(3:01 / 22.12Mb / просмотров видео: 185)

Bulaq suyu, Qarabağ süfrəsi - Doğma ata ocağını yenidən yandırmağa gedirlər - VİDEO

323
(Yenilənib 15:33 07.11.2020)
Oktyabrın 17-də Füzuli şəhəri erməni işğalçılarından təmizləndi. Torpaqlarından qovulmuş dinc sakinlərin sevincini, xoşbəxtliyini sözlə ifadə etmək çətindir. Füzulidən olan Balıyevlər ailəsi Sputnik Azərbaycan-la doğma şəhərlərinə qayıdış planlarını bölüşüb.

Füzuli rayonunun Gorazıllı kəndi yüksəklikdə, Hadrutun yaxınlığında yerləşir. Bu kənddən məcburi köçkün düşmüş Məhliqa Balıyeva deyir ki, uzun illər ermənilərlə qonşu olublar, onlardan çox ziyan görsələr də, heç kimin ağlına da gəlmirmiş ki, onlar insanları doğma yurd-yuvasından didərgin sala bilərlər.

“Səhər 4-də qaçmalı olduq. Hələ yuxudan tam ayılmamışdıq da, kimin əynində nə vardı, eləcə çıxırdı, evi-eşiyi qoyub, uşaqları xilas eləməyə çalışırdıq. Evimiz isə kəndin lap girişindəydi – gözəl bağımız, meyvələrimiz, təmiz havamız vardı. Tezliklə oraya qayıdacağıq”, - Balıyeva deyir.

Füzuli sakini atasının qonaqlarını necə qarşılamasından danışanda gözləri dolur. Deyir, qonaq gələndə qoyun kəsir, kabab bişirirdilər. Əti də dəmir şişə deyil, budaqlardan yonulmuş şişə çəkir, açıq ocaqda bişirirdilər ki, daha ləzzətli olsun.

Məhliqa xanımın oğlu Tahir Balıyev doğma kəndlərinə qayıdıb Haşkür kəhrizinin buz kimi suyundan içməyin həsrətindədir. Bakıda doğulmağına baxmayaraq, onun uşaqlığının ən gözəl illəri babası ilə nənəsinin evində keçib. Onun xalası Nüşabə Mahmudova da doğma kəndlərinə, ata yurduna dönməyi arzulayır. Deyir ki, orada milli, Qarabağ mətbəxinin təamlarını hazırlayaraq hər kəsi qonaq edəcək.

İndiki nəslə ata-ana torpağına qayıtmağın necə hiss olduğunu anlamaq bir az çətindir. Ancaq valideynlərin danışdıqları hadisələri dinlədikcə hər kəs doğma torpaqları öz gözü ilə görməyə can atır. Tahir Balıyevin qızları Füzulinin azad olunması xəbərindən sonra elə bu arzularından danışırlar, nənələri Məhliqa xanım isə onlara kəndi gəzdirəcəyinə söz verib.

323
Teqlər:
video, qayıdış, Ermənistan-Azərbaycan, Dağlıq Qarabağ münaqişəsi, məcburi köçkünlər, ailə, Füzuli
Mövzu:
Azərbaycan və Ermənistan arasında müharibə (1117)

Ağdam, biz səni yenidən qarış-qarış tikəcəyik: “Ruhlar şəhəri”ndən reportaj video

28
Noyabrın 20-dən etibarən Ağdam rayonu erməni işğalından tamamilə azad edilib. Şəhərdə daş üzərində daş qalmayıb desək, yanılmarıq. Şəhərin 27 illik işğaldan sonra necə göründüyünü videomuzda izləyin.

Ağdam hal-hazırda “Ruhlar şəhəri”nə bənzəyir. Şəhərdə bütün binalar dağıdılıb, ətrafı minalanıb, üzüm sahələri çoxdan əkilib-becərilmir. Ümumiyyətlə, elə təəssürat yaranır ki, elə bil burada 30 il heç kim yaşamayıb.

Bütün bu dağıntılar fonunda isə möcüzə nəticəsində məhv olmayan Cümə Məscidi ucalır. Məscid iki müharibə görüb, dəhşətlərin şahidi olub – 1992-ci ildə Xocalı soyqırımı qurbanlarının nəşlərini Ağdama çatdıraraq bu məscidə gətiriblər. İndi isə, 27 illik işğaldan sonra məscidin ərazisi təmizlənib sahmana salınıb, Azərbaycan bayrağı sancılıb, burada yenidən azan oxunaraq namaz qılınıb.

Füzuli bu gün necə görünür: Erməni faşizminin sübutları
© Sputnik / İbrahim Həşimov / Leyla Orucova

Ağdamlılar artıq məcburi köçkün hesab edilmirlər. Evinə xoş gəldin, Ağdam!

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanatın şərtlərinə artıq əməl olunur. Belə ki, Ağdam rayonu 2020-ci il noyabrın 20-də Azərbaycan Respublikasına qaytarılıb.

Sənədin digər müddəalarına əsasən, 2020-ci il noyabrın 25-də Azərbaycan Respublikasına Kəlbəcər rayonu, dekabrın 1-də Laçın rayonu qaytarmalıdır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Azərbaycan Silahlı Qüvvələri Füzuli istiqamətində hərəkət edir – video>>

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

28

Rusiya FHN Şuşa Xankəndi şəhərlərinə humanitar yardım göndərib - VİDEO

180
(Yenilənib 23:34 22.11.2020)
Noyabrın 22-də Rusiya FHN tərəfindən Azərbaycanın Dağlıq Qarabağ bölgəsinə göndərilmiş 27 yük avtomobilindən ibarət humanitar yardım karvanı "Samur" sərhəd-keçid məntəqəsində Azərbaycan FHN tərəfindən qarşılanaraq yolboyu müşayiəti təşkil olunub.

Azərbaycan Fövqəladə Hallar Nazirliyi tərəfindən Rusiya Fövqəladə Hallar Nazirliyinin Azərbaycan Respublikasının Şuşa və Xankəndi şəhərlərinə göndərdiyi humanitar yardımın "Samur" sərhəd-keçid məntəqəsində qarşılanaraq müşayiəti təşkil olunub.

Sputnik Azərbaycan AZƏRTAC-a istinadla xəbər verir ki, noyabrın 22-də Rusiya Federasiyası Fövqəladə Hallar Nazirliyi tərəfindən Azərbaycanın Dağlıq Qarabağ bölgəsinə göndərilmiş 27 yük avtomobilindən ibarət humanitar yardım karvanı "Samur" sərhəd-keçid məntəqəsində Azərbaycan Respublikasının Fövqəladə Hallar Nazirliyi tərəfindən qarşılanaraq yolboyu müşayiəti təşkil olunub.

Tikinti materiallarından ibarət humanitar yardımın yarısının Şuşa şəhərinə, digər yarısının isə Xankəndi şəhərinə çatdırılması nəzərdə tutulur.

180
Teqlər:
Xankəndi, Şuşa, "Samur" gömrük postu, humanitar yardım, Rusiya, Azərbaycan Respublikasının Fövqəladə Hallar Nazirliyi, Azərbaycan Respublikası Fövqəladə Hallar Nazirliyi, Fövqəladə Hallar Nazirliyi, Rusiya FHN
Milli Məclisin iclası, arxiv şəkli

Milli Məclisin iclası keçiriləcək

0
“Ətraf mühitin mühafizəsi haqqında” qanuna, İnzibati Xətalar Məcəlləsinə və s. dəyişikliklər ediləcək.

 

Xalid Məmmədov, Sputnik Azərbaycan

BAKI, 24 noyabr — Sputnik. Bu gün Milli Məclisin növbəti plenar iclası keçiriləcək.

Sputnik Azərbaycan-ın məlumatına görə, iclasın gündəliyinə 6 məsələ daxi edilib.

Həmin məsələlər aşağıdakılardır:

1.Vətən Müharibəsində qələbə münasibətilə Azərbaycan Respublikasının orden və medallarının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

2."Azərbaycan Respublikasının "Vətən Müharibəsi Qəhrəmanı" adının təsis edilməsi haqqında" Azərbaycan Respublikası qanununun layihəsi barədə (ikinci oxunuş).

3."Dövlət qulluğu haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (üçüncü oxunuş).

4.Azərbaycan Dövlət Neft və Sənaye Universitetinin 100 illiyi (1920-2020)" Azərbaycan Respublikasının yubiley medalının təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

5."Ətraf mühitin mühafizəsi haqqında" Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi haqqında (ikinci oxunuş).

6. İnzibati Xətalar Məcəlləsində dəyişiklik edilməsi haqqında Azərbaycan Respublikası qanununun layihəsi barədə (ikinci oxunuş).

0