Son 20 ildə Azərbaycanda bu cür hadisə baş verməmişdi – rieltorun proqnozu
(Yenilənib 18:13 23.03.2021)
Azərbaycanlı mütəxəssis daşınmaz əmlak bazarında sabitliyin olacağını proqnozlaşdırır və mənzil almaq istəyən, ancaq pandemiya səbəbindən bu planını təxirə salan alıcıların artıq bazara daxil olacağına ümid edir.Azərbaycanda karantin rejimi yumşalmağa başlayan kimi inşaat şirkətlərinə daha çox müraciət daxil oldu və əmlak bazarı aktivləşdi. Daşınmaz əmlak mütəxəssisi Elnur Azadovun sözlərinə görə, ölkədə karantin tədbirlərinin yumşaldılması və vaksinasiya prosesinin başlanması əmlak bazarında sabitləşməyə gətirib çıxarıb.
“Bakıda və Abşeronda, eləcə də, böyük şəhərlərdə torpaq sahələrinə tələb kəskin şəkildə artdı. Gözlənilmədən villalara və onların icarəsinə yüksək tələbat meydana çıxdı. Qiymətlər 2-2,5 dəfə çoxaldı ki, son 20 ildə Azərbaycanda bu cür hadisə baş verməmişdi. Tələbələrin daha çox olduğu Bakı, Sumqayıt və Gəncədə isə mənzillərin qiyməti 20-30% aşağı düşdü", – deyə Azadov vurğulayıb.
Əmlak bazarındakı qiymətlərə gəlincə, ekspert qeyd edib ki, artım nəzərə çarpır və bəzi layihələr indi köhnələrdən daha bahadır.
Oruca faydalı yeməklərlə başlayaq: Ramazanda imsaq yeməyi – video
Ramazan ayında oruc tutmaq insanın nəfsinə hakim olması və mənəvi cəhətdən təmizlənməsi üçün vacibdir. İlin bu ayında dindarlar sübh tezdən gün batana kimi yemək, su və başqa içkilər qəbul etməkdən, tütün məhsullarından istifadədən imtina edirlər.
Ümumiyyətlə, bu bir ay ərzində onların qidalanma forması kəskin şəkildə dəyişir. Düzgün qidalanmamaq isə sağlamlıqla bağlı bir sıra problemlərə yol aça bilər. Ramazanda sübh namazından əvvəl, yəni imsaqda bədənin günün birinci yarısında səmərəli fəaliyyəti üçün lazımi enerjini almasına imkan verən qidalar qəbul edilməlidir. Odur ki, qida rasionuna süd və süd məhsulları, meyvə-tərəvəz, taxıl əsaslı məhsullar daxil etmək vacibdir. Bundan başqa, mütəxəssislər imsaqda yumurta yeməyi və mütləq 3-4 stəkan su içməyi də məsləhət görürlər.
Ramazan ayında düzgün və balanslı qidalanma önəmlidir >>
Bəs imsaqda həm yüngül və faydalı yeməklər yeyib, həm də bütün gün tox qalmaq üçün nə etmək lazımdır? Bu sualın cavabını Sputnik Azərbaycan-a kulinar, Milli Kulinariya Assosiasiyasının üzvü Ziya Şahbazov əyani şəkildə nümayiş etdirib.
Teqlər:
Azərbaycan Ordusunun Zenit-Raket Qoşunlarında döyüş atışlı təlimlər keçirilib - VİDEO
(Yenilənib 11:55 14.04.2021)
Təlimlərin əsas məqsədi şəxsi heyətin praktiki vərdişlərinin təkmilləşdirilməsi və döyüş qabiliyyətinin yüksəldilməsidir.BAKI, 14 aprel — Sputnik. Müdafiə nazirinin təsdiq etdiyi 2021-ci ilin döyüş hazırlığı planına əsasən Hərbi Hava Qüvvələrinin Zenit-Raket Qoşunlarında döyüş atışlı təlimlər keçirilib.
Bu barədə Sputnik Azərbaycan-a Müdafiə Nazirliyindən məlumat verilib.
Təlimlərdə şəxsi heyət şərti düşmən hədəflərini aşkarlayaraq onların S-125 zenit-raket komplekslərindən məhv edilməsi tapşırıqlarını müvəffəqiyyətlə icra edib.
Təlimlərin əsas məqsədi şəxsi heyətin praktiki vərdişlərinin təkmilləşdirilməsi və döyüş qabiliyyətinin yüksəldilməsidir.
Baydenlə Putinin görüşü yaxın həftələrdə baş tuta bilər
BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.
Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.
RUSSIA: Jen Psaki jokes with a reporter about a possible meeting between President Biden and Vladimir Putin pic.twitter.com/6HpEEiaPCA
— Forbes (@Forbes) April 13, 2021
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.
Teqlər: