Tərtərdəki partlayışda qurbanların sayı daha çox ola bilərmiş - VİDEO

151
(Yenilənib 10:41 23.02.2021)
Tərtərin Borsunlu kəndində minaya düşən şəxs tək olmayıb. Maraqlıdır ki, Niyaməddin Verdiyev qoyunlarını həmişə otardığı ərazidə yaralanıb.

Tərtərdə baş verən partlayışda zərərçəkənlərin sayı daha çox ola bilərmiş. Ancaq hadisə olan ərazidə bəxt iki qardaşdan birinin üzünə gülüb.

Xəbər verdiyimiz kimi, Borsunlu kəndi ərazisində kənd sakini, 1976-cı il təvəllüdlü Verdiyev Niyaməddin Hikmət oğlu mal-qara otararkən minaya düşüb. Nəticədə ağır yaralanan Niyaməddin Verdiyev Bərdə Mərkəzi rayon xəstəxanasına yerləşdirilib. Xəstəxananın həkim-travmatoloqu Hafiz Əliyev Sputnik Azərbaycan-a bildirib ki, zərərçəkənin ayağı amputasiya olunub. 

"Hər iki aşağı ətrafların kor qəlpə yarası diaqnozu ilə Bərdə Mərkəzi rayon xəstəxanasının cərrahiyyə şöbəsinə gətirilib. Sağ aşağı ətrafın, baldırın orta üçdə bir hissəsinin travmatik amputasiyası həyata keçirilib. Hal-hazırda vəziyyəti orta ağır qiymətləndirilir", - həkim deyib.

Zərərçəkənin yaxın qohumu Cəmilə Ağalarova bildirib ki, hadisə baş verən zaman Niyaməddin Verdiyev qoyun otarırmış və hadisə yerindən bir qədər kənarda onun qardaşı Rafiq də olub:

"Heyvanlarını otarırmış, öz kəndimizdə. Minaya düşüb. Həmişə həmin ərazidə heyvan otarırdı. Öz yerimizdir. Nə bilərdik ki, belə olar? Qardaşı da yanında olub. Bir az aralıda olmasa, o da minaya düşərmiş. Niyaməddinin qardaşı görüb ki, nəsə partladı. Gedib, görüb ki, qardaşı minaya düşüb".

Qeyd edək ki, faktla bağlı Tərtər Rayon Prokrorluğu tərəfindən araşdırma aparılır.

151
Teqlər:
qardaş, mülki şəxs, partlayış, mina, Tərtər

Zəngilan rayonunun Qaragöz kəndi - VİDEO

3
(Yenilənib 13:28 08.03.2021)
1993-cü ildə Ermənistan ordusu tərəfindən işğal olunan Qaragöz kəndini Azərbaycan Silahlı Qüvvələri 2020-ci il noyabrın 9-da erməni tapdağından xilas ediblər

BAKI, 8 mart — Sputnik. Azərbaycan Müdafiə Nazirliyi Zəngilan rayonunun Qaragöz kəndindən videogörüntülər yayıb.

Sputnik Azərbaycan görüntüləri təqdim edir.

Kənd Bəsitçayın sahilində, düzənlikdədir. Mənşəcə turkdilli inan tayfasının qaragöz qolunun adındandır. Hazırda qaragözlülör İranın Fars əyalətində inanlı tayfa birləşməsinin tərkibində yaşayırlar.

1993-cü ildə Ermənistan ordusu tərəfindən işğal olunan kəndi Azərbaycan Silahlı Qüvvələri 2020-ci il noyabrın 9-da erməni tapdağından xilas ediblər.

3
Teqlər:
Azərbaycan Müdafiə Nazirliyi, video, kənd, Zəngilan, Azərbaycan, Qarabağ

Zəif cinsin nümayəndəsi bu ona aid deyil: sadə bakılı xanımın həyat hekayəsi VİDEO

31
(Yenilənib 18:43 05.03.2021)
Baharın ilk bayramı olan 8 Martda qadınlardan – eyni zamanda həm güclü, həm də zərif məxluqlar olan xanımlardan söz açmaq istəyirik. Onlardan biri Bakı sakini Gülnarə Ağazadədir. Onun həyat hekayəsi – videomuzda.

Qəhrəmanımız əlini-əlinin üstünə qoyub oturan xanımlardan deyil.

Gülnarə Ağazadə ixtisasca rus dili və ədəbiyyatı müəllimidir. Uzun illər məktəbdə işləsə də, ailə vəziyyəti ilə əlaqədar ixtisasından uzaqlaşmaq məcburiyyətində qalıb. Daha sonra isə məktəbə qayıtmayıb, başqa ixtisas üzrə çalışıb, ancaq ixtisara salındığına görə xeyli vaxt özünə iş axtarmalı olub.

Bununla belə, Gülnarə Ağazadə ruhdan düşməyərək pedaqoji sahəyə qayıdıb və repetitorluq etməyə başlayıb. Əlavə qazanc üçün əl işləri ilə məşğul olmağa başlayıb, hətta lazım gələndə şəxsi sürücülük də eləyib.

“Məncə, qadın boş oturmamalıdır, xüsusən də əgər o, anadırsa. Mənim böyümə çağında olan oğlum var, onun üçün çalışmalıyam”, – Ağazadə belə deyir.

Qəhrəmanımız öz təcrübəsi ilə bir daha təsdiqləyir ki, qadınlar heç də zəif cinsin nümayəndələri deyil və hər çətinliyin öhdəsindən gələ bilərlər.

31
Roma Papası Fransisk, 10 sentyabr 2017-ci il

Roma Papası şiələrin lideri ilə görüşdü, İran sevindi

0
(Yenilənib 15:38 08.03.2021)
Diplomatın sözlərinə görə, "xalqın qəhrəmanlığı, hakimiyyətin müdrikliyi və ekstremizm və xarici təsirlərlə mübarizədə tökülən qan sayəsində" bu gün İraqda bu cür görüşlər keçirmək mümkün olub

BAKI, 8 mart - Sputnik. Martın 6-da İraqa başlanan ilk səfəri çərçivəsində Roma Papası Fransisk oradakı şiələrin başçısı ayətulla Əli əs-Sistani ilə görüşüb. 

Sputnik Azərbaycan-ın məlumatına görə, bu barədə bu gün İran Xarici İşlər Nazirliyinin rəsmi sözçüsü Səid Xətibzadə bildirib və öz ölkəsinin XİN rəhbərinin bu hadisəni dinlər arasında dialoq və onların yaxınlaşması adlandırdığını əlavə edib. 

O, Papanın İraqa səfərini vacib hesab edib. 

Diplomatın sözlərinə görə, "xalqın qəhrəmanlığı, hakimiyyətin müdrikliyi və ekstremizm və xarici təsirlərlə mübarizədə tökülən qan sayəsində" bu gün İraqda bu cür görüşlər keçirmək mümkün olub.

Fransisk İraqa səfər edən ilk Roma Papasıdır.

0
Teqlər:
İran XİN, görüş, lider, şiə, səfər, İraq, Roma papası Fransisk