Ağsu dolaylarını buz bağlayıb - VİDEO
(Yenilənib 13:27 13.03.2021)
Ölkə ərazisinə yağan qar gecə saatlarında Bakı-Şamaxı-Yevlax avtomobil yolunda bir sıra çətinliklər yaradıb.Ölkə ərazisinə yağan qar gecə saatlarında Bakı-Şamaxı-Yevlax avtomobil yolunda bir sıra çətinliklər yaradıb.
Sözü gedən yolun Ağsu dolaylarından keçən hissəsinin buz bağlaması,bəzi sürücülərin yolda qalması ilə nəticələnib.Sürücülərin sözlərinə görə yola duz və qum səpilmədiyindən, enişli-yoxuşlu və dongəli olan bu ərazilərdə çətinliklə üzləşiblər.
Şamaxıdan Bakı istiqamətində də yollar buz bağladığından YPX-nin əməkdaşları tərəfindən sürücülərin hərəkəti Şamaxı ərazisində məhdudlaşdırılıb.
Havanın qarlı və çovğunlu olması Bakı Şamaxı Yevlax yolu ilə bərabər Muğanlı İsmayıllı, Şamaxı-Dəmirci, İsmayıllı-Lahıc yollarının buz bağlaması ilə nəticələnib
Bizə heç kim çata bilməz! Zürafə Lipa yazın gəlişinə necə sevinir – VİDEO
(Yenilənib 12:03 16.04.2021)
Moskva Zooparkının keniyalı sakini zürafə Lipa baharın gəlişinə, artıq açıq havaya çıxa bildiyinə sevinərək volyerin ətrafında dövrə vurur. Videomuzu izləyin.Kadrlarda zürafənin bahar günəşindən ləzzət alaraq zebra ilə birlikdə meydançada necə qaçışdığı əks olunur.
Moskva Zooparkının mətbuat xidmətindən bildiriblər ki, Lipa çox sürətli qaçır. Onu da əlavə ediblər ki, ümumiyyətlə, təbiətdə zürafələrin sürəti saatda 60 kilometrə qədər çata bilər.
Cəbrayıl rayonunun Daş Veysəlli kəndindən görüntülər - VİDEO
(Yenilənib 14:32 17.04.2021)
Daş Veysəlli Cəbrayıl rayonunun Minbaşılı inzibati ərazi vahidində kənddir. Gəyan çölündədir. Qərib Ağa, Düldül pirləri bu kəndin ərazisində yerləşir.Müdafiə Nazirliyi Cəbrayıl rayonunun Daş Veysəlli kəndinin görüntülərini yayıb. Sputnik Azərbaycan həmin görüntüləri təqdim edir.
1993-cü ildə işğal olunmuş Daş Veysəlli kəndi 2020-ci il oktyabrın 20-də erməni işğalından azad edilib.
Daş Veysəlli Cəbrayıl rayonunun Minbaşılı inzibati ərazi vahidində kənddir. Gəyan çölündədir. Qərib Ağa, Düldül pirləri bu kəndin ərazisində yerləşir.
Bakıda kanalizasiya quyularının qapaqlarını oğurlayan şəxs saxlanılıb
(Yenilənib 19:02 17.04.2021)
Qeyd edilən faktlarla bağlı Nizami Rayon Polis İdarəsinin İstintaq şöbəsində Cinayət Məcəlləsinin müvafiq maddəsi ilə cinayət işi başlanılıb.BAKI, 17 aprel — Sputnik. Paytaxtın Nizami rayonunda kanalizasiya quyularının qapaqlarını oğurlamaqda şübhəli bilinən şəxs saxlanılıb.
Bu barədə Daxili İşlər Nazirliyindən məlumat verilib.
Nizami Rayon Polis İdarəsinin 23-cü Polis Bölməsinin əməkdaşları tərəfindən həyata keçirilən əməliyyat nəticəsində oğurluq etməkdə şübhəli bilinən paytaxt sakini Lətifxan Musayev tutulub. Araşdırma zamanı onun Keşlə qəsəbəsi ərazisində 5 kanalizasiya quyusunun qapağını oğurladığı müəyyən edilib. Saxlanılan zaman L.Musayevin üzərindən 1 büküm psixotrop maddə olan metamfetamin də aşkar edilib.
Qeyd edilən faktlarla bağlı Nizami Rayon Polis İdarəsinin İstintaq şöbəsində Cinayət Məcəlləsinin müvafiq maddəsi ilə cinayət işi başlanılıb. İstintaq tədbirləri davam etdirilir. Saxlanılan şəxsin qanunsuz əməllərindən zərərçəkən başqa vətəndaşlar varsa, bu barədə ərazi polis orqanlarına, habelə DİN-in "102" Xidməti Zəng Mərkəzi Sistemi ilə əlaqə saxlayaraq məlumat verə bilərlər.