Ağdam Monitorinq Mərkəzində sülhməramlıların vaksinasiyası necə yekunlaşdı video

58
(Yenilənib 11:19 10.02.2021)
Azərbaycanın Ağdam rayonundakı Rusiya-Türkiyə Birgə Monitorinq Mərkəzində rusiyalı zabitlərin “Sputnik V” peyvəndinin ikinci dozası ilə vaksinasiya prosesi başa çatıb. Vaksinasiyanın necə keçirildiyini videodan izləyin.

Rus Sülhməramlı Kontingenti (RSK) hərbi tibb işçiləri tərəfindən hərarətin ölçülməsi ilə müşayiət olunan tibbi müayinədən keçəndən sonra onlara “Sputnik V” peyvəndinin ikinci dozası vurulub.

Ümumilikdə 30-dan çox şəxs vaksinasiya olunub.

COVID-19-a qarşı peyvənd prosesi yalnız könüllü qaydada həyata keçirilir. Dağlıq Qarabağdakı müşahidə məntəqələrində tapşırıqları yerinə yetirən sülhməramlı kontingent heyətinin vaksinasiyası planlı şəkildə davam edir. İndiyə kimi ümumilikdə 1500 hərbi qulluqçu peyvənd olunub.

Vaksinasiya başa çatdıqdan sonra bütün hərbi qulluqçulara Sputnik-V peyvəndinin birinci və ikinci komponentlərinin vurulduğu tarixi göstərən sertifikatlar verilir.

58

Qadınları kim cür təbrik edəcək videosorğu

18
(Yenilənib 18:40 05.03.2021)
8 Mart bayramı qabağı Sputnik Azərbaycan kişilərin qadınlara hansı hədiyyələri edəcəyi, qadınların  gözləntiləri, bazarda güllərin bayramqabağı qiymətləri barədə sorğu keçirdi.

Qeyd edək ki, gül satıcıları suallarımızı cavablandırmaqdan yayınırdılar. Buna baxmayaraq, redaksiyamız bayramqabağı satılan güllərin qiymətini araşdırdı. Araşdırmadan müəyyən olundu ki, bazarda bir zanbağın qiyməti 5, qızılgülün isə 6 manatdır. Beləliklə, 5 dənə güldən ibarət sadə dəstənin qiyməti 25-30 manat təşkil edir.

Sorğunun əsas məqsədlərindən biri də şəhər sakinlərinin qadınlar bayramına münasibətini araşdırmaq idi.

Məlum oldu ki, qadınlar həmin gün təkcə gül dəstələri, ətir və s. kimi hədiyyə gözlədikləri kimi, özləri də həmcinslərini təbrik etmək niyyətindədirlər. Kişi respondentlərin əksəriyyəti isə qadınları təbrik etmək niyyətində olsa da hədiyyələrin alınmasını hələ də uzadır. Çoxları isə gül qiymətləri ilə hələ də maraqlanmayıb.

Kamera önündə cavab verməkdən çəkinən respondentlər bunu maddi durumlarının çətinləşməyi ilə izah etdilər.

Sorğumuzu ətraflı videoda izləyin.

18

Azad edilmiş daha bir kəndimizin hazırkı mənzərəsi belədir - VİDEO

13
Cəbrayıl rayonunun Papı kəndi 2020-ci ilin oktyabrın 21-də əks-hücum əməliyyatı nəticəsində işğaldan azad olunub.

Müdafiə Nazirliyi Cəbrayıl rayonunun Papı kəndindən videogörüntülər paylaşıb. Sputnik Azərbaycan həmin görüntüləri təqdim edir.

13
Qonaqlıq, arxiv şəkli

Masallıda toy: Polis şadyanalıq üçün qonşunun evinə toplaşanları cəzalandırdı

0
(Yenilənib 00:27 08.03.2021)
Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

BAKI, 7 mart - Sputnik. Masallı Rayon Polis Şöbəsinin əməkdaşları tərəfindən xüsusi karantin rejimi qaydalarının təmin olunmasına nəzarət edilməsi istiqamətində keçirilən növbəti tədbirlər zamanı şəhər sakini İ.Vəliyevin qonşusuna məxsus yaşayış evində oğluna toy məclisi təşkil etdiyi müəyyən edilib.

Sputnik Azərbaycan AZƏRTAC-a istinadla xəbər verir ki, Rayon Polis Şöbəsinin əməkdaşları həmin məclisdə iştirak edənlərə bir daha xüsusi karantin rejiminin qaydalarını izah ediblər.

Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

0