Azərbaycanın ən böyük arzusunu çin edən 19 yaşlı şəhid video

493
(Yenilənib 14:19 16.12.2020)
Vətən müharibəsində şəhidlik zirvəsinə ucalan 19 yaşlı Əlikram Şahbazlının çox böyük arzuları var idi. O isə Azərbaycan xalqının ən böyük arzusunu çin etməyi öz gənc çiyinlərinə götürdü. Daha ətraflı – videomuzda izləyin.

Əlikram Şahbazlı Şabran rayonunun Bor-Bor kəndində dünyaya göz açıb. Üç bacının yeganə qardaşı, valideynlərinin tək oğlu olub. Əlikram 2019-cu ilin oktyabr ayının 7-də saat 4-də hərbi xidmətə yola düşüb, düz bir il sonra isə tabutu gətirilib.

Valideynləri İmarət Hümbətova və Novruz Şahbazovun sözlərinə görə, Əlikram çox savadlı olub. O, məktəbi bitirdiyi il Naxçıvan Dövlət Universitetinin “Psixologiya” fakültəsinə daxil olub. Amma valideynləri təhsil haqqını ödəyə bilmədikləri üçün təhsilini davam etdirə bilməyib və Əlikram hərbi xidmətə yola düşüb. Onun ən böyük arzusu əsgərlikdən qayıtdıqdan sonra yenidən ali təhsil alıb, ailəsinə kömək etmək, kiçik bacılarını da oxutmaq olub.

Qəhrəmanımızın ən böyük sevgisi isə futbol olub. Hətta rayon üzrə bir neçə turnirə qoşulub. Şəhidimizin bir arzusu da uşaqlarla futbol oynadığı stadionun yaxınlığında bulaq çəkilməsi olub. Atası Novruz bəy oğlunun  arzusunu yerinə yetirərək həmin yerə bulaq çəkdirib və  bulağa oğlunun adını verib. İndi hər kəs bu bulaqdan su içib şəhidimizin ruhuna dualar oxuyur.

493

Koronavirusla mübarizənin yeni mərhələsi: Bakıda vaksinasiya necə başladı

24
(Yenilənib 17:02 18.01.2021)
Paytaxtın tibb müəssisələri koronavirusa qarşı hamıdan əvvəl peyvənd olunan şəxsləri qəbul etdi. Bunun necə baş verdiyini videoda izləyin.

Azərbaycanda vaksinasiya Çinin “CoronaVac” preparatından istifadə olunmaqla aparılır. Bu gün həmin preparat səhiyyə işçiləri və dövlət qurumlarında çalışanlar üzərində sınaqdan keçirildi. Daha sonra yaşı 65-dən yuxarı olan vətəndaşlar və hüquq-mühafizə orqanlarının pandemiyaya qarşı tədbirlərə cəlb olunmuş əməkdaşları peyvənd olunacaqlar.

Azərbaycanın tibb müəssisələrində peyvənd zonası yaradıldı - Reportaj >>

Qeyd edək ki, könüllü şəkildə peyvənd olunmaq istəyən vətəndaşlar bunun üçün elektron sistem vasitəsilə yaşayış yerlərinə ən yaxın tibb məntəqəsini və vaxtı seçməlidir. Lakin bundan əvvəl sahə həkiminin qəbulunda olmaq vacibdir.

24

Ağdamın Xıdırlı kəndindən görüntülər - VİDEO

7
(Yenilənib 16:28 18.01.2021)
Ağdam rayonunun Xıdırlı kəndi 2020-ci il noyabrın 20-də üçtərəfli bəyanatın şərtlərinə əsasən erməni işğalından azad edilib. Kənd 1993-cü il iyulun 22-də işğal edilmişdi.

BAKI, 18 yanvar — Sputnik. Azərbaycan Müdafiə Nazirliyi Ermənistanın işğalından azad olunan Ağdam rayonunun Xıdırlı kəndindən videogörüntülər hazırlayıb.

Sputnik Azərbaycan həmin görüntüləri təqdim edir.

7
Uşaqlar, arxiv şəkli

İnsan alverinin hər üç qurbanından biri uşaqdır

0
(Yenilənib 17:58 18.01.2021)
Videoçarxı izləməklə insan alveri cinayətindən zərər çəkmiş şəxslərə yardım məqsədilə fəaliyyət göstərən "qaynar xətt", dünyada insan alverindən gələn gəlirin məbləği və digər detallar barədə məlumatları əldə etmək olar.

BAKI, 18 yanvar — Sputnik. İnsan alveri insan hüquqlarının ciddi pozuntusu və cinayətin ağır formalarından biridir. Həm milli, həm də transmilli cinayət xarakteri daşıyan "insan alveri" istismar məqsədilə insanların cəlb edilməsi, daşınması, hədələyərək, güc tətbiq edərək qorxudulması, oğurlanması, aldadılması kimi üsullarla insana qarşı zorakılıq kimi başa düşülür.

Sputnik Azərbaycan Baş Prokurorluğun məlumatına istinadla xəbər verir ki, aşkar olunan qurbanlar arasında uşaqların faiz nisbəti artmaqdadır: hər üç qurbandan biri uşaqdır.

İnsan alverinə qarşı mübarizə məqsədilə Baş Prokurorluğun Mətbuat xidməti tərəfindən maarifləndirici videoçarx hazırlanıb.

Videoçarxı izləməklə insan alveri cinayətindən zərər çəkmiş şəxslərə yardım məqsədilə fəaliyyət göstərən "Qaynar xətt", dünyada insan alverindən gələn gəlirin məbləği və digər detallar barədə məlumatları əldə etmək olar.

https://www.facebook.com/prokurorluq/videos/118373910083559

0