Sivilizasiyadan kənarda: lampa işığında çoban həyatı

37
(Yenilənib 19:01 25.03.2021)
Bu insanlar üçün yaşayış məntəqələrindən kənarda, elektrik enerjisi və müasir kommunikasiyalarsız həyat artıq çoxdan adiləşib. Çobanın həyatı haqqında - videomuzda.

Azərbaycanın bir neçə rayonunu əhatə edən Ceyrançöl düzü qədim zamanlardan çobanların qışlaq yeri hesab olunur. Bu ucsuz-bucaqsız düzlərdə diqqəti çəkən yeganə şey sonsuz fermalardır.

Yaşayış məntəqələrindən kənarda, elektrik enerjisi və müasir məişət texnikası olmadan yaşayış bu fermalarda yaşayan insanlar üçün adiləşib. Çobanlar hər gün heyvan-qaranı örüşə çıxarır, özləri isə mövsümi işləri yerinə yetirirlər. Qaş qaraldıqda onlar istirahətə çəkilir, özlərinin və heyvanlarının təhlükəsizliyini isə etibarlı köməkçilərinə - köpəklərə etibar edirlər.

Qoyunların balalama dövrü başladıqda isə çobanların iş yükü xeyli artır və bu dövr çox mürəkkəb hesab olunur. Bundan əlavə, ac yırtıcı heyvanlar da sürülərə hücum etmək üçün fürsət axtarır.

Çoban Ceyhun Nuriyev deyir ki, sürünün təzə doğulmuş quzularla bir yerdə otlaması təhlükəlidir.

“Biz onları ayrı saxlayırıq. Bu dövrdə yeganə problem canavarlardır. Demək olar ki onlar hər gün sürüyə basqın edirlər. Biz köpəklərin köməyi ilə müdafiə olunuruq. Lakin heç kim təhlükədən sığortalanmayıb”, - deyə çoban bildirib.

Çoban itlərinin vəzifəsi sadiq olmaq və sürünü qorumaq, axşam isə öz sahibindən isti yemək almaqdır. Hər bir ferma sürünün mühafizəsi üçün ona qədər it ayırır və onların sayıqlığı sayəsində heyvan-qara yırtıcıların hücumlarından qorunurlar.

Çobanlar sürünü fermaya qaytardıqdan sonra istirahət vaxtı başlayır.

Çoban Zülfüqar Ömərov on altı yaşından qoyun otarır və ailəsi ilə birlikdə düzdə yaşayır. O deyir ki, bu cür həyata öyrəşib. Son hadisələrdən və xəbərlərdən agah olmaq üçün isə onlar ailəlikcə qonşu fermaya gedir və orada radioya qulaq asır və ya televizora baxırlar.

37

Oruca faydalı yeməklərlə başlayaq: Ramazanda imsaq yeməyi video

17
Artıq müqəddəs Ramazan ayı başlayıb. Bu münasibətlə oruc tutanlar üçün ən faydalı imsaq menyusu – videomuzda.

Ramazan ayında oruc tutmaq insanın nəfsinə hakim olması və mənəvi cəhətdən təmizlənməsi üçün vacibdir.  İlin bu ayında dindarlar sübh tezdən gün batana kimi yemək, su və başqa içkilər qəbul etməkdən, tütün məhsullarından istifadədən imtina edirlər.

İnfoqrafika: Ramazan ayı təqvim 2021
© Sputnik / Elnur Salayev

Ümumiyyətlə, bu bir ay ərzində onların qidalanma forması kəskin şəkildə dəyişir. Düzgün qidalanmamaq isə sağlamlıqla bağlı bir sıra problemlərə yol aça bilər. Ramazanda sübh namazından əvvəl, yəni imsaqda bədənin günün birinci yarısında səmərəli fəaliyyəti üçün lazımi enerjini almasına imkan verən qidalar qəbul edilməlidir. Odur ki, qida rasionuna süd və süd məhsulları, meyvə-tərəvəz, taxıl əsaslı məhsullar daxil etmək vacibdir. Bundan başqa, mütəxəssislər imsaqda yumurta yeməyi və mütləq 3-4 stəkan su içməyi də məsləhət görürlər.

Ramazan ayında düzgün və balanslı qidalanma önəmlidir >>

Bəs imsaqda həm yüngül və faydalı yeməklər yeyib, həm də bütün gün tox qalmaq üçün nə etmək lazımdır? Bu sualın cavabını Sputnik Azərbaycan-a kulinar, Milli Kulinariya Assosiasiyasının üzvü Ziya Şahbazov əyani şəkildə nümayiş etdirib.

17
Teqlər:
video, yemək, imsak, Ramazan

Azərbaycan Ordusunun Zenit-Raket Qoşunlarında döyüş atışlı təlimlər keçirilib - VİDEO

21
(Yenilənib 11:55 14.04.2021)
Təlimlərin əsas məqsədi şəxsi heyətin praktiki vərdişlərinin təkmilləşdirilməsi və döyüş qabiliyyətinin yüksəldilməsidir.

BAKI, 14 aprel — Sputnik. Müdafiə nazirinin təsdiq etdiyi 2021-ci ilin döyüş hazırlığı planına əsasən Hərbi Hava Qüvvələrinin Zenit-Raket Qoşunlarında döyüş atışlı təlimlər keçirilib.

Bu barədə Sputnik Azərbaycan-a Müdafiə Nazirliyindən məlumat verilib.

Təlimlərdə şəxsi heyət şərti düşmən hədəflərini aşkarlayaraq onların S-125 zenit-raket komplekslərindən məhv edilməsi tapşırıqlarını müvəffəqiyyətlə icra edib.

Təlimlərin əsas məqsədi şəxsi heyətin praktiki vərdişlərinin təkmilləşdirilməsi və döyüş qabiliyyətinin yüksəldilməsidir.

21
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

0
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

0
Teqlər:
görüş, Cozef Bayden, Vladimir Putin