Quba artıq bir aydır kilid altındadır rayonda pandemik vəziyyət yerdədir video

192
Quba rayonu artıq bir aydır ki, kilid altındadır. Rayon mərkəzinə və bəzi kəndlərə giriş-çıxış dayandırılıb. Qubada pandemik vəziyyətin hal-hazırda nə yerdə olduğunu videomuzda izləyin.

Son bir neçə həftə ərzində ölkə üzrə həm yoluxanların, həm virusa görə dünyasını dəyişənlərin sayı getdikcə artır. 15 oktyabr tarixindən etibarən Quba rayon mərkəzinə və bəzi kəndlərinə giriş-çıxış qadağandır.

Şəhərin bəzi kənd və qəsəbələrinin giriş-çıxışlarında postlar qurulub, xüsusi təyinatlı nəqliyyat vasitələrinin və yükdaşıyan avtomobillərin hərəkəti istisna olmaqla nəqliyyat vasitələrinin giriş-çıxışı məhdudlaşdırılıb.

Qubada ərzaq mağazaları və apteklərdən başqa bütün obyektlər bağlıdır, ictimai nəqliyyat işləmir. Sakinləri narahat edən ən başlıca amil isə bu dəfə bazarın işləməməsidir, belə ki Quba əhalisinin əksəriyyəti kənd təsərrüfatı mallarının istehsalı və bazarda satılması ilə dolanır.

Koronavirusa yoluxan zaman antibiotik qəbul etməyin>>

Bu vəziyyətə baxmayaraq, qubalılar sağlamlıqlarının hər şeydən öndə gəlməsini anlayır, dövlətin qoyduğu qayda-qanuna əməl etməyə çalışırlar.

192
Mövzu:
Azərbaycanda koronavirus: son xəbərlər (335)

Yay təamı qışda: Çoban salatını qış üçün necə bağlamalı videoresept

12
(Yenilənib 12:03 27.11.2020)
Yay və payız aylarında demək olar ki, hər yeməklə masaya mütləq çoban salatı verilir. Beyləqanlı evdar xanım Ətlas Allahyarova hamının sevimlisi olan bu salatı qış üçün necə konservləşdirməli olduğumuzu Sputnik Azərbaycan-a nümayiş etdirib.

Yay və payız aylarında qışa tədarük etmək hər bir ev xanımının sevə-sevə etdiyi işlərdəndir. Belə etməklə, həm qışda yay tərəvəzlərindən dadmış, həm də olduqca qənaət etmiş oluruq. Ümumiyyətlə, qış aylarında tutmaların xüsusi yeri var.

Beyləqanlı evdar xanım Ətlas Allahyarova çoban salatının qış üçün necə tutulduğunu nümayiş etdirib. Bunun üçün bizə hərəsindən bir kiloqram olmaqla pomidor, bibər və xiyar, bir dəstə cəfəri, 5 diş sarımsaq, yarım kiloqram soğan, duz, istiot və sirkə lazım olacaq.

İlk öncə tərəvəzlər yaxşıca yuyulur və orta ölçüdə doğranır. Daha sonra doğranmış tərəvəzlərə duz əlavə edilərək yaxşıca qarışdırılır və bankalara yerləşdirilir. Bankanın ağzına qədər soyuq su əlavə olunur və böyük qazanın içinə yerləşdirilərək qaynadılır. 15-20 dəqiqə qaynadıqdan sonra üzərinə yarım çay qaşığı sirkə əlavə edilərək, bankaların ağzı möhkəm bağlanır.

Nuş olsun! 

12

Ayağını itirdiyi halda yenidən cəbhəyə can atan qazi video

67
(Yenilənib 16:32 27.11.2020)
Anar Quliyev Suqovuşanın azad edilməsində iştirak edib, oradaca minaya düşərək bir ayağından məhrum olub. Onun qəhrəmanlıq əhvalatını videomuzda izləyin.

Vətən Müharibəsinə yollanan bütün igid oğullarımızın amalı bir olub – sona qədər bütün torpaqlarımızı qarış-qarış azad etmək. Bu onların canı bahasına başa gəlsə də, onlar bir an belə tərəddüd etmədən canlarını Vətən uğrunda fəda ediblər. Belə igidlərdən biri də Quba rayonu Amsar kənd sakini Anar Quliyevdir.

Bir ilin əsgəri olan Anar, oktyabr ayının 13-dən 14-nə keçən gecə Suqovuşan ərazisində minaya düşüb, sağ ayağının aşağı hissəsini itirib. Qazimiz ayağını itirdiyinə yox, tez yaralandığına görə peşman olduğunu bildirib. O, sonacan vuruşmaq istəyirdi.

“Hamı şad idi ki, irəli gedirik. Hamı arzu edirdi ki, geri qayıtmarıq, axıra qədər gedərik. Belə də oldu. Şükür Allaha, torpaqlarımız işğal altından azad edildi”, -deyə qəhrəman Sputnik Azərbaycan-ın bölgə müxbirinə danışıb.

Əldə etdiyimiz böyük qələbədə az da olsa payı olduğu üçün sevinən Anar son dəqiqəyə qədər ailəsinə yaralı olduğunu demək istəməyib. Onun valideynləri isə onunla fəxr etdiyini, ayağını itirsə də özü sağ qaldığına görə şükür etdiklərini deyiblər.

67
Dəniz Mall Ticarət Mərkəzinə mənzərə, arxiv şəkli

Sabahdan hava mülayimləşir

0
(Yenilənib 16:03 28.11.2020)
Havanın temperaturu gecə 2-6, gündüz 8-12 dərəcə isti, dağlarda gecə 2-7 dərəcə şaxta, gündüz 0-3 dərəcə isti olacaq.

BAKI, 28 noyabr — Sputnik. Noyabrın 29-da Bakıda və Abşeron yarımadasında hava şəraitinin buludlu olacağı, gecə və axşam bəzi yerlərdə yağış yağacağı gözlənilir. Ekologiya və Təbii Sərvətlər Nazirliyinin (ETSN) Milli Hidrometeorologiya Xidmətindən Sputnik Azərbaycan-a verilən məlumata görə, mülayim cənub-şərq küləyi əsəcək.

Havanın temperaturu Abşeron yarımadasında gecə 6-9, gündüz 10-13, Bakıda gecə 7-9, gündüz 11-13 dərəcə isti olacaq. Atmosfer təzyiqi normadan yüksək 773 mm civə sütunundan 770 mm civə sütununa enəcək, nisbi rütubət 65-75 faiz olacaq.

Noyabrın 29-da Azərbaycanın rayonlarında hava şəraitinin əsasən yağmursuz keçəcəyi, lakin gündüzdən başlayaraq bəzi yerlərdə yağış, dağlıq ərazilərdə qar yağacağı gözlənilir. Ayrı-ayrı yerlərdə intensiv olacağı ehtimalı var. Gecə və səhər bəzi yerlərdə duman olacaq. Şərq küləyi əsəcək. Havanın temperaturu gecə 2-6, gündüz 8-12 dərəcə isti, dağlarda gecə 2-7 dərəcə şaxta, gündüz 0-3 dərəcə isti olacaq.

Tibbi-meteoroloji proqnoza gəlincə, noyabrın 29-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

0
Teqlər:
hava proqnozu, Hava proqnozu, Ekologiya və Təbii Sərvətlər Nazirliyinin (ETSN) Milli Hidrometeorologiya Departamenti, Ekologiya və Təbii Sərvətlər Nazirliyinin Milli Hidrometeorologiya Departamenti, Milli Hidrometeorologiya Departamentinin Hidrometeoroloji Proqnozlar Bürosu, Milli Hidrometeorologiya Departamenti