(1:23 / 10.36Mb / просмотров видео: 134)

Mərmi yağışı altında: Ağdamlılar soğan yığmaq üçün sahələrinə geri dönüblər video

82
(Yenilənib 12:54 04.11.2020)
Behbudovlar ailəsi müharibə başlayandan sonra evlərini, sahələrini tərk etməli olub. Azərbaycan ordusu irəlilədikcə onlar da ürəklənib qayıdıb, yarım qalmış məhsul yığımı ilə məşğul olmağa başlayıblar. Daha ətraflı – videomuzda.

Ağdamın yaşayış məntəqələri hər gün intensiv atəşə tutulur. Rayon əhalisi hər gün top mərmisinin səsinə oyanır, dağıntı səsinə yuxuya gedir.

Bir vaxtlar ermənilərin işğal etdiyi Ağdamın Mərzili kəndini tərk etməli olan Behbudovlar ailəsi daha sonra Ağdamın Ergi düzündə məskunlaşıb və kənd təsərrüfatı ilə məşğul olmağa davam edib.

Bu il Behbudovlar 2 hektardan çox torpaqda soğan becəriblər. Amma Ermənistan SQ-nin Ağdamın yaşayış məntəqələrini atəşə tutmağa başlaması ilə onlar məhsul yığımını yarımçıq qoymalı olublar. Azərbaycan əsgəri cəbhə xətti boyu irəlilədikcə onlar da evlərinə geri qayıdıb və yarımçıq qoyduqları təsərrüfatla məşğul olmağa başlayıblar.

27 ilin həsrəti: Vəli Qocayev Zəngilana Qaz 53-də geri dönəcəyi günü gözləyir – video >>

Ailənin becərdiyi soğanın, demək olar ki, yarısından çoxu yığım vaxtı gecikdiyindən zay olub. Bundan başqa, həm pandemiya, həm cəbhə xəttindəki əməliyyatlara görə məhsul yığmağa gələn işçilərin sayı az olub, fermerlərin məhsuluna tələbat da azalıb.

Amma təsərrüfat işçiləri bundan heyfsilənmədiklərini deyiblər. Onların ən böyük arzusu, işğal altındakı torpaqların tezliklə azad edildiyini görmək və nəhayət bir vaxtlar tərk etdiyi Mərzili kəndinə geri dönməkdir.

82
Teqlər:
erməni təxribatı, Ermənistan-Azərbaycan, Dağlıq Qarabağ münaqişəsi, əkin sahəsi, Ağdam
Mövzu:
Azərbaycan və Ermənistan arasında müharibə (1127)

Rusiyalı sülhməramlılar Laçın dəhlizində təhlükəsizliyə necə nəzarət edirlər video

43
(Yenilənib 15:04 26.11.2020)
Rusiyalı sülhməramlıların Laçın dəhlizi ilə nəqliyyat hərəkətinin təhlükəsizliyini necə təmin etdiyini videoda izləyin.

Dağlıq Qarabağda Rusiya sülhməramlıları üçtərəfli sülh razılığı və atəşkəs rejiminin təmin edilməsinə nəzarət edir. 

Hərbçilər təmas xəttində yerləşən 23 müşahidə məntəqəsindən vəziyyəti gecə-gündüz müşahidə edir. Sülhməramlılar həm də Laçın dəhlizi boyunca hərəkətin təhlükəsizliyini təmin edirlər.

Kəlbəcərə ilk daxil olan Azərbaycan hərbçiləri - FOTOLAR>>

İstehkamçılar hərbi əməliyyatlardan zərər çəkən əraziləri minalardan təmizləyirlər. Mühəndis bölmələri yolları təmizləyir, bölgədə nəqliyyat hərəkətinin tənzimlənməsinə yardım edir, habelə yaşayış məntəqələrinin su, enerji və istilik tədarükünü bərpa edir.

43

Qələbə xidmətçiləri: Gecə boyu bayraq tikib insanlara təmənnasız paylayan tovuzlu dərzilər

16
(Yenilənib 11:26 26.11.2020)
Tovuz rayonu Qovlar şəhərində yaşayan dərzilər müharibə başlayan andan hər gün bayraq tikərək insanlara təmənnasız paylayıblar. Dərzi Leyli Əliyevanın ən böyük arzusunun nə olduğunu isə videomuzda izləyin.

İndi bayrağımız ölkəmizin hər yerini bəzəyir. Kəndlərimizdə, ucqar qəsəbə və yaşayış məntəqələrində bayraqsız bir küçə, bir məkan da yoxdur. Bayraq tələbatının aradan qalxması yolunda dərzilərimizin də xidməti böyükdür. Tovuz rayon Qovlar şəhərində yaşayan dərzilər də müharibə dövründə hər gün bayraq tikərək təmənnasız paylayıblar.

Sputnik Azərbaycan-ın bölgə müxbirinə danışan dərzi Leyli Əliyeva əvvəllər  bayraq tikmədiyini deyib. Lakin müharibə başlayan gündən bayrağa olan böyük tələbatı görüb digər sifarişlərini kənara ataraq yalnız bayraq tikməyə başladığını söyləyib.

“Bayraq bizim ləyaqətimizdi. Bayraq bizim şərəfimizdi. Müharibə başlayandan sonra gördüm ki, insanlar dükanlarda bayraq tapa bilmirlər. Tapanlar bahalığından şikayət edirlər. Mən də qərara gəldim ki, bu müharibəyə bacardığım qədər mən də köməkçi olum”, - deyə o, bizimlə bölüşüb.

Qələbə xidmətçisi ən böyük arzusunun tezliklə Qarabağa gedərək tikdiyi bayraqlardan birini Xurşidbanu Natəvanın qəbri üstünə sərmək olduğunu bildirib.

16
PPX avtomobili, arxiv şəkli

Bakı sakini küçədə qətlə yetirilib

0
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 25-də saat 21 radələrində Xətai rayonu ərazisində İntizam İsmayılovun aldığı bədən xəsarətləri nəticəsində xəstəxanada ölməsi barədə Xətai rayon prokurorluğuna məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla hadisənin zərərçəkmişin yaşadığı evin yaxınlığında naməlum şəxs və ya şəxslər tərəfindən aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

0
Teqlər:
cinayət, istintaq, Bakı, qətl, Xətai rayonu, Xətai