(1:23 / 10.15Mb / просмотров видео: 91)

Şuşa qərargahının bayrağı nəhayət evinə qayıdacaq video

95
Bir vaxtlar Şuşa şəhəri qərargahının bayrağı hazırda Masallı rayonunda kiçik muzeydə saxlanılır. Muzeyin yaradıcısı Əmirəli Yaqubov onu göz bəbəyi kimi qoruyub və yenidən Şuşada dalğalandıracağı günü gözləyir.

Masallı rayonu Xırmandalı kənd sakini Əmirəli Yaqubov 20 il bundan əvvəl Kənd Mədəniyyət evində muzey yaradıb. Onun yaratdığı muzeyin ən dəyərli eksponatı isə bir vaxtlar Şuşa şəhərinin qərargahından dalğalanan bayraqdır. 1992-ci ildə Şuşa şəhəri işğal edilərkən ermənilərin əlinə keçməsin deyə, zabitlərdən biri onu qoruyub saxlayıb. Daha sonra isə bayraq muzeydə saxlanması üçün Yaqubova verilib.

“Bu bayraq 8 il bundan qabaq kənddə vətənpərvər mövzuda tədbir keçirilərkən mənə hədiyyə verilib ki, muzeydə qorunub saxlansın. Mən də onu həmin gündən göz bəbəyim kimi qoruyuram”, deyə muzeyin yaradıcısı Sputnik Azərbaycan-ın bölgə müxbiri ilə paylaşıb.

Yaqubovun dediyinə görə, bayraq Şuşa şəhəri uğrunda döyüşlərdə olub. Bayraq ona veriləndə, üzərində qan ləkəsi var imiş, o isə bilmədən ləkəni yudurub.

İllərdir bu bayrağı yenidən Şuşada sancmaq arzusu ilə yaşayan Yaqubovun arzusu nəhayət ki, çin olacaq.

95
Mövzu:
Azərbaycan və Ermənistan arasında müharibə (1127)

Rusiyalı sülhməramlılar Laçın dəhlizində təhlükəsizliyə necə nəzarət edirlər video

4
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

4

Qələbə xidmətçiləri: Gecə boyu bayraq tikib insanlara təmənnasız paylayan tovuzlu dərzilər

13
(Yenilənib 11:26 26.11.2020)
Tovuz rayonu Qovlar şəhərində yaşayan dərzilər müharibə başlayan andan hər gün bayraq tikərək insanlara təmənnasız paylayıblar. Dərzi Leyli Əliyevanın ən böyük arzusunun nə olduğunu isə videomuzda izləyin.

İndi bayrağımız ölkəmizin hər yerini bəzəyir. Kəndlərimizdə, ucqar qəsəbə və yaşayış məntəqələrində bayraqsız bir küçə, bir məkan da yoxdur. Bayraq tələbatının aradan qalxması yolunda dərzilərimizin də xidməti böyükdür. Tovuz rayon Qovlar şəhərində yaşayan dərzilər də müharibə dövründə hər gün bayraq tikərək təmənnasız paylayıblar.

Sputnik Azərbaycan-ın bölgə müxbirinə danışan dərzi Leyli Əliyeva əvvəllər  bayraq tikmədiyini deyib. Lakin müharibə başlayan gündən bayrağa olan böyük tələbatı görüb digər sifarişlərini kənara ataraq yalnız bayraq tikməyə başladığını söyləyib.

“Bayraq bizim ləyaqətimizdi. Bayraq bizim şərəfimizdi. Müharibə başlayandan sonra gördüm ki, insanlar dükanlarda bayraq tapa bilmirlər. Tapanlar bahalığından şikayət edirlər. Mən də qərara gəldim ki, bu müharibəyə bacardığım qədər mən də köməkçi olum”, - deyə o, bizimlə bölüşüb.

Qələbə xidmətçisi ən böyük arzusunun tezliklə Qarabağa gedərək tikdiyi bayraqlardan birini Xurşidbanu Natəvanın qəbri üstünə sərmək olduğunu bildirib.

13