Qədim nəslin işğaldan azad olunan kəndi indi belə görünür - VİDEO

18
1993-cü ildə Ermənistan ordusunun işğalına qədər Baharlı kəndinin geniş, yaraşıqlı orta məktəbi, ikimərtəbəli universamı, kitabxanası, tibb məntəqəsi, klubu və s. vardı.  Kənd işğaldan salamat çıxmayıb.

BAKI, 23 mart — Sputnik. Azərbaycan Müdafiə Nazirliyi Zəngilan rayonunun Baharlı kəndindən videogörüntülər yayıb.

Sputnik Azərbaycan görüntüləri təqdim edir.

Baharlı kəndi dünyada ikinci, Avropada birinci çinar meşələrinin boy verdiyi Bəsitçayın Araza qovuşacağında yerləşir. Baharlı adına ilk dəfə orta əsrlərə aid mənbələrdə təsadüf edilir. Bu soyadı ilk dəfə XV əsrdə yaşamış Əlişəkər bəy Baharlı daşıyıb. O, yaxın qohumu, Qaraqoyunlu dövlətinin hökmdarı Cahanşahın hakimiyyəti illərində Həmədan hakimi olub.

XVIII əsrdə Qarabağ xanlığının ictimai-siyasi, mədəni həyatında əhəmiyyətli rol oynamış Bayramxan bəy Abdulla xan oğlu Baharlı, onun oğlu Mirzə Vəli bəy Baharlı Əlişəkər bəy Baharlı nəslinin layiqli övladlarıdırlar. Zəngilan rayonunun Baharlı kəndinin yerli əhalisi Əlişəkər bəy Baharlının, onun nəslindən olan Mirzə Vəli bəy Baharlının ovladlarıdır.

1993-cü ildə Ermənistan ordusunun işğalına qədər kəndin geniş, yaraşıqlı orta məktəbi, ikimərtəbəli universamı, kitabxanası, tibb məntəqəsi, klubu və s. vardı. Azərbaycan Silahlı Qüvvələri Baharlını 2020-ci il oktyabrın 21-də düşmən tapdağından xilas edib.

18
Teqlər:
Azərbaycan Müdafiə Nazirliyi, Azərbaycan, Qarabağ, video, kənd, Zəngilan

Qubadlının dilbər guşəsindən ən son görüntülər - VİDEO

3
(Yenilənib 10:40 18.04.2021)
Müdafiə Nazirliyi işğaldan azad edilən Qubadlı rayonunun Tarovlu kəndindən yeni videogörüntüləri ictimaiyyətə təqdim edib.

Azərbaycan Müdafiə Nazirliyi Qubadlı rayonunun Tarovlu kəndindən yeni videogörüntülər yayıb. 

Bu kənd 1993-ci ildə Ermənistan Respublikası Silahlı Qüvvələri tərəfindən işğal olunub. 2020-ci ilin sonlarında Azərbaycan ordusunun əks-hücumu nəticəsində işğaldan azad edilib.  

 

3

Bizə heç kim çata bilməz! Zürafə Lipa yazın gəlişinə necə sevinir VİDEO

18
(Yenilənib 12:03 16.04.2021)
Moskva Zooparkının keniyalı sakini zürafə Lipa baharın gəlişinə, artıq açıq havaya çıxa bildiyinə sevinərək volyerin ətrafında dövrə vurur. Videomuzu izləyin.

Kadrlarda zürafənin bahar günəşindən ləzzət alaraq zebra ilə birlikdə meydançada necə qaçışdığı əks olunur.

Moskva Zooparkının mətbuat xidmətindən bildiriblər ki, Lipa çox sürətli qaçır. Onu da əlavə ediblər ki, ümumiyyətlə, təbiətdə zürafələrin sürəti saatda 60 kilometrə qədər çata bilər.

18

Ağdamın daha bir kəndindən ən son görüntülər

0
Azırbaycan Müdafiə Nazirliyi Ağdam rayonunun işğaldan azad edilmiş Saybalı kəndindən ən son videogörüntüləri ictimaiyyətə təqdim edib.

Müdafiə Nazirliyi Ağdam rayonunun Saybalı kəndindən yeni videogörüntülər yayıb.

Kənd 4 iyul 1993-cü ildə Ermənistan Silahlı Qüvvələri tərəfindən işğal olunub.

Ağdam rayonu və onun kəndləri artıq erməni işğalından azad edilib. Bu, Azərbaycan, Rusiya və Ermənistan liderlərinin noyabrın 10-da imzaladığı Qarabağ üzrə üçtərəfli bəyanat əsasında baş verib. Bəyanat əsasında Ağdam rayonu və onun bir sıra kəndləri 2020-ci ilin noyabrında Azərbaycan Respublikasına təhvil verilib.

Sputnik Azərbaycan Ağdam rayonunun Saybalı kəndindən çəkilmiş ən son görüntüləri təqdim edir.

 

0