Şəhid oğlu şəhid: Atasının taleyini təkrar etmiş qəhrəman VİDEO

103
(Yenilənib 16:12 09.12.2020)
Pərvin İsgəndərov Birinci Qarabağ müharibəsində şəhid atasının üzünü bircə dəfə belə görməyib. Atasının yeganə xatirəsi olan Pərvin də könüllü olaraq cəbhəyə yollanıb. Daha ətraflı videomuzda izləyin.

Şəhid oğlu da qorxarmı?! Pərvin İsgəndərov hərbçi olmağı seçəndə məhz bu sözləri əmisinə deyib. O, Birinci Qarabağ müharibəsində şəhid olmuş atasının tək yadigarı idi. Atası Pərvizin üzünü bircə dəfə belə görmədən böyümüşdü. Tək oğul olduğu halda, heç kimin sözünə qulaq asmadan Pərvin könüllü olaraq cəbhəyə yollandı.

Nənəsi Əntiqə İsgəndərova nəvəsinin 25 il sonra atasının qisasını yerdə qoymadığını söyləyib.

Şəhid Pərvin İsgəndərov müharibənin ilk günündən könüllü olaraq döyüşlərə qatılıb. Məqsədi Vətən torpaqlarını azad etmək, şəhid atasının qanının yerdə qalmaması idi. Son damla qanınadək  savaşdı və buna nail oldu.

Pərvin haqqında danışan əmisi Əziz İsgəndərov Sputnik Azərbaycan-ın bölgə müxbirinə danışıb ki, ailəsi tək övlad olduğuna görə Pərvinin hərbçi olmasına razı olmasa da, qəhrəman şəhid heç kimin sözünə qulaq asmayıb.

“O vaxt dedi̇m, tək oğulsan. Atan şəhi̇d olub. Getmə. Dedi̇, “Əmi̇, şəhi̇d oğlu da qorxarmı?! Niyə qorxmalıyam?! Atamın mən qisasını alacağam””, - deyə əmisi bizimlə bölüşüb.

Müddətdən artıq hərbçi olan Pərvin Füzuli uğrunda döyüşlərdə şəhid olub. Oktyabrın 12-də isə onun şəhidlik xəbəri gəlib.

Pərvin eynilə atasının taleyini təkrarlayıb. Bir vaxtlar atası kimi Pərvin də Vətən uğrunda qəhrəmanca şəhid olub, özündən sonra bütün Azərbaycan xalqına bircə oğlunu yadigar qoyub gedib.

103

Günün videosu: Əliyevlər ailəsi Şuşada

15
(Yenilənib 15:36 15.01.2021)
İlham Əliyev, Mehriban Əliyeva və Leyla Əliyeva səhər tezdən Azərbaycanın işğaldan azad olunmuş mədəniyyət mərkəzi Şuşaya yola düşüblər.

Prezident İlham Əliyev Şuşa şəhərində Azərbaycan bayrağını qaldırıb. Əliyevlər ailəsi, həmçinin Cıdır düzündə olub, Şuşa məscidini ziyarət edib və şəhər işğal olunan vaxt güllələnmiş, sonradan Bakıya gətirilmiş heykəllərin açılış mərasimində iştirak ediblər.

Azərbaycan Respublikasının Prezidenti, Azərbaycan Silahlı Qüvvələrinin Ali Baş Komandanı İlham Əliyev 2020-ci il 8 noyabr tarixində Şuşa şəhərinin işğaldan azad olunduğunu elan edib.

Şəhər 28 il yarımdan sonra yenidən Azərbaycanın nəzarəti altına qaytarılıb.

15

Cəbrayılın Böyük Mərcanlı kəndindən görüntülər

15
(Yenilənib 13:36 15.01.2021)
Müdafiə Nazirliyi bu gün Cəbrayıl rayonunun Böyük Mərcanlı kəndinin 27 illik işğaldan azad ediləndən sonrakı ilk videogörüntülərini yayımlayıb.

BAKI, 15 yanvar — Sputnik. Cəbrayıl rayonunun Böyük Mərcanlı kəndi 1993-ci ildə Ermənistan Respublikası Silahlı Qüvvələri tərəfindən işğal edilib. 27 sentyabr 2020-ci ildə Azərbaycan Ordusunun uğurlu əməliyyatı nəticəsində kənd işğaldan azad edilib. Müdafiə Nazirliyi bu gün Böyük Mərcanlı kəndindən videogörüntülər yayımlayıb.

Sputnik Azərbaycan həmin görüntüləri təqdim edir:

 

15
Teqlər:
Cəbrayıl rayonu, Müdafiə Nazirliyi
Bakı karantinin yumşaldılmasından sonra

Kafe-restoran həsrətliləri üçün son tarix

0
Ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilsə də müəyyən yumşalmalar var

BAKI, 16 yanvar — Sputnik. Nazirlər Kabineti yanında Operativ Qərərgah kafe və restoranların yerində xidmət göstərəcəyi tarixi açıqlayıb. Sputnik Azərbaycan-ın məlumatına görə, 2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur.

Qeyd edək ki, Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb.

0
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar