“Qəhrəman övladları” estafetinin Mingəçevir mərhələsinin qalibləri müəyyənləşib

59
(Yenilənib 10:14 16.03.2021)
“Qəhrəman övladları” yarışda 16 nəfər iştirak edib onlardan 4-ü şəhid, digərləri qazi və hərbçi övladları olub. Ətraflı videomuzda.

Qusardan başlanan “Qəhrəman övladları” estafet yarışının növbəti mərhələsi Mingəçevir şəhərində yerləşən Kür Olimpiya Tədris İdman mərkəzində keçirilib. Yarışda 9-12 yaşlı qızlar və oğlanlar iştirak edib. 4-ü şəhid, digərləri qazi və hərbçi övladları olan 16 nəfər “Murovdağ” və “Füzuli” komandalarının tərkibində qalib olmaq üçün yarışıblar.

Yarışın təşkilatçısı “Həmrəy ol, qalib ol” İctimai Birliyinin rəhbəri Cəsur Rəcəbli iştirakçıları şərtlərlə tanış etdikdən sonra komandalar arasında gərgin mübarizə başlayıb.

Yarış iştirakçıları müəyyən məsafəyə qaçış, maneləri dəf etmək, topla hərəkət və digər tapşırıqları yerinə yetiriblər. Hər iki komanda üzvləri böyük coşqu, həyəcanla yarışın sonuna qədər qələbə qazanan tərəf olmağa çalışıblar. Amma verilən tapşırıqları daha yaxşı yerinə yetirən “Füzuli” komandası “Qəhrəman övladları” estafet yarışının Mingəçevir mərhələsinin qalibi olub.

Qələbə qazanan komanda üzvlərini, Cəsur Rəcəbli, onun həyat yoldaşı London-2012 Yay Paralimpiya Oyunlarının qalibi, həmçinin dördqat gümüş mükafatçısı və dünya rekordçusu Natali Rəcəbli mükafatlandırblar.

Təşkilatçılar belə yarışların keçirilməsində məqsədin şəhid, qazi, hərbçi övladlarının bacarıqlarını ortaya çıxarmaq, onların sağlam böyüməsini, idmana, təhsilə həvəsini artırmaqdan ibarət olduğunu bildiriblər. 

Qeyd edək ki, növbəti estafet yarışının Lənkəran şəhərində keçirilməsi nəzərdə tutulub.

59

Hərbi polis yaranma gününü qeyd edir - VİDEO

18
(Yenilənib 17:13 10.04.2021)
Hazırda hərbi polis bölmələrinin hərbi qulluqçuları azad edilmiş ərazilərdəki yaşayış məntəqələrində və qoşunların dislokasiya yerlərində təhlükəsizliyin təmin edilməsində iştirak edir.

BAKI, 10 aprel — Sputnik. Müdafiə Nazirliyinin hərbi polisinin yaranmasının 29-cu ildönümü qeyd olunur. 1992-ci ildə Müdafiə nazirinin əmri ilə yaradılan bu qurum çətin və şərəfli yol keçib. Hərbi polisin şəxsi heyətinin mənəvi-psixoloji hazırlığı zamanı əsas səylər dövlətin və xalqın mənafeyinin müdafiəsinə, Azərbaycan Respublikasının suverenliyinin və ərazi bütövlüyünün qorunmasına, qarşıya qoyulan tapşırıqların istənilən şəraitdə yerinə yetirilmə əzminin yüksək səviyyədə saxlanılmasına yönəldilib.

Sputnik Azərbaycan Müdafiə Nazirliyinə istinadən bildirir ki, hərbi polisin şəxsi heyəti Vətən müharibəsində torpaqlarımızın azad olunması uğrunda fəal iştirak edib, qarşıya qoyulan tapşırıqları layiqincə yerinə yetirib.

Hazırda hərbi polis bölmələrinin hərbi qulluqçuları azad edilmiş ərazilərdəki yaşayış məntəqələrində və qoşunların dislokasiya yerlərində təhlükəsizliyin təmin edilməsində iştirak edir.

Hərbi polis naryadları yaşayış məntəqələri və hərbi nəqliyyatın hərəkət marşrutlarında olan stasionar və səyyar postlarda sutkaboyu xidmət aparır, buraxılış rejimini, həmçinin xidmət və döyüş növbətçiliyi zamanı hərbi qulluqçular tərəfindən günün nizam qaydalarının yerinə yetirilməsinə nəzarəti həyata keçirir.

Hərbi polis müxtəlif istiqamətlərdə açılan nəzarət-buraxılış məntəqələrində patrul xidmətini və mühüm hərbi obyektlərin mühafizəsini təşkil edir, əraziyə daxil olan texnikanın uçotunu aparır, həmçinin kolonların müşayiətini təmin edir.

18
Teqlər:
video, yaranma günü, Müdafiə Nazirliyi, polis, hərbi

Bakıda şəhidlərə hörmət əlaməti olaraq "Xatirə bağı" salındı

18
(Yenilənib 17:27 09.04.2021)
Bakıda "Xatirə bağı" Beynəlxalq aksiyası başlayıb. Böyük Vətən Müharibəsində və 44 günlük Vətən müharibəsində həlak olanların xatirəsinə həsr olunan bağın necə salındığı videomuzda.

Azərbaycanda Qələbənin 75-ci ildönümünün Beynəlxalq Könüllülər Komandası aksiyaya Bakının ən işlək küçələrindən birində 150 ağac əkməklə başlayıb.

Beynəlxalq aksiyanın məqsədi dünyada 27 milyon ağac əkməkdir. II Dünya Müharibəsi illərində 27 milyon insan həyatını itirib. Bu xatirəni qorumaq və gələcək nəsillərə çatdırmaq bizim borcumuzdur.

Azərbaycandakı "Xatirə bağı" aksiyası Azərbaycanda Qələbənin 75-ci ildönümünün Beynəlxalq Könüllülər Komandası, "Rossotrudniçestvo"-nun Azərbaycandakı ofisinin dəstəyi ilə “Azərbaycanda Kazak Həmyerliləri”, Bakı Şəhər İcra Hakimiyyəti, Azərbaycan Respublikası Ekologiya və Təbii Sərvətlər Nazirliyinin təşkilatçılığı və Rusiyanın Azərbaycandakı səfirliyinin iştirakı ilə həyata keçirilir. Aksiya Azərbaycanın digər şəhərlərində - Xaçmaz, Sumqayıt, Gəncə, Balakən və Lənkəranda da keçiriləcək.

 

18
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

0
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

0
Teqlər:
Nyu-York, moda