(1:32 / 12.21Mb / просмотров видео: 114)

“Şuşadan torpaq gətirib, qardaşımın məzarı üzərinə tökəcəyəm”: Pəncəli Teymurovun qardaşı

177
Bütün Azərbaycan xalqının qələbə sevincini yaşayan bir gündə, Sputnik Azərbaycan-ın çəkiliş komandası əfsanəvi kəşfiyyatçı, şəhid Pəncəli Teymurovun ailəsini ziyarət edib, şəhidin məzarına baş çəkib.

Astaranın ucqar Əzərud kəndində doğulan, boya-başa çatan əfsanəvi kəşfiyyatçı gizir Pəncəli Teymurov 2016-cı ilin Aprel döyüşlərində Tərtər rayonunun Talış kəndində qəhrəmanca şəhid olub. Məhz o kəndin azad edilməsi Teymurovlar ailəsinin yaddaşında illər boyu qalacaq.

“Mənim qardaşım orada şəhid olmuşdu. Arzum odur ki, azad edilmiş torpaqlardan, Şuşadan, Laçından torpaq götürüb qardaşımın məzarının üstünə töküm”, - deyə şəhidin qardaşı, Famil Teymurov Sputnik Azərbaycan-ın bölgə müxbiri ilə bölüşüb.

Şəhid anası Vahimə Ağayeva döyüşlər ərzində bütün xəbərləri diqqətlə izləyib, ürəyi əsgərimizlə bir atıb, çünki o, bütün əsgərlərin onun oğlu olduğuna inanır.

“Biz çoxdan bu günləri gözləyirdik. Bu gün birlikdə bu şad xəbəri eşitdik, mən elə bildim ki, Pəncəli də mənim yanımdadır. Pəncəli ilə birlikdəyəm mən”, -deyə Vahimə xanım qələbə sevincini bizimlə paylaşıb.

O, həm də şəhid analarına müraciət edərək, başlarını hər zaman uca tutmalarını xahiş edib.

177
Mövzu:
Azərbaycan və Ermənistan arasında müharibə (1127)

Rusiyalı sülhməramlılar Laçın dəhlizində təhlükəsizliyə necə nəzarət edirlər video

2
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

2

Qələbə xidmətçiləri: Gecə boyu bayraq tikib insanlara təmənnasız paylayan tovuzlu dərzilər

13
(Yenilənib 11:26 26.11.2020)
Tovuz rayonu Qovlar şəhərində yaşayan dərzilər müharibə başlayan andan hər gün bayraq tikərək insanlara təmənnasız paylayıblar. Dərzi Leyli Əliyevanın ən böyük arzusunun nə olduğunu isə videomuzda izləyin.

İndi bayrağımız ölkəmizin hər yerini bəzəyir. Kəndlərimizdə, ucqar qəsəbə və yaşayış məntəqələrində bayraqsız bir küçə, bir məkan da yoxdur. Bayraq tələbatının aradan qalxması yolunda dərzilərimizin də xidməti böyükdür. Tovuz rayon Qovlar şəhərində yaşayan dərzilər də müharibə dövründə hər gün bayraq tikərək təmənnasız paylayıblar.

Sputnik Azərbaycan-ın bölgə müxbirinə danışan dərzi Leyli Əliyeva əvvəllər  bayraq tikmədiyini deyib. Lakin müharibə başlayan gündən bayrağa olan böyük tələbatı görüb digər sifarişlərini kənara ataraq yalnız bayraq tikməyə başladığını söyləyib.

“Bayraq bizim ləyaqətimizdi. Bayraq bizim şərəfimizdi. Müharibə başlayandan sonra gördüm ki, insanlar dükanlarda bayraq tapa bilmirlər. Tapanlar bahalığından şikayət edirlər. Mən də qərara gəldim ki, bu müharibəyə bacardığım qədər mən də köməkçi olum”, - deyə o, bizimlə bölüşüb.

Qələbə xidmətçisi ən böyük arzusunun tezliklə Qarabağa gedərək tikdiyi bayraqlardan birini Xurşidbanu Natəvanın qəbri üstünə sərmək olduğunu bildirib.

13