salmaq, kömək etmək üçün gecə-gündüz çalışmağa hazırdırlar", – deyə Pirizadə bildirib.
Protezlə təchizat çox çətin prosesdir, çünki əvvəlcə yara sağalmalıdır, yalnız bundan sonra protez qoyulur və onunla addımlamaq üçün məşqlər başlayır. Məhz buna görə də indiyə kimi nisbətən az sayda protez qoymaq mümkün olub. Əgər insan hər iki aşağı ətrafını itiribsə, bu zaman proses iki ayaqda da aparılır.
Hazırda mütəxəssislər köhnəlmiş vasitələrlə protezləşdirmədən uzaqlaşmaqdadırlar. Bu səbəbdən də qol protezlərində belə bionik vasitələrdən istifadə olunur.
Müharibədə yaralanmış hərbçilərin müalicə və reabilitasiya prosesi davam edir. Qəhrəmanların öz dili ilə desək, bu məsələdə nikbin əhval-ruhiyyəyə köklənmək və daxili inam uğurlu nəticənin yarısı hesab oluna bilər.
Oruca faydalı yeməklərlə başlayaq: Ramazanda imsaq yeməyi – video
Ramazan ayında oruc tutmaq insanın nəfsinə hakim olması və mənəvi cəhətdən təmizlənməsi üçün vacibdir. İlin bu ayında dindarlar sübh tezdən gün batana kimi yemək, su və başqa içkilər qəbul etməkdən, tütün məhsullarından istifadədən imtina edirlər.
Ümumiyyətlə, bu bir ay ərzində onların qidalanma forması kəskin şəkildə dəyişir. Düzgün qidalanmamaq isə sağlamlıqla bağlı bir sıra problemlərə yol aça bilər. Ramazanda sübh namazından əvvəl, yəni imsaqda bədənin günün birinci yarısında səmərəli fəaliyyəti üçün lazımi enerjini almasına imkan verən qidalar qəbul edilməlidir. Odur ki, qida rasionuna süd və süd məhsulları, meyvə-tərəvəz, taxıl əsaslı məhsullar daxil etmək vacibdir. Bundan başqa, mütəxəssislər imsaqda yumurta yeməyi və mütləq 3-4 stəkan su içməyi də məsləhət görürlər.
Ramazan ayında düzgün və balanslı qidalanma önəmlidir >>
Bəs imsaqda həm yüngül və faydalı yeməklər yeyib, həm də bütün gün tox qalmaq üçün nə etmək lazımdır? Bu sualın cavabını Sputnik Azərbaycan-a kulinar, Milli Kulinariya Assosiasiyasının üzvü Ziya Şahbazov əyani şəkildə nümayiş etdirib.
Teqlər:
Azərbaycan Ordusunun Zenit-Raket Qoşunlarında döyüş atışlı təlimlər keçirilib - VİDEO
(Yenilənib 11:55 14.04.2021)
Təlimlərin əsas məqsədi şəxsi heyətin praktiki vərdişlərinin təkmilləşdirilməsi və döyüş qabiliyyətinin yüksəldilməsidir.BAKI, 14 aprel — Sputnik. Müdafiə nazirinin təsdiq etdiyi 2021-ci ilin döyüş hazırlığı planına əsasən Hərbi Hava Qüvvələrinin Zenit-Raket Qoşunlarında döyüş atışlı təlimlər keçirilib.
Bu barədə Sputnik Azərbaycan-a Müdafiə Nazirliyindən məlumat verilib.
Təlimlərdə şəxsi heyət şərti düşmən hədəflərini aşkarlayaraq onların S-125 zenit-raket komplekslərindən məhv edilməsi tapşırıqlarını müvəffəqiyyətlə icra edib.
Təlimlərin əsas məqsədi şəxsi heyətin praktiki vərdişlərinin təkmilləşdirilməsi və döyüş qabiliyyətinin yüksəldilməsidir.
Baydenlə Putinin görüşü yaxın həftələrdə baş tuta bilər
BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.
Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.
RUSSIA: Jen Psaki jokes with a reporter about a possible meeting between President Biden and Vladimir Putin pic.twitter.com/6HpEEiaPCA
— Forbes (@Forbes) April 13, 2021
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.
Teqlər: