Xaçmazda sel evləri yuyub aparıb, insanlar çöldə qalıblar video

155
Xaçmaz rayonuna yağan aramsız yağışlar böyük dağıntılara səbəb olub. Bir küçədə yaşayan Abışovlar ailəsinin evləri yaşanmaz vəziyyətə düşüb. Xaçmaz sakinlərinin hal-hazırda nə ilə üzləşdiyini videomuzda izləyin.

15 noyabr tarixindən yağmağa yağan intensiv yağışlar nəticəsində Xaçmaz rayonunda 200-dən çox evə ziyan dəyib, bir çox ev yararsız hala düşüb. Xüsusilə də mərkəzi küçələrdə yerləşən evlər tamamilə uçub. Bəzi evlərin həyətləri isə kiçik gölməçələri xatırladır. Sel insanların bütün malını, heyvan və təsərrüfatını yuyub aparıb.

Bundan başqa, rayonda elektrik enerjisinin və maye qazın verilməsində fasilələr yaranıb. Zərərçəkən şəxslər tez bir zamanda FHN-nin əməkdaşlarının hadisə yerinə gəlməsini və onlara kömək etməsini rica ediblər.

Sputnik Azərbaycan-ın bölgə müxbiri isə Xaçmaz rayonu üzrə FHN sədri Bəxtiyar Osmanovla əlaqə saxlamağa müvəffəq olub. Onun sözlərinə görə, evsiz qalan insanlara müvəqqəti sığınacaqlar təklif edilir. Nazirlik nəzdində yaradılan komissiya bir-bir bütün zərərçəkmiş evlərə baş çəkir və tez bir zamanda dağılan evlərin bərpa edilməsi gözlənilir.

155

Ağdamın işğaldan azad edilmiş Abdal Gülablı kəndləri necə görünür - video

3
Azərbaycan Respublikası Müdafiə Nazirliyi ictimaiyyəti işğaldan azad edilmiş ərazilərlə tanış etməyə davam edir.

Müdafiə Nazirliyi öz rəsmi internet səhifəsində Ağdam rayonunun işğaldan azad edilmiş Abdal və Gülablı kəndindən xüsusi videoreportaj paylaşıb.

Xocavəndin işğaldan azad olunan Domi kəndinin görüntüləri
YouTube / Azərbaycan Respublikası Müdafiə Nazirliyi

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanatın şərtlərinə artıq əməl olunur. Belə ki, Ağdam rayonu 2020-ci il noyabrın 20-də Azərbaycan Respublikasına qaytarılıb.

Sənədin digər müddəalarına əsasən, 2020-ci il noyabrın 25-də Azərbaycan Respublikasına Kəlbəcər rayonu, dekabrın 1-də Laçın rayonu qaytarmalıdır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Xocavənd rayonunun işğaldan azad olunan Daşbaşı kəndindən videoreportaj>>

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

3

Oğlumu itirsəm də, Azərbaycan bir qəhrəman qazandı şəhid anası

16
Azərbaycanlı şəhid atasının oğlunu cəbhəyə yollayarkən dediyi sözlər çin olub. Müharibə qəhrəmanlarından birinin tarixçəsini videomuzda izləyin.

Fikrət Həsənov həmişə oğlu Əzimə deyərdi ki, o, mütləq Ağdamı azad edəcək. Əzim isə böyüdü, Dillər Universitetini bitirdi, hərbi xidmətə yollandı, amma atasının sözlərini heç vaxt unutmadı. Atasına verdiyi sözü isə düz bir il sonra tutdu. Müharibə başlayan ilk gündən Əzim könülü olaraq paytaxtdakı hərbi hissədən işğal altında olan torpaqlarımızı azad etməyə yollandı.

Qəhrəmanın atası bizə danışıb ki, oğlu bir neçə dəfə mühasirəyə düşən zaman özünü və əsgər yoldaşlarını xilas etməyə müvəffəq olub. Ən son dəfə anası ilə telefonda danışan zaman isə Azərbaycanın qələbə çaldığı, ordunun irəlilədiyi xəbərini verib ona.

Atasız böyütdüyü iki oğlu Vətənə qurban getdi - video>>

Əzimin anası Şəhla Həsənova isə deyib ki, o, öz oğlunu itirsə də, Azərbaycan daha bir qəhrəman qazanıb.

16