Şəkidə ruhlar evi yandırır - VİDEO

69
(Yenilənib 15:47 12.02.2021)
Əvvəllər Məmmədovlar ailəsi belə bir şeyi televizorda görüb-eşitmişdilər. İndi isə öz gözləriylə gördülər. Əşyalar öz-özünə yanır. Ətraflı videomuzda baxın.

Müəmmalı yanğınlar Şəki rayonunun Turan qəsəbəsində yaşayan Məmmədovlar ailəsini qorxuya salıb. Ev sahibi Rəcəbəli Məmmədov Sputnik Azərbaycan-a bildirib ki, müəmmalı yanğın fevralın 10-dan başlayıb və ilk yanan uşaq çarpayısı olub.

Şəkidə poltergeyst: Ailə qorxudan evində gecələyə bilmir - FOTOLAR >>

Evdəki bütün əşyalar qonşuların köməyi ilə bayıra çıxarılıb və həyətə yığılıb. Lakin bu da otaqlardakı yanğınlara təsir etməyib. Yenə şkafdakı parça yanmağa başlayıb. Onu isə qonşuluqda yaşayan müəllim Məzahir Quliyev söndürüb.

Yanğının yaranma səbəbini öyrənmək üçün qonşular səhərə kimi keşik çəkiblər. Amma heç bir nəticəsi olmayıb.

69
Teqlər:
video, ev, poltergeyst, Şəki

Qadınları kim cür təbrik edəcək videosorğu

18
(Yenilənib 18:40 05.03.2021)
8 Mart bayramı qabağı Sputnik Azərbaycan kişilərin qadınlara hansı hədiyyələri edəcəyi, qadınların  gözləntiləri, bazarda güllərin bayramqabağı qiymətləri barədə sorğu keçirdi.

Qeyd edək ki, gül satıcıları suallarımızı cavablandırmaqdan yayınırdılar. Buna baxmayaraq, redaksiyamız bayramqabağı satılan güllərin qiymətini araşdırdı. Araşdırmadan müəyyən olundu ki, bazarda bir zanbağın qiyməti 5, qızılgülün isə 6 manatdır. Beləliklə, 5 dənə güldən ibarət sadə dəstənin qiyməti 25-30 manat təşkil edir.

Sorğunun əsas məqsədlərindən biri də şəhər sakinlərinin qadınlar bayramına münasibətini araşdırmaq idi.

Məlum oldu ki, qadınlar həmin gün təkcə gül dəstələri, ətir və s. kimi hədiyyə gözlədikləri kimi, özləri də həmcinslərini təbrik etmək niyyətindədirlər. Kişi respondentlərin əksəriyyəti isə qadınları təbrik etmək niyyətində olsa da hədiyyələrin alınmasını hələ də uzadır. Çoxları isə gül qiymətləri ilə hələ də maraqlanmayıb.

Kamera önündə cavab verməkdən çəkinən respondentlər bunu maddi durumlarının çətinləşməyi ilə izah etdilər.

Sorğumuzu ətraflı videoda izləyin.

18

Azad edilmiş daha bir kəndimizin hazırkı mənzərəsi belədir - VİDEO

13
Cəbrayıl rayonunun Papı kəndi 2020-ci ilin oktyabrın 21-də əks-hücum əməliyyatı nəticəsində işğaldan azad olunub.

Müdafiə Nazirliyi Cəbrayıl rayonunun Papı kəndindən videogörüntülər paylaşıb. Sputnik Azərbaycan həmin görüntüləri təqdim edir.

13
Qonaqlıq, arxiv şəkli

Masallıda toy: Polis şadyanalıq üçün qonşunun evinə toplaşanları cəzalandırdı

0
(Yenilənib 00:27 08.03.2021)
Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

BAKI, 7 mart - Sputnik. Masallı Rayon Polis Şöbəsinin əməkdaşları tərəfindən xüsusi karantin rejimi qaydalarının təmin olunmasına nəzarət edilməsi istiqamətində keçirilən növbəti tədbirlər zamanı şəhər sakini İ.Vəliyevin qonşusuna məxsus yaşayış evində oğluna toy məclisi təşkil etdiyi müəyyən edilib.

Sputnik Azərbaycan AZƏRTAC-a istinadla xəbər verir ki, Rayon Polis Şöbəsinin əməkdaşları həmin məclisdə iştirak edənlərə bir daha xüsusi karantin rejiminin qaydalarını izah ediblər.

Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

0