Azərbaycanda 65 yaşdan yuxarı əhalinin vaksinasiyasına başlandı-VİDEO

95
(Yenilənib 14:10 08.02.2021)
"Rayon ərazisindəki 7 immunoprofilaktika məntəqəsinə öncədən yaşı 65-dən yuxarı olan, randevu götürmüş şəxslər yaxınlaşır və onların vaksinasiyası qaydalara uyğun şəkildə həyata keçirilir"

Bu gündən Azərbaycanda 65 yaşdan yuxarı şəxslərin COVID-19 infeksiyasına qarşı vaksinasiya prosesinə başlanılıb. Sputnik Azərbaycan-a Abşeron Rayon Mərkəzi Xəstəxanasından verilən məlumata görə, yaşı 65 yaşdan yuxarı əhali arasında COVID-19 əleyhinə fevralın 8-dən başlanılıb. Xəstəxananın şöbə müdiri Xatirə Quliyeva Sputnik Azərbaycan-a açıqlamasında bildirib ki, rayon ərazisindəki 7 immunoprofilaktika məntəqəsinə öncədən yaşı 65-dən yuxarı olan, randevu götürmüş şəxslər yaxınlaşır və onların vaksinasiyası qaydalara uyğun şəkildə həyata keçirilir. Onun sözlərinə görə, saat 13:00-a qədər peyvənd üçün randevu alan ahılların bir qismi COVID-19 əleyhinə vaksin olunub.

© Sputnik / Zulfiyya Guluyeva
Xəstəxananın şöbə müdiri Xatirə Quliyeva

Qeyd edək ki, ölkədə bu kateqoriyaya aid olan təqribən 700 000 vətəndaş var. Məlumat üçün bildirək ki, yaşı 65 yaşdan yuxarı randevu.its.gov.az internet ünvanında qeydiyyatdan keçmiş hər bir vətəndaş SMS məlumat göndərilərək peyvəndləşməyə dəvət olunacaq. "Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası"na əsasən, ilk mərhələdə səhiyyə işçilərindən sonra 65 yaşdan yuxarı şəxslər və hüquq mühafizə orqanları tərəfindən əksepidemik tədbirlərə cəlb olunan heyət vaksinasiyası nəzərdə tutulub.

95
Teqlər:
Koronavirus, epidemiya, COVID-19

Müharibəni yenidən "yaşadılar": Ordumuzda komandirlər necə hazırlanır - VİDEO

9
(Yenilənib 17:29 03.03.2021)
Tabor, divizion komandirləri və müavinləri ilə keçirilən komandir hazırlığı məşğələlərində 44 günlük Vətən müharibəsində iştirak edən bölmələrin döyüş təcrübəsini özündə əks etdirən praktiki fəaliyyətlər imitasiya edilib.

BAKI, 3 mart — Sputnik. "Naxçıvan Qarnizonu Qoşunlarının 2021-ci tədris ilinə uzlaşma planı"na əsasən tabor, divizion komandirləri və müavinləri ilə komandir hazırlığı məşğələləri keçirilib.

Sputnik Azərbaycan xəbər verir ki, komandir hazırlığı məşğələlərində əsas diqqət zabitlərin sülh və müharibə şəraitində komandir keyfiyyətlərinin əsasını təşkil edən mənəvi-psixoloji dayanıqlığının qorunmasına və bölmələri idarəetmə bacarıqlarının təkmilləşdirilməsinə yönəldilib.

Tabor, divizion komandirləri və müavinləri ilə keçirilən komandir hazırlığı məşğələlərində 44 günlük Vətən müharibəsində iştirak edən bölmələrin döyüş təcrübəsini özündə əks etdirən praktiki fəaliyyətlər imitasiya edilib.

Tabor və divizionlarda taktiki-sıra məşğələlərinin təşkili və hazırlanması metodikası göstərilib, düşmənin kiçik ölçülü pilotsuz uçuş aparatlarına və dronlarına qarşı mübarizənin üsul və vasitələri nümayiş etdirilib, praktiki fəaliyyətləri icra edən minaatan batareyaları simulyator minaatanlarından atışlar keçiriblər.

Müasir tank texnikalarının gecə şəraitində döyüşdə tətbiqi ilə minalı sahələrdən, süni və təbii maneələrdən keçməklə atəş tapşırıqlarını yerinə yetirməsi praktiki olaraq göstərilib.

Komandir hazırlığı məşğələlərinə cəlb edilmiş zabitlərdən müxtəlif ixtisas və fənlər üzrə məqbullar qəbul edilib.

Məşğələlərin yekununda bildirilib ki, zabitlərin bölmələri idarəetmə vərdişlərinin təkmilləşdirilməsində, müxtəlif silah sistemlərindən və silahlanmaya yeni daxil edilmiş hərbi texnikalardan istifadə bacarıqlarında, məşğələ və təlimlərin keçirilməsi üzrə hazırlıqlarında müsbət nəticələr əldə edilib.

9
Teqlər:
video, Azərbaycan Ordusu, Naxçıvan, komandir, hazırlıq

MDB ölkələrində COVID-19-a yoluxma sayı azalır

14
(Yenilənib 16:58 03.03.2021)
“Rospotrebnadzor”-dan bildirilib ki, koronavirus geri çəkilir və bu geriləmə artıq stabil hal alır.

Testlərin aparılması, sosial məsafə və vaksinasiya COVID-19-la mübarizədə uğur qazanmağa gətirib çıxaracaq.

Bəs peyvəndsiz kollektiv immunitet yaratmaq mümkündürmü? Rusiyanın “Sputnik V” preparatının daha yüngül variantı nə vaxt qeydiyyatdan keçiriləcək?

COVID-19 həyatımızdan birdəfəlik yox olub gedəcəkmi?

14
Teqlər:
MDB, Koronavirus, COVID-19, yoluxma
Mövzu:
Yeni tip koronavirus pandemiyası
Palmali Holdingin rəhbəri Mübariz Mənsimov

Mübariz Mənsimov azadlığa buraxılır? - Haqqında yeni tələb var

8
(Yenilənib 21:08 03.03.2021)
Bu il yanvarın 13-də Mübariz Mənsimovun növbəti məhkəmə iclası keçirilmiş və bu il martın 5-dək təxirə salınmışdı

BAKI, 3 mart — Sputnik. Azərbaycanlı iş adamı, Türkiyədə FETÖ ilə əlaqədə ittiham edilərək həbs olunan və İstanbul 27-ci Ağır Cəza Məhkəməsində haqqında cinayət işi açılan Mübariz Mənsimov azadlığa çıxa (ev dustaqlığına buraxıla) bilər.

Sputnik Azərbaycan Habertürk-ə istinadən bildirir ki, İstanbul Baş Prokurorluğu Mübariz Mənsimovun təxliyəsini istəyib. Baş Prokurorluğun tələbnaməsində qeyd olunur: "Məhkəmə prosesinin gəldiyi mərhələ: müttəhimə cinayətə görə nəzərdə tutulan/veriləcək cəzanın miqdarı, şübhəlinin həbsdə saxlanılma müddəti, həbs qətimkan tədbiri, tədbirdən gözlənilən fayda məhkəmə nəzarəti ilə əldə edilə bilər və evini tərk etməmək şərtilə məhkəmə nəzarətinin həyata keçirilməsinə qərar verilməsi tələb olunur".

Qeyd edək ki, bu il yanvarın 13-də Mübariz Mənsimovun növbəti məhkəmə iclası keçirilmiş və bu il martın 5-dək təxirə salınmışdı. 

İstanbul Baş Prokurorluğunun qərarı ilə "Palmali" Şirkətlər Qrupunun rəhbəri Mübariz Mənsimov ötən ilin mart ayında həbs edilib və onun yaşadığı evlərdə axtarış aparılıb. Türkiyə mətbuatının xəbərinə görə, onu Fətullah Gülənlə bağlı aparılan istintaq çərçivəsində saxlayıblar.

8
Teqlər:
Baş Prokurorluq, İstanbul, məhkəmə, azərbaycanlı iş adamı Mübariz Mənsimov