İtaliyali cərrah xaş, çay Azərbaycanda işləməyin üstünlükləri barədə - video

61
(Yenilənib 16:32 05.01.2021)
İtaliyalı cərrah artıq beşinci ildir ki, Azərbaycanda yaşayır. O, artıq xaşın dadına baxıb, səhər qəhvəsini çayla əvəz edib və Azərbaycan dilini azdan-çoxdan başa düşür. Onu əsl azərbaycanlı adlandırmaq olar.

Alessandro Marano demək olar ki, təsadüf sayəsində Azərbaycanda işləməyə başlayıb. Bir vaxtlar burada uzun müddət çalışan həkim dostu, Alessandroya Bakıda işləməyi təklif edib. Bir neçə dəfə Bakıya gələndən sonra, italiyalı cərrah həmişəlik burada məskunlaşmaq qərarına gəlib.

Buraya köçəndən bəri cərrahın həyatı tamamilə dəyişib. Onun sözlərinə görə, İtaliyada həkimlər bir çox məhdudiyyətlə üzləşməli olurlar, burada işləmək isə onun üçün daha rahatdır.

Romalı həkim Azərbaycanda yeməklərin bol çeşidli və hamısının təbii olmasından ağız dolusu danışır. Maraqlısı odur ki, bu beş il ərzində o, hətta xaşın dadına da baxıb. Hər gün yeməyə razı olmasa da, arabir azərbaycanlı dostları ilə birgə səhər-səhər xaş məclisinə toplaşmağı çox sevir.

İtaliyalı cərrahın nəyə görə yaşamaq və işləmək üçün məhz ölkəmizi seçdiyini isə videomuzdan öyrənin.

61

Günün videosu: Əliyevlər ailəsi Şuşada

15
(Yenilənib 15:36 15.01.2021)
İlham Əliyev, Mehriban Əliyeva və Leyla Əliyeva səhər tezdən Azərbaycanın işğaldan azad olunmuş mədəniyyət mərkəzi Şuşaya yola düşüblər.

Prezident İlham Əliyev Şuşa şəhərində Azərbaycan bayrağını qaldırıb. Əliyevlər ailəsi, həmçinin Cıdır düzündə olub, Şuşa məscidini ziyarət edib və şəhər işğal olunan vaxt güllələnmiş, sonradan Bakıya gətirilmiş heykəllərin açılış mərasimində iştirak ediblər.

Azərbaycan Respublikasının Prezidenti, Azərbaycan Silahlı Qüvvələrinin Ali Baş Komandanı İlham Əliyev 2020-ci il 8 noyabr tarixində Şuşa şəhərinin işğaldan azad olunduğunu elan edib.

Şəhər 28 il yarımdan sonra yenidən Azərbaycanın nəzarəti altına qaytarılıb.

15

Cəbrayılın Böyük Mərcanlı kəndindən görüntülər

15
(Yenilənib 13:36 15.01.2021)
Müdafiə Nazirliyi bu gün Cəbrayıl rayonunun Böyük Mərcanlı kəndinin 27 illik işğaldan azad ediləndən sonrakı ilk videogörüntülərini yayımlayıb.

BAKI, 15 yanvar — Sputnik. Cəbrayıl rayonunun Böyük Mərcanlı kəndi 1993-ci ildə Ermənistan Respublikası Silahlı Qüvvələri tərəfindən işğal edilib. 27 sentyabr 2020-ci ildə Azərbaycan Ordusunun uğurlu əməliyyatı nəticəsində kənd işğaldan azad edilib. Müdafiə Nazirliyi bu gün Böyük Mərcanlı kəndindən videogörüntülər yayımlayıb.

Sputnik Azərbaycan həmin görüntüləri təqdim edir:

 

15
Teqlər:
Cəbrayıl rayonu, Müdafiə Nazirliyi
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0