Qarabağı dirçəltmək vaxtıdır! Müəllimlərimizdən vətənpərvər təşəbbüs video

63
(Yenilənib 12:02 16.12.2020)
Sosial şəbəkələrdə Azərbaycanlı müəllimlərin müraciətlərinin maraqlı videosu yayılıb. Ağstafanın kənd müəllimlərinin nəyi arzuladığını videomuzda izləyin.

Ağstafa rayon müəllimləri tərəfindən sosial şəbəkələrdə maraqlı video müraciət yayımlanıb. Onlar yekdilliklə günü sabah Qarabağa köçüb, pedaqoji fəaliyyətlərini orada davam etdirməyə hazır olduqlarını bildiriblər. Bu videodan sonra Sputnik Azərbaycan-ın bölgə müxbiri müxtəlif kənd müəllimləri ilə əlaqə saxlayıb. Onlar öz arzularını yenidən bəyan edib, beləliklə gələcək nəsillərimizin təhsilinə öz töhfələrini vermək istəyini bir daha vurğulayıblar.

Yeni Gün kəndində ingilis dili müəllimi Arzu Xəlilova Azərbaycan Ordusunun işğal altında olan torpaqlarda uğurla irəlilədiyini görəndə, öz fəaliyyətini Xankəndində davam etdirmək üçün müraciət edib. Eyni zamanda, Azərbaycan dili və ədəbiyyatı müəllimi Aydən Məmmədova isə azad edilmiş Cəbrayıla köçmək arzusunu dilə gətirib.

“Cəbrayıl rayonunun kənd və qəsəbələri çoxdur. Yəqin ki, orada müəllimlərə ehtiyac yaranacaq. Mən də orada Azərbaycan dili və ədəbiyyatı müəllimi kimi işləməyə hazıram. İnşallah, mənim arzum çin olar”, - deyə Məmmədova bizə danışıb.

Bu gün təkcə müəllimlər deyil, bütün sahələrdə birlik, həmrəylik nümayiş olunur. Məhz bu birlik və həmrəyliyin nəticəsi olaraq ordumuz Qarabağı işğaldan azad etdi. İndi Qarabağımızın dirçəldilməsi, şəhər və kəndlərimizin abadlaşdırılması və yenidən qurulması zamanıdır.

63

Günün videosu: Əliyevlər ailəsi Şuşada

15
(Yenilənib 15:36 15.01.2021)
İlham Əliyev, Mehriban Əliyeva və Leyla Əliyeva səhər tezdən Azərbaycanın işğaldan azad olunmuş mədəniyyət mərkəzi Şuşaya yola düşüblər.

Prezident İlham Əliyev Şuşa şəhərində Azərbaycan bayrağını qaldırıb. Əliyevlər ailəsi, həmçinin Cıdır düzündə olub, Şuşa məscidini ziyarət edib və şəhər işğal olunan vaxt güllələnmiş, sonradan Bakıya gətirilmiş heykəllərin açılış mərasimində iştirak ediblər.

Azərbaycan Respublikasının Prezidenti, Azərbaycan Silahlı Qüvvələrinin Ali Baş Komandanı İlham Əliyev 2020-ci il 8 noyabr tarixində Şuşa şəhərinin işğaldan azad olunduğunu elan edib.

Şəhər 28 il yarımdan sonra yenidən Azərbaycanın nəzarəti altına qaytarılıb.

15

Cəbrayılın Böyük Mərcanlı kəndindən görüntülər

15
(Yenilənib 13:36 15.01.2021)
Müdafiə Nazirliyi bu gün Cəbrayıl rayonunun Böyük Mərcanlı kəndinin 27 illik işğaldan azad ediləndən sonrakı ilk videogörüntülərini yayımlayıb.

BAKI, 15 yanvar — Sputnik. Cəbrayıl rayonunun Böyük Mərcanlı kəndi 1993-ci ildə Ermənistan Respublikası Silahlı Qüvvələri tərəfindən işğal edilib. 27 sentyabr 2020-ci ildə Azərbaycan Ordusunun uğurlu əməliyyatı nəticəsində kənd işğaldan azad edilib. Müdafiə Nazirliyi bu gün Böyük Mərcanlı kəndindən videogörüntülər yayımlayıb.

Sputnik Azərbaycan həmin görüntüləri təqdim edir:

 

15
Teqlər:
Cəbrayıl rayonu, Müdafiə Nazirliyi
Skamyada yatan adam, arxiv şəkli

Kiminin əvvəli, kiminin axırı - Məşhur model küçələrdə yaşayır

0
(Yenilənib 10:26 16.01.2021)
Loni Uillison məşhur "Baywatch" serialının ulduz aktyoru Ceremi Ceksonla evli olub. Bu evlilik 2014-cü ildə sonlandıqdan sonra əvvəlki kimi ictimaiyyətdə görünməyən Uillison 2018-ci ildən bəri küçələrdə yaşayır

BAKI, 16 yanvar — Sputnik. Bir vaxtların məşhur modeli Loni Uillison hazırda küçədə yaşayır.

Sputnik Azərbaycan xarici mediaya istinadən xəbər verir ki, Kaliforniya ştatında yaşayan model ötən gün zibil qutularını qarışdırarkən jurnalistlərin obyektivlərinə tuş gəlib.

​Loni Uillison məşhur "Baywatch" serialının ulduz aktyoru Ceremi Ceksonla evli olub. Bu evlilik 2014-cü ildə sonlandıqdan sonra əvvəlki kimi ictimaiyyətdə görünməyən Uillison 2018-ci ildən bəri küçələrdə yaşayır.

 

0